കോഴിക്കോട്. ലൈംഗിക അതിക്രമക്കേസിൽ പൂജാരിക്ക് അഞ്ചുവർഷം കഠിനതടവ്. പ്രതിക്ക് 25,000 രൂപ പിഴയും കോടതി വിധിച്ചു.മന്ദരത്തൂർ സ്വദേശി പുന്നോളി മിത്തൽ രാമദാസൻ (51) ആണ് ശിക്ഷിക്കപ്പെട്ടത്. നാദാപുരം ഫാസ്റ്റ് ട്രാക്ക് സ്പെഷ്യൽ കോടതി ജഡ്ജി ദേവൻ കെ മേനോനാണ് ശിക്ഷ വിധിച്ചത്.
2024 ഒക്ടോബർ 20നാണ് കേസിനാസ്പദമായ സംഭവം. പൂജയ്ക്കായി എത്തിയ വീട്ടിലെ പതിനൊന്നുകാരനെയാണ് പ്രതി ലൈംഗിക അതിക്രമത്തിന് വിധേയനാക്കിയത്. പൂജയ്ക്ക് ശേഷം കർമ്മം പൂർത്തിയാക്കാനെന്ന പേരിൽ കുട്ടിയെ വീടിന് പുറത്തേക്ക് കൊണ്ടുപോയി. സംഭവത്തിന് പിന്നാലെ കുട്ടി കൗൺസിലിംഗിന് വിധേയനായി
കൗൺസിലിംഗ് കേന്ദ്രം വിവരമറിയിച്ചതിനെ തുടർന്ന് വടകര പൊലീസ് ആണ് കേസെടുത് അന്വേഷണം നടത്തിയത്
