നെയ്യാറ്റിൻകര. ഹോട്ടലിൽ ഇരുതലമൂരി പാമ്പിനെ വിൽക്കാൻ ശ്രമം, നാല് പേർ അറസ്റ്റിൽ. നെയ്യാറ്റിൻകര ടി.ബി. ജങ്ഷനിലെ നെയ്യാർ റസിഡൻസി ഹോട്ടലിൽ നിന്നാണ് പ്രതികളെ അറസ്റ്റ് ചെയ്തത്. വനം ഇന്റലിജൻസിനും വന്യജീവി കുറ്റകൃത്യ നിയന്ത്രണ ബ്യൂറോയ്ക്കും ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.
കരുനാഗപ്പള്ളി ആലുംകടവ് സ്വദേശി സുദർശനൻ, കാട്ടാക്കട ഊരൂട്ടമ്പലം സ്വദേശി കേശവകുമാർ, ലക്ഷദ്വീപ് ആന്ത്രോത്ത് സ്വദേശി അൻവർ പി.കെ., മാരായമുട്ടം സ്വദേശി രതീഷ് എന്നിവരെയാണ് പരുത്തിപ്പള്ളി വനം റേഞ്ച് ഉദ്യോഗസ്ഥർ അറസ്റ്റ് ചെയ്തത്.
അറസ്റ്റിലായ പ്രതികളെ വനം കോടതിയിൽ ഹാജരാക്കി റിമാൻഡ് ചെയ്തു
