കണ്ണൂർ. ആകെ 20 ക്രിമിനൽ കേസുകൾ…പോലീസിനെ വെല്ലുവിളിച്ച് ഹീറോ കളി പിന്നെ പോലീസ് പിടിയിൽ
ഒടുവിൽ ഇപ്പോൾ കാപ്പയുടെ മുള്ക്കിരീടം ഇടതു ഭരണത്തിന്റെ ആനുകൂല്യമില്ലാതായതോടെ കവചമില്ലാത്ത പടക്കളത്തിലിറങ്ങിയ നിലയായി ഈ മുന് പാര്ട്ടി പോരാളിക്ക്.
ക്രിമിനൽ കേസുകളിൽ പ്രതിയായ അർജുൻ ആയങ്കിക്കെതിരെ കാപ്പ ചുമത്തി കണ്ണൂർ ജില്ലാ കളക്ടർ . കണ്ണൂർ സിറ്റി പോലീസ് കമ്മീഷണർ വിജയ് ഭാരത് റെഡ്ഡിയുടെ ശുപാർശയിലാണ് നടപടി.
പോലീസിനെ വെല്ലുവിളിച്ച് വിഴിച്ച് ഒടുവില്ആഭ്യന്തരമന്ത്രി വരെയെത്തി ഭീ,ണിയും പരിഹാസവും. ഒളിവിൽ പോയ അർജുൻ ആയങ്കിക്കെതിരെ ഒടുവിൽ കാപ്പ നടപടി. വളപട്ടണം പോലീസ് സമർപ്പിച്ച റിപ്പോർട്ട് പരിശോധിച്ച ശേഷമാണ് കണ്ണൂർ ജില്ലാ കളക്ടർ പി. വിഷ്ണുരാജ് കാപ്പ ഉത്തരവ് പുറപ്പെടുവിച്ചത്. കഴിഞ്ഞ ഏഴ് വർഷത്തിനിടെ ആയങ്കിക്കെതിരെ രജിസ്റ്റർ ചെയ്തത് ഒൻപത് ക്രിമിനൽ കേസുകൾ. ആകെ 20 കേസുകൾ…
ഇതിൽ വധശ്രമം ഉൾപ്പെടെയുള്ള ഗുരുതര കേസുകളുമുണ്ട്…
ഏഴ് വർഷമോ അതിൽ കൂടുതലോ ശിക്ഷ ലഭിക്കാവുന്ന ക്രിമിനൽ കേസുകളിൽ ഉൾപ്പെട്ടവർക്കെതിരെ സാമൂഹ്യവിരുദ്ധ പ്രവർത്തനങ്ങൾ തടയൽ നിയമമായ കാപ്പ ചുമത്താം. കേസുകളുടെ തുടർച്ചയും ക്രിമിനൽ പശ്ചാത്തലവും ചൂണ്ടിക്കാട്ടിയാണ് ആയങ്കിക്കെതിരെ കാപ്പ ചുമത്താൻ പോലീസ് ശുപാർശ നൽകിയത്.
അതിനിടെ, സാമൂഹ്യമാധ്യമങ്ങളിലൂടെ ആഭ്യന്തരമന്ത്രിയെ അധിക്ഷേപിച്ചെന്ന കേസിൽ റിമാൻഡിൽ കഴിയുകയാണ് അർജുൻ ആയങ്കി. ജാമ്യത്തിനായി അപേക്ഷ നൽകാനിരിക്കെയാണ് കാപ്പ ഉത്തരവ്. നിലവിൽ തലശ്ശേരി സബ് ജയിലിലുള്ള ആയങ്കിയെ കാപ്പ പ്രകാരം കണ്ണൂർ സെൻട്രൽ ജയിലിലേക്ക് മാറ്റും.
കേസുകൾ പിന്നാലെ, കാപ്പയുടെ കുരുക്കിൽ അർജുൻ ആയങ്കിയുടെ ജയിൽവാസം ഇനി നീളും. മാത്രമല്ല സംസ്ഥാനത്തെ ക്രമസമാധാനത്തിന് ഭീഷണിയായ ഗുണ്ടകളെ തളയ്ക്കുന്ന സര്ക്കാരിന്റെ ബ്രാന്ഡ് വേട്ടമൃഗമായതിനാല് പലയിടത്തും ഊരിപ്പോരല് അത്ര എളുപ്പമാകില്ല.
