തൊടുപുഴ: കാര് തോട്ടിലേക്ക് മറിഞ്ഞ് ഒരാള് മരിച്ചു. ഇടുക്കി ഏലപ്പാറ നാലാംമൈലിനു സമീപമാണ് അപകടമുണ്ടായത്. കാറിലുണ്ടായിരുന്ന മൂന്നുപേര്ക്ക് പരിക്കേറ്റു. ഇതില് ഒരാളുടെ നില ഗുരുതരമാണ്.കാറിലുണ്ടായിരുന്ന നാലു വയസ്സുള്ള കുട്ടി പരിക്കേല്ക്കാതെ രക്ഷപ്പെട്ടു.
തിരുവനന്തപുരം സ്വദേശികള് സഞ്ചരിച്ച വാഹനമാണ് അപകടത്തില്പ്പെട്ടത്. രാവിലെയായിരുന്നു അപകടം. ഏലപ്പാറയില് നിന്നും കട്ടപ്പനയിലേക്ക് വരുന്ന മലയോര ഹൈവേയില് നാലാം മൈലിന് സമീപമാണ് അപകടമുണ്ടായത്.
നിയന്ത്രണം വിട്ട കാര് സമീപത്തെ ചിന്നാര് തോട്ടിലേക്ക് മറിയുകയായിരുന്നു. കാറില് അഞ്ചുപേരാണ് ഉണ്ടായിരുന്നത്. പരിക്കേറ്റവരെ പീരുമേട് താലൂക്ക് ആശുപത്രിയില് പ്രവേശിപ്പിച്ചിട്ടുണ്ട്.
