കോഴിക്കോട്. കോഴിക്കോട്, വയനാട്, പത്തനംതിട്ട ജില്ലകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്ക് ജില്ല കലക്ടര്മാര് അവധി പ്രഖ്യാപിച്ചു. തിരുവല്ല താലുക്കില് അവധി പ്രഖ്യാപിച്ചു. അങ്കണവാടി മുതല് പ്രൊഫഷണല് കോളജുകള് വരെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും മറ്റ് താലൂക്കുകളിലെ ദുരിതാശ്വാസ ക്യാംപുകള് പ്രവര്ത്തിക്കുന്ന സ്കൂള്ക്കുമാണ് അവധിയെന്ന് പത്തനംതിട്ട ജില്ലാ കലക്ടര് അറിയിച്ചു.
പുളിഞ്ഞാല് ഗവ ഹൈസ്കൂള്, മക്കിയാട് ഹോളിഫേസ് സ്കൂള്, കൈതക്കൊല്ലി ഗവ.എല്.പി സ്കൂളുകളിലാണ് വയനാട് ജില്ലയില് ദുരിതാശ്വാസ ക്യാമ്പുകള് നിലവില് പ്രവര്ത്തിക്കുന്നത്. കഴിഞ്ഞ ദിവസങ്ങളില് ഈ ജില്ലകളില് പ്രൊഫഷണല് കോളജ് ഉള്പ്പടെയുള്ള സ്ഥാപനങ്ങള്ക്ക് അവധിയായിരുന്നു.
നാളെ കോഴിക്കോട് വയനാട് ജില്ലകളില് തീവ്രമഴയ്ക്ക് സാധ്യതയില്ലെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ശക്തമായ മഴ കണക്കിലെടുത്ത് ഈ ജില്ലകളില് യെല്ലോ അലര്ട്ട് പ്രഖ്യാപിച്ചു.
