കൊച്ചി. ഓപ്പറേഷൻ തൂഫാന്റെ ഭാഗമായി പിടികൂടിയ 587 കിലോ കഞ്ചാവ് കൂട്ടിയിട്ട് കത്തിച്ച് പോലീസ്. കൊച്ചി സിറ്റി പോലീസ് പിടികൂടിയ കഞ്ചാവും മറ്റ് ലഹരി വസ്തുക്കളുമാണ് കോർപ്പറേഷന്റെ അനുമതിയോടെ ബ്രഹ്മപുരം പ്ലാന്റിൽ വെച്ച് കത്തിച്ചത്.
ഹൈബ്രിഡ് ഉൾപ്പടെ 587 കിലോ കഞ്ചാവ്, രണ്ടര കിലോ MDMA, ഒരു കിലോ ഹാഷിഷ് ഓയിൽ. ആകെ കത്തിയമർന്നത് ഏഴര കോടിയോളം വിലമതിക്കുന്ന ലഹരി വസ്തുക്കൾ
ഓപ്പറേഷൻ തൂഫാന്റെ ഭാഗമായി കൊച്ചി സിറ്റി പോലീസ് പിടിച്ചെടുത്ത ലഹരി വസ്തുക്കളാണ് ബ്രഹ്മപുരം പ്ലാന്റിൽ കത്തിച്ചത്. ഒരു വർഷത്തിനിടെ പിടികൂടിയ ലഹരി വസ്തുക്കളാണ് കത്തിച്ചതെന്ന് കൊച്ചി സിറ്റി പോലീസ് കമ്മീഷണർ
വലിയ അളവിൽ ലഹരി വസ്തുക്കൾ ഉള്ളതിനാൽ തുറന്ന സ്ഥലത്ത് നശിപ്പിക്കൽ പ്രായോഗികമല്ലാത്തതിനാലാണ് കോർപ്പറേഷന്റെ അനുമതിയോടെ ബ്രഹ്മപുരം പ്ലാന്റിൽ കത്തിച്ചത്
മലിനീകരണ പ്രശ്നങ്ങളോ ശുചീകരണ തൊഴിലാളികൾക്ക് ആരോഗ്യപ്രശ്നങ്ങളോ ഉണ്ടാകാത്ത നിലയിൽ ഇൻസിനിറേറ്റർ വഴിയാണ് ലഹരിവസ്തുക്കൾ കത്തിച്ച് നശിപ്പിച്ചത്.
