കൊല്ലം ബീച്ചില്‍ ഒരു കുടുംബത്തിലെ മൂന്ന് പേരെ തിരയില്‍പെട്ടു. അച്ഛനും രണ്ട് പെണ്‍മക്കളുമാണ് തിരയില്‍പെട്ടത്. കരയിടിഞ്ഞാണ് ഇവര്‍ തിരയില്‍പെട്ടത്. അപകടത്തില്‍പെട്ട കുട്ടികളെ രക്ഷപ്പെടുത്തി. അച്ഛനായുള്ള തെരച്ചില്‍ നടക്കുകയാണ്.
പോര്‍ട്ട് കൊല്ലം ഗലീലിയോ സ്വദേശി മനോജ് എന്ന ജോസഫിനെ ആണ് കാണാതായത്. മുന്നറിയിപ്പ് ലംഘിച്ച് കടലിനടുത്ത് നിന്നവരാണ് അപകടത്തില്‍പ്പെട്ടത്. പടപ്പക്കരയിലെ ഭാര്യ സഹോദരിയുടെ മക്കളായ ആന്‍ഡ്രിയ, സാന്ദ്രിയ എന്നിവരോടൊപ്പം ബീച്ച് സന്ദര്‍ശിക്കാനെത്തിയതായിരുന്നു മനോജ്. തുടര്‍ന്ന മൂവരും കടലില്‍ കാല്‍ നനയ്കാകന്‍ ഇറങ്ങി. ആദ്യം കുട്ടികളും പിന്നീട് മനോജും ശക്തമായ തിരയില്‍പ്പെടുകയായിരുന്നു.

തിരുവനന്തപുരം: സംസ്ഥാനത്ത് ഇന്നും വൈദ്യുതി നിയന്ത്രണമുണ്ടാകുമെന്ന് കെഎസ്ഇബി. വൈകിട്ട് 6.15 മുതല്‍ രാത്രി 12.45 വരെയാണ് നിയന്ത്രണത്തിന് സാധ്യത. 900 മെഗാവാട്ടിന്റെ വൈദ്യുതി കുറവാണ് പ്രതീക്ഷിക്കുന്നത്.
രാത്രിയില്‍ യൂണിറ്റിന് 13 രൂപയിലേറെ നല്‍കിയാണ് വൈദ്യുതി വാങ്ങുന്നത്. ഇതുമൂലം ഉണ്ടാകുന്ന കോടികളുടെ അധിക സാമ്പത്തിക ബാധ്യത ഉപഭോക്താക്കളിലേക്ക് വരാതിരിക്കാന്‍ സര്‍ക്കാര്‍ സഹായിക്കണമെന്നാവശ്യപ്പെട്ട് കെഎസ്ഇബി കത്ത് നല്‍കി.
കഴിഞ്ഞ 13 ദിവസത്തിനിടെ ആദ്യമായി ഇന്ന് 50 മെഗാവാട്ട് വൈദ്യുതി അധികമായി ലഭിക്കുമെന്നും കെഎസ്ഇബി അറിയിച്ചു. വൈദ്യുതി ലഭ്യതയില്‍ സ്വയംപര്യാപ്തതയുള്ള സംസ്ഥാനങ്ങളില്‍നിന്ന് വൈദ്യുതി വാങ്ങാനുള്ള സാധ്യതയും കെഎസ്ഇബി തേടുന്നുണ്ട്. ഇതിന്റെ ഭാഗമായി ഡയറക്ടര്‍മാര്‍ നാളെ ഉത്തര്‍പ്രദേശ്, ഗുജറാത്ത് തുടങ്ങിയ സംസ്ഥാനങ്ങള്‍ സന്ദര്‍ശിക്കും.

മലപ്പുറം: മഞ്ചേരിയിലെ വൻ ലഹരിവേട്ടയിലെ മുഖ്യപ്രതികൾ ഡൽഹിയിൽ പിടിയിലായി. മലപ്പുറം സ്വദേശി അജ്മലും ഇയാളുടെ സുഹൃത്തായ തിരുവനന്തപുരം സ്വദേശി സൂര്യയുമാണ് പിടിയിലായത്. അജ്മൽ മാസങ്ങൾക്കു മുമ്പ് പന്തീരങ്കാവിൽ ഒരു കിലോ എംഡിഎംഎയുമായി പിടിയിലായിരുന്നെന്നും കേരളത്തിലേക്ക് എംഡിഎംഎ എത്തിക്കുന്നതിലെ പ്രധാന കണ്ണിയാണെന്നും പൊലീസ് പറഞ്ഞു.

മഞ്ചേരിയിൽ അടുത്തിടെ 10 കോടിയിലേറെ രൂപ വിലവരുന്ന 13 കിലോയോളം എംഡിഎംഎ പിടികൂടിയ കേസിലും അജ്മൽ പ്രധാന പ്രതിയാണ്. ഡൽഹി നോയിഡയിലെ സൂര്യയുടെ ഫ്ലാറ്റിൽ നിന്നാണ് ഇരുവരെയും പിടികൂടിയത്. ബംഗളൂരുവിൽ നഴ്സിങ് വിദ്യാർഥിനിയായ സൂര്യ അജ്മലുമായി പരിചയപ്പെട്ട് ഡൽഹിയിലെത്തിയതായാണ് വിവരം. ഇരുവരും ചേർന്നാണ് ലഹരിമരുന്ന് കേരളത്തിലെത്തിച്ചിരുന്നതെന്നും പൊലീസ് പറഞ്ഞു. എടിഎം കാർഡുകളും ലഹരി ഉപയോഗത്തിനുള്ള ഉപകരണങ്ങളും ഇവരിൽനിന്ന് പിടിച്ചെടുത്തു.

ജക്കാര്‍ത്ത: 243 പേരുമായി യാത്ര തിരിച്ച ഇന്തോനേഷ്യന്‍ യാത്രാ കപ്പല്‍ അപകടത്തില്‍പ്പെട്ട് ഒരാള്‍ മരിച്ചു. 103 പേരെ രക്ഷപ്പെടുത്തി. മോശം കാലാവസ്ഥയാണ് അപകടത്തിന് കാരണം. 2.5മീറ്ററോളം നീളമുള്ള തിരമാലകളെ മല്ലിട്ടാണ് രക്ഷാപ്രവര്‍ത്തകര്‍ അപകടത്തില്‍പ്പെട്ട കപ്പലിന് അരികിലെത്തിയതെന്ന് രക്ഷാപ്രവര്‍ത്തകർ പറയുന്നു. 140 പേരെ ഇപ്പോഴും കണ്ടെത്താന്‍ കഴിഞ്ഞിട്ടില്ല. ജാവാ കടലില്‍ സഞ്ചരിച്ചിരുന്ന വിര്‍ഗോ ട്രാന്‍സ്‌പോര്‍ട്ട് 8 എന്ന കപ്പലുമായുള്ള ബന്ധം ഞായറാഴ്ച പുലര്‍ച്ചെ 2 മണിയോടെയാണ് നഷ്ടമായത്. ഈസ്റ്റ് ജാവ പ്രവിശ്യയിലെ സുരാഭായയില്‍ നിന്നും ദക്ഷിണ കലിമന്ദാനിലെ ബഞ്ചാര്‍ബാസിമിലേക്കാണ് കപ്പല്‍ യാത്ര തിരിച്ചത്. ബോര്‍ണിയോ ദ്വീപിലാണ് കലിമന്ദാന്‍ സ്ഥിതി ചെയ്യുന്നത്.