കോഴിക്കോട്. മുഖ്യമന്ത്രി പിണറായി വിജയനും ഉണ്ണികൃഷ്ണൻ പോറ്റിയും ഒരുമിച്ചുള്ള ഫോട്ടോ സമൂഹ മാധ്യമങ്ങളിൽ പങ്കുവെച്ചതിന് കോൺഗ്രസ് നേതാവിനെതിരെ കേസ്. കെപിസിസി രാഷ്ട്രീയ കാര്യസമിതി അംഗം എൻ. സുബ്രഹ്മണ്യന് എതിരെയാണ് കോഴിക്കോട് ചേവായൂർ പൊലീസ് കേസെടുത്തത്.
‘പിണറായിയും ഉണ്ണികൃഷ്ണൻ പോറ്റിയും തമ്മിൽ അഗാധമായ ബന്ധമുണ്ടാകാൻ കാരണം എന്തായിരിക്കും എന്നായിരുന്നു സോഷ്യൽ മീഡിയ പോസ്റ്റ്. കലാപശ്രമത്തിനാണ് കേസ് എടുത്തത്.
തൃശ്ശൂർ. കോർപ്പറേഷൻ തെരഞ്ഞെടുപ്പ്; ഇടഞ്ഞ് ലാലി ജെയിംസ്
മേയർ -ഡെപ്യൂട്ടി മേയർ തെരഞ്ഞെടുപ്പിനുള്ള വിപ്പ് കൈപ്പറ്റാതെ ലാലി
ഇന്ന് രാവിലെ തെരഞ്ഞെടുപ്പ് നടക്കാനിക്ക് ഇതുവരെയും ലാലി ജെയിംസ് വിപ്പ് കൈപ്പറ്റിയിട്ടില്ല
മറ്റു കൗൺസിലർമാർ നിറ വൈകുന്നേരത്തോടുകൂടി ഡിസിസിയിൽ നിന്ന് വിപ്പ് കൈപ്പറ്റിയിരുന്നു
മുതിർന്ന നേതാവ് തേറമ്പിൽ രാമകൃഷ്ണന്റെ നേതൃത്വത്തിൽ ലാലിയെ അനുനയിപ്പിക്കാൻ നീക്കം
മുൻ പരിചയം ഇല്ലാത്ത ഡോ നിജി ജസ്റ്റിനെ മേയറാക്കിയതിലാണ് പ്രതിഷേധം
രാജിവെക്കുന്നതും പരിഗണനയിലെന്ന് ലാലി ജെയിംസിനോടടുത്ത വൃത്തങ്ങൾ
വർക്കല. യുവതിയെ ട്രെയിനിൽ നിന്ന് തള്ളിയിട്ട സംഭവം
ചികിത്സയിൽ കഴിയുന്ന ശ്രീക്കുട്ടിയെ അമൃത ആശുപത്രിയിലേക്ക് മാറ്റി
തിരുവനന്തപുരം മെഡിക്കൽ കോളേജിൽ നിന്നാണ് തുടർ ചികിത്സയ്ക്കായി കൊച്ചിയിലേക്ക് കൊണ്ടുപോയത്
ഈമാസം പതിനാറാം തീയതി ഐസിയുവിൽ നിന്ന് വാർഡിലേക്ക് മാറ്റിയിരുന്നു
https://www.facebook.com/share/1CvyYXURRZ/മുഖ്യമന്ത്രിക്കൊപ്പമുള്ള ഫോട്ടോ പങ്കുവെച്ചു: കോൺഗ്രസ് നേതാവിനെതിരെ കേസ്
മുഖ്യമന്ത്രി പിണറായി വിജയനും ഉണ്ണികൃഷ്ണൻ പോറ്റിയും ഒരുമിച്ചുള്ള ഫോട്ടോ സമൂഹ മാധ്യമങ്ങളിൽ പങ്കുവെച്ചതിന് കെപിസിസി രാഷ്ട്രീയ കാര്യസമിതി അംഗം എൻ. സുബ്രഹ്മണ്യന് എതിരെ കോഴിക്കോട് ചേവായൂർ പൊലീസ് കേസെടുത്തു. കലാപശ്രമത്തിനാണ് കേസ് എടുത്തിരിക്കുന്നത്.
ശബരിമലയിലെയും പത്മനാഭസ്വാമി ക്ഷേത്രത്തിലെയും വിഗ്രഹങ്ങളും പുരാവസ്തുക്കളും അന്താരാഷ്ട്ര സംഘം കടത്തിയെന്ന് കോൺഗ്രസ് നേതാവ് രമേശ് ചെന്നിത്തല ആരോപിച്ചു. യഥാർത്ഥ തൊണ്ടിമുതൽ എവിടെയാണെന്ന് സർക്കാർ വ്യക്തമാക്കണമെന്ന് അദ്ദേഹം ആവശ്യപ്പെട്ടു.
ശബരിമല സ്വർണ്ണക്കവർച്ചാ കേസിലെ പ്രതി ഉണ്ണികൃഷ്ണൻ പോറ്റിയും സോണിയ ഗാന്ധിയും തമ്മിലുള്ള കൂടിക്കാഴ്ചയുടെ ചിത്രം സിപിഎം രാഷ്ട്രീയ ആയുധമാക്കുന്നു. കനത്ത സുരക്ഷയുള്ള സോണിയ ഗാന്ധിയെ പോറ്റി എങ്ങനെ കണ്ടു എന്ന് കോൺഗ്രസ് വ്യക്തമാക്കണമെന്ന് സിപിഎം ആവശ്യപ്പെട്ടു.
സോണിയ ഗാന്ധിയുമായുള്ള പോറ്റിയുടെ കൂടിക്കാഴ്ചയിൽ അടൂർ പ്രകാശ് മറുപടി പറയണമെന്ന് സിപിഎം സംസ്ഥാന സെക്രട്ടറി എം.വി ഗോവിന്ദൻ ആവശ്യപ്പെട്ടു. മുഖ്യമന്ത്രിയുമായുള്ള പോറ്റിയുടെ ഫോട്ടോ എഐ നിർമിതമാണെന്നും അദ്ദേഹം പറഞ്ഞു.
ഉണ്ണികൃഷ്ണൻ പോറ്റി തന്നെ വന്നു കണ്ടിരുന്നുവെന്നും എന്നാൽ സോണിയ ഗാന്ധിയെ കാണാൻ കൊണ്ടുപോയത് താനല്ലെന്നും അടൂർ പ്രകാശ് എംപി വ്യക്തമാക്കി. തന്നെ കാണും മുമ്പ് പോറ്റി മുഖ്യമന്ത്രിയെയാണ് കണ്ടതെന്നും അദ്ദേഹം പറഞ്ഞു.
പത്മനാഭസ്വാമി ക്ഷേത്രത്തിലെ വിഗ്രഹങ്ങൾ കടത്താൻ നീക്കം നടന്നതായി പ്രവാസി വ്യവസായി വെളിപ്പെടുത്തി. സ്വർണ്ണക്കടത്തിൽ പങ്കുണ്ടെന്ന് ആരോപിക്കപ്പെടുന്ന ഡി മണി, ദിണ്ടിഗൽ സ്വദേശി ബാലമുരുഗനാണെന്ന് പ്രത്യേക അന്വേഷണ സംഘം സ്ഥിരീകരിച്ചു.
ദില്ലിയിലെ സിഎൻഐ സഭാ ദേവാലയത്തിൽ ക്രിസ്മസ് പ്രാർത്ഥനകളിൽ പ്രധാനമന്ത്രി നരേന്ദ്രമോദി പങ്കെടുത്തു. വിശ്വാസികൾക്കൊപ്പം ഗാനാലാപനത്തിലും ശുശ്രൂഷകളിലും അദ്ദേഹം സന്നിഹിതനായി.
ദേശീയതലത്തിൽ വർദ്ധിച്ചുവരുന്ന അസഹിഷ്ണുതയും ചില പ്രാദേശിക സംഭവങ്ങളും ഈ ക്രിസ്മസിനെ ഉത്കണ്ഠയുള്ളതാക്കുന്നുവെന്ന് ശശി തരൂർ എംപി അഭിപ്രായപ്പെട്ടു. ന്യൂനപക്ഷങ്ങൾ വേട്ടയാടപ്പെടുമ്പോൾ നിശബ്ദരായി ഇരിക്കാനാവില്ലെന്ന് അദ്ദേഹം പറഞ്ഞു.
ക്രൈസ്തവർക്കെതിരായ അതിക്രമങ്ങളിൽ കർദ്ദിനാൾ ക്ലിമിസ് കാതോലിക്കാ ബാവ ഉൾപ്പെടെയുള്ള സഭാമേലധ്യക്ഷന്മാർ ആശങ്ക രേഖപ്പെടുത്തി. ഇന്ത്യയെ മതരാഷ്ട്ര പട്ടികയിലേക്ക് മാറ്റാൻ ശ്രമം നടക്കുന്നതായി സിറോ മലബാർസഭ പ്രതികരിച്ചു.
ക്രിസ്മസ് ആഘോഷങ്ങൾക്കെതിരെ നടന്ന അതിക്രമങ്ങൾ ബിജെപിയുടെ തലയിൽ കെട്ടിവെക്കാൻ ശ്രമം നടക്കുകയാണെന്ന് രാജീവ് ചന്ദ്രശേഖരൻ പറഞ്ഞു. അക്രമം നടത്തിയവർക്കെതിരെ നടപടി വേണമെന്ന് അദ്ദേഹം ആവശ്യപ്പെട്ടു.
ക്രൈസ്തവർക്ക് നേരെയുള്ള ആക്രമണം ഭരണഘടനയ്ക്കും മതനിരപേക്ഷതയ്ക്കും എതിരായ വെല്ലുവിളിയാണെന്ന് മന്ത്രി പി. രാജീവ് പറഞ്ഞു. കരോൾ സംഘങ്ങളെ ആക്രമിക്കുന്നത് ജനാധിപത്യത്തിന് ഭൂഷണമല്ലെന്ന് അദ്ദേഹം ഓർമ്മിപ്പിച്ചു.
സംസ്ഥാനത്തെ കോർപ്പറേഷനുകളിലും മുനിസിപ്പാലിറ്റികളിലും അധ്യക്ഷ, ഉപാധ്യക്ഷ തെരഞ്ഞെടുപ്പുകൾ ഇന്ന് നടക്കും. മേയർ തെരഞ്ഞെടുപ്പ് രാവിലെയും ഡെപ്യൂട്ടി മേയർ തെരഞ്ഞെടുപ്പ് ഉച്ചയ്ക്ക് ശേഷവുമാണ് നിശ്ചയിച്ചിരിക്കുന്നത്.
തിരുവനന്തപുരം കോർപ്പറേഷനിൽ ബിജെപി മേയർ സ്ഥാനാർത്ഥിയായി വി.വി രാജേഷിനെ പ്രഖ്യാപിച്ചു. ആശാ നാഥ് ആണ് ഡെപ്യൂട്ടി മേയർ സ്ഥാനാർത്ഥി.
സ്വതന്ത്രനായി ജയിച്ച പാറ്റൂർ രാധാകൃഷ്ണൻ പിന്തുണ പ്രഖ്യാപിച്ചതോടെ തിരുവനന്തപുരം കോർപ്പറേഷനിൽ ബിജെപി കേവല ഭൂരിപക്ഷം ഉറപ്പിച്ചു. ഇതോടെ നഗരഭരണം ബിജെപിക്ക് ലഭിക്കും.
വികസിത അനന്തപുരി എന്ന ലക്ഷ്യത്തോടെയുള്ള വികസന രേഖ പ്രഖ്യാപിക്കാൻ പ്രധാനമന്ത്രി നരേന്ദ്രമോദി ജനുവരി അവസാനത്തോടെ തിരുവനന്തപുരത്തെത്തും. കൗൺസിലർമാരുമായി അദ്ദേഹം കൂടിക്കാഴ്ച നടത്തും.
കൊച്ചി മേയർ സ്ഥാനത്തെ ചൊല്ലിയുള്ള പരിഭവം അവസാനിപ്പിച്ച് ദീപ്തി മേരി വർഗീസ് രംഗത്തെത്തി. പാർട്ടി തീരുമാനിച്ച വി.കെ മിനിമോൾക്കും ഷൈനി മാത്യുവിനും പിന്തുണ പ്രഖ്യാപിക്കുന്നതായി അവർ അറിയിച്ചു.
പാലക്കാട് നഗരസഭയിൽ പി. സ്മിതേഷിനെ ചെയർമാൻ സ്ഥാനാർത്ഥിയായി ബിജെപി പ്രഖ്യാപിച്ചു. ടി. ബേബിയാണ് വൈസ് ചെയർപേഴ്സൺ സ്ഥാനാർത്ഥി.
ഷൊർണൂർ നഗരസഭയിൽ ഇടതുപക്ഷത്തെ പരാജയപ്പെടുത്തിയ സ്വതന്ത്ര സ്ഥാനാർത്ഥി പി. നിർമ്മലയെ ചെയർപേഴ്സൺ ആക്കാൻ സിപിഎം തീരുമാനിച്ചു.
പാലാ നഗരസഭയിൽ സ്വതന്ത്രരായി ജയിച്ച ബിനു പുളിക്കകണ്ടവും കുടുംബവും യുഡിഎഫിന് പിന്തുണ നൽകും. ദിയ പുളിക്കകണ്ടം ആദ്യ രണ്ട് വർഷം ചെയർപേഴ്സണാകും. ഇതോടെ കേരള കോൺഗ്രസ് (എം) പ്രതിപക്ഷത്തായി.
കോഴിക്കോട് തിരുവമ്പാടി പഞ്ചായത്തിൽ യുഡിഎഫിനെ പിന്തുണയ്ക്കാൻ തീരുമാനിച്ച കോൺഗ്രസ് വിമതൻ ജിതിൻ പല്ലാട്ട് പ്രസിഡന്റാകും. ആദ്യ രണ്ടര വർഷം അദ്ദേഹം പദവി വഹിക്കും.
പത്തനംതിട്ട മെഴുവേലി പഞ്ചായത്തിൽ യൂത്ത് കോൺഗ്രസ് നേതാവ് നെജോ മെഴുവേലി പ്രസിഡന്റാകും. 20 വർഷത്തിന് ശേഷമാണ് ഇവിടെ യുഡിഎഫ് അധികാരത്തിലെത്തുന്നത്.
കൊച്ചിയിൽ നിന്ന് ലക്ഷദ്വീപിലെ അഗത്തിയിലേക്കുള്ള അലയൻസ് വിമാനം സാങ്കേതിക കാരണങ്ങളാൽ രണ്ടാം ദിവസവും റദ്ദാക്കി. യാത്രക്കാരെ അറിയിക്കാതെയുള്ള റദ്ദാക്കൽ വലിയ പ്രതിഷേധത്തിന് ഇടയാക്കി.
കൊല്ലത്ത് 4.24 ഗ്രാം എംഡിഎംഎയുമായി ഡിവൈഎഫ്ഐ വടക്കേവിള മേഖല വൈസ് പ്രസിഡന്റ് റെനീഫും സുഹൃത്തും അറസ്റ്റിലായി. ഇരവിപുരം പൊലീസാണ് ഇവരെ പിടികൂടിയത്.
കണ്ണൂർ തലശ്ശേരിക്കും മാഹിക്കും ഇടയിൽ റെഡ് ലൈറ്റ് അടിച്ച് ട്രെയിൻ നിർത്തിച്ച രണ്ട് പ്ലസ് ടു വിദ്യാർത്ഥികൾക്കെതിരെ കേസെടുത്തു. റീൽ ചിത്രീകരിക്കാനാണ് ഇവർ ഓഖ എക്സ്പ്രസ് നിർത്തിച്ചത്.
വാളയാറിൽ മോഷ്ടാവെന്നാരോപിച്ച് ഛത്തീസ്ഗഡ് സ്വദേശിയെ മർദ്ദിച്ചു കൊലപ്പെടുത്തിയ കേസിൽ ഒരാൾ കൂടി അറസ്റ്റിലായി. അട്ടപ്പള്ളം സ്വദേശി ഷാജിയാണ് പിടിയിലായത്.
കുൽദീപ് സിംഗ് സെൻഗാറിൽ നിന്ന് ഭീഷണി തുടരുന്നുവെന്ന് ആരോപിച്ച് ഉന്നാവ് പീഡനക്കേസിലെ അതിജീവിത രാഷ്ട്രപതിയെയും പ്രധാനമന്ത്രിയെയും കാണാൻ തീരുമാനിച്ചു.
12,015 കോടി രൂപ ചെലവിൽ ദില്ലി മെട്രോയുടെ അഞ്ചാം ഘട്ട വിപുലീകരണത്തിന് കേന്ദ്ര സർക്കാർ അനുമതി നൽകി. മൂന്ന് റൂട്ടുകളിലായി 16 കിലോമീറ്ററാണ് വിപുലീകരണം.
സാമൂഹ്യ മാധ്യമങ്ങളിൽ സാന്താക്ലോസിനെ അവഹേളിച്ചു എന്ന പരാതിയിൽ സൗരഭ് ഭരദ്വാജ് ഉൾപ്പെടെയുള്ള മൂന്ന് എഎപി നേതാക്കൾക്കെതിരെ ദില്ലി പൊലീസ് കേസെടുത്തു.
വായുനിലവാരം മെച്ചപ്പെട്ടതോടെ ദില്ലിയിൽ ഗ്രാപ് നാലാം ഘട്ട നിയന്ത്രണങ്ങൾ പിൻവലിച്ചു. ആറ് മുതലുള്ള ക്ലാസുകൾക്ക് ഓഫ്ലൈൻ പഠനം പുനരാരംഭിക്കാം.
മുൻ പ്രധാനമന്ത്രി അടൽ ബിഹാരി വാജ്പേയിയുടെ നൂറ്റിയൊന്നാം ജന്മദിനത്തിൽ അദ്ദേഹത്തിന്റെ ഭരണനൈപുണ്യത്തെ പുകഴ്ത്തി ശശി തരൂർ എംപി രംഗത്തെത്തി.
യെലഹങ്കയിൽ കയ്യേറ്റം ആരോപിച്ച് നാനൂറോളം വീടുകൾ അധികൃതർ പൊളിച്ചുനീക്കി. ഇതിനെത്തുടർന്ന് പ്രദേശത്ത് ശക്തമായ പ്രതിഷേധം നിലനിൽക്കുന്നു.
ബലൂൺ വിൽപ്പനക്കാരന്റെ ഹൈഡ്രജൻ സിലിണ്ടർ പൊട്ടിത്തെറിച്ച് മൈസൂരുവിൽ രണ്ട് പേർ മരിച്ചു. അപകടത്തിൽ നാല് പേർക്ക് പരിക്കേറ്റു.
കംബോഡിയൻ സൈന്യം അതിർത്തിയിൽ നിയമവിരുദ്ധമായി പ്രതിമ സ്ഥാപിച്ചതിനാലാണ് അത് നീക്കം ചെയ്തതെന്നും മതവികാരം വ്രണപ്പെടുത്താൻ ഉദ്ദേശിച്ചിട്ടില്ലെന്നും തായ്ലൻഡ് വിശദീകരിച്ചു.
രാഷ്ട്രീയ എതിരാളികളെ ‘മാലിന്യങ്ങൾ’ എന്ന് വിശേഷിപ്പിച്ചുകൊണ്ടുള്ള ഡൊണാൾഡ് ട്രംപിന്റെ ക്രിസ്മസ് സന്ദേശം അമേരിക്കയിൽ വലിയ ചർച്ചയാകുന്നു.
ബംഗ്ലാദേശിലെ രാജ്ബാരിയിൽ 29 കാരനായ അമൃത് മൊണ്ടലിനെ ആൾക്കൂട്ടം മർദ്ദിച്ചു കൊലപ്പെടുത്തി. ഇയാൾ ഒരു ക്രിമിനൽ സംഘത്തിന്റെ നേതാവാണെന്നും റിപ്പോർട്ടുകളുണ്ട്.
രണ്ട് പതിറ്റാണ്ടിലെ പ്രവാസത്തിന് ശേഷം ബിഎൻപി ആക്ടിങ് ചെയർമാൻ താരിഖ് റഹ്മാൻ ബംഗ്ലാദേശിൽ മടങ്ങിയെത്തി. വരാനിരിക്കുന്ന തിരഞ്ഞെടുപ്പിൽ അദ്ദേഹം മത്സരിച്ചേക്കും.
റിയാദിൽ ആദ്യമായി ക്രിസ്മസ് കരോൾ, പുതുവത്സര ആഘോഷങ്ങൾ സംഘടിപ്പിച്ച് ഇന്ത്യൻ എംബസി ചരിത്രം കുറിച്ചു.
അരുണാചൽ പ്രദേശിന് മേൽ ചൈന അവകാശവാദം ഉന്നയിക്കുന്നത് ഇന്ത്യ-ചൈന അതിർത്തിയിൽ വലിയ സംഘർഷങ്ങൾക്ക് വഴിമാറാൻ സാധ്യതയുണ്ടെന്ന് യുഎസ് റിപ്പോർട്ട്.
ക്രിസ്മസ് സന്ദേശത്തിനിടെ പേര് പരാമർശിക്കാതെ വ്ളാദിമിർ പുതിൻ നശിച്ചുപോകട്ടെ എന്ന് യുക്രൈൻ പ്രസിഡന്റ് വോളോദിമിർ സെലൻസ്കി ആശംസിച്ചു.
ഹൈദരാബാദ് ആസ്ഥാനമായ സൺടെക് എനർജി സിസ്റ്റംസിൽ 3.6 കോടി രൂപ സച്ചിൻ നിക്ഷേപിച്ചു. കമ്പനിയുടെ രണ്ട് ശതമാനം ഓഹരികൾ അദ്ദേഹം സ്വന്തമാക്കി.
രോഹിത് വി.എസ് സംവിധാനം ചെയ്യുന്ന ആസിഫ് അലി ചിത്രം ‘ടിക്കി ടാക്ക’യിൽ നിർമ്മാണ പങ്കാളിയായി ബോളിവുഡ് കമ്പനി ടി സീരീസ് എത്തുന്നു. ചിത്രം ഒരു ആക്ഷൻ ത്രില്ലറാണ്.
രജനികാന്ത് ചിത്രം ജയിലറിന്റെ രണ്ടാം ഭാഗത്തിൽ ഷാരൂഖ് ഖാൻ അതിഥി വേഷത്തിലെത്തുമെന്ന് റിപ്പോർട്ടുകൾ. മിഥുൻ ചക്രവർത്തിയാണ് ഇക്കാര്യം സൂചിപ്പിച്ചത്.
ബജാജ് ഓട്ടോ പൾസർ 150-യുടെ അപ്ഡേറ്റഡ് പതിപ്പ് പുറത്തിറക്കി. നേരിയ ഡിസൈൻ മാറ്റങ്ങളുള്ള വാഹനത്തിന് 1.08 ലക്ഷം രൂപ മുതലാണ് വില.
മഹാമണ്ടന്മാരായ മൂന്ന് ശിഷ്യന്മാരുടെ കഥ പറയുന്ന കൊട്ടറ ഉണ്ണിക്കൃഷ്ണന്റെ ‘ശങ്കരഗുരുവും ശിഷ്യന്മാരും’ എന്ന പുസ്തകം ഡോൺ ബുക്സ് പുറത്തിറക്കി.
ഒരു കഷ്ണം കേക്ക് കഴിക്കുമ്പോഴുണ്ടാകുന്ന കാലറി കത്തിക്കാൻ ഒരു മണിക്കൂർ നടത്തം ആവശ്യമാണെന്ന് വിദഗ്ധർ. മധുരം കഴിച്ചാൽ വ്യായാമത്തിന് കൂടുതൽ സമയം നൽകണമെന്ന് ഡോക്ടർമാർ നിർദ്ദേശിക്കുന്നു.
പത്തനംതിട്ട . നഗരസഭയിൽ ആദ്യത്തെ രണ്ടുവർഷം സിന്ധു അനിൽ നഗരസഭ അധ്യക്ഷ
മൂന്നാമത്തെ വർഷം ഗീത സുരേഷ് അധ്യക്ഷപദത്തിൽ എത്തും
അവസാന രണ്ട് വർഷം അംബികാ വേണു അധ്യക്ഷയാകും
-തിരുവല്ല നഗരസഭ –
കേരള കോൺഗ്രസ് ജോസഫ് ഗ്രൂപ്പിന്റെ എസ് ലേഖ ആദ്യ നാല് വർഷം നഗരസഭ അധ്യക്ഷയാകും
അവസാന ഒരു വർഷം മുസ്ലിംലീഗിന്റെ വിദ്യാ വിജയൻ അധ്യക്ഷസ്ഥാനത്തേക്ക് വരും
അടൂരിൽ റീന സാമുവൽ ആദ്യ മൂന്ന് വർഷം നഗരസഭ അധ്യക്ഷ.
-പന്തളം നഗരസഭ –
സിപിഎമ്മിലെ എം ആർ കൃഷ്ണകുമാരി നഗരസഭ അധ്യക്ഷയാകും
സിപിഐയുടെ കെ മണിക്കുട്ടൻ വൈസ് ചെയർമാൻ
തിരുവനന്തപുരം. കോർപ്പറേഷനിൽ ബിജെപിക്ക് പിന്തുണ പ്രഖ്യാപിച്ച് സ്വതന്ത്രൻ പാറ്റൂർ രാധാകൃഷ്ണൻ..
50 അംഗങ്ങളുള്ള ബിജെപിക്ക് ഭരണത്തിൽ എത്താൻ സ്വതന്ത്രന്റെ പിന്തുണ നിർണായകം ആയിരുന്നു.. 51 ആകുന്നതോടെ കേവലഭൂരിപക്ഷം ബിജെപിക്ക് ലഭിക്കും..പിന്തുണയ്ക്ക് പിന്നിൽ ഡിമാൻഡുകൾ ഇല്ലെന്ന് പാറ്റൂർ രാധാകൃഷ്ണൻ..ഏറ്റവും വലിയ ഒറ്റക്കക്ഷിയുടെ കൂടെ നിൽക്കുക എന്ന തീരുമാനമെടുത്തു..തന്റെ വാർഡായ കണ്ണമൂലയുടെ വികസനത്തിനൊപ്പം നിൽക്കുമെന്ന് സംസ്ഥാന അധ്യക്ഷൻ രാജീവ് ചന്ദ്രശേഖർ ഉറപ്പു നൽകിയതായും പാറ്റൂർ രാധാകൃഷ്ണൻ പറഞ്ഞു.
പാലാ. പുളിക്കക്കണ്ടം വീട്ടുപാർട്ടി യു ഡി എഫിനോടു ചാഞ്ഞതോടെ ചരിത്രത്തിൽ ആദ്യമായി പാലാ നഗരസഭയിൽ മാണി വിഭാഗത്തിന് ഭരണം നഷ്ടമായി. സ്വതന്ത്രർ യുഡിഎഫിനെ പിന്തുണയ്ക്കാൻ തീരുമാനിച്ചതോടെ ദിയ പുളിക്കക്കണ്ടം ചെയർപേഴ്സണും, യുഡിഎഫ് വിമതയായിരുന്ന മായാ രാഹുൽ വൈസ് ചെയർപേഴ്സണുമാകും. ബിനു പുളിക്കകണ്ടത്തിന്റെ ഉപാധികൾക്ക് കീഴ്പ്പെടേണ്ട എന്ന എൽഡിഎഫ് തീരുമാനത്തിന് പിന്നാലെയാണ് സ്വതന്ത്രർ യുഡിഎഫ് പക്ഷത്തേക്ക് ചാഞ്ഞത്.
മാണിസി കാപ്പൻ ദിയ പുളിക്ക കണ്ടത്തെ ചെയർപേഴ്സൺ ആയി പ്രഖ്യാപിച്ചതോടെ അനിശ്ചിതത്വം അവസാനിച്ചു.
സ്വതന്ത്രരുടെ പിന്തുണയില്ലാതെ ആർക്കും ഭരിക്കാൻ കഴിയില്ല എന്ന പാലാ നഗരസഭയിലെ പ്രതിസന്ധിക്ക് സിനിമാറ്റിക് ക്ലൈമാക്സ്. ദിവസങ്ങൾ നീണ്ട അനിശ്ചിതത്വത്തിന് ഒടുവിൽ ഇരുപത്തിയൊന്ന് കാരി ദിയ പുളിക്കക്കണ്ടം പാലായുടെ അധ്യക്ഷയാകും. ബിനു പുളിക്കക്കണ്ടം മുന്നോട്ടുവച്ച ഉപാധികൾ അംഗീകരിച്ചതോടുകൂടിയാണ് യുഡിഎഫിന് പിന്തുണയും ഭരണവും ഉറപ്പിച്ചത്. നഗരസഭാ രൂപീകരണശേഷമുള്ള ചരിത്രത്തിൽ ആദ്യമായി മാണി വിഭാഗത്തിന് ഭരണം നഷ്ടം. കഴിവിന്റെ പരമാവധി പാലയ്ക്കുവേണ്ടി വിനിയോഗിക്കുമെന്ന് നിയുക്ത ചെയ്യർപേഴ്സൺ ദിയ.
പുളിക്കക്കണ്ടം വിഭാഗത്തെ ഒപ്പം നിർത്തി ഭരണം പിടിക്കാം എന്ന് എൽഡിഎഫ് നീക്കം നടത്തിയെങ്കിലും, സർവ്വ ഉപാധികളും അംഗീകരിച്ച് വിട്ടുവീഴ്ച ചെയ്യേണ്ടതില്ല എന്ന് ജോസ് കെ മാണി വിഭാഗം തീരുമാനമെടുക്കുകയായിരുന്നു. തുടർന്ന് യുഡിഎഫ് വിമതയായ മായാ രാഹുലിനെ ഒപ്പം നിർത്തി 14 സീറ്റ് എന്ന മാന്ത്രിക സംഖ്യയിലേക്ക് യുഡിഎഫ് എത്തുകയായിരുന്നു. പാലാ MLA മാണിസി കാപ്പന്റെ നേതൃത്വത്തിൽ ചേർന്ന ചർച്ചയിലാണ് അന്തിമധാരണയിലെത്തിയത്.
ശബരിമലയില് നെയ്യഭിഷേകത്തിന്റെ സമയത്തില് മാറ്റം. നാളെ രാവിലെ 10.30 വരെ ഭക്തര്ക്ക് നെയ്യഭിഷേകം ചെയ്യാം. 27-ാം തീയതി 9.30വരെയാണ് നെയ്യഭിഷേകത്തിന്റെ സമയം. അതോടൊപ്പം തങ്കഅങ്കി രഥഘോഷയാത്ര നാളെ സന്നിധാനത്ത് എത്തും.
ശൂരനാട്:ശൂരനാട് തെക്ക് കിടങ്ങയു പതിനാറാം വാർഡിൽ വലിയച്ഛൻനട ക്ഷേത്രത്തിന് സമീപം കക്കൂസ് മാലിന്യം തള്ളാനെത്തിയ വാഹനം നാട്ടുകാർ തടയാൻ ശ്രമിക്കുന്നതിനിടെ അപകടത്തിൽപ്പെട്ടു.തടയാൻ ശ്രമിക്കുന്നതിനിടെ അമിതവേഗതയിൽ ഓടിച്ചുപോയ വാഹനം നിയന്ത്രണം വിട്ട്
സമീപത്തെ മതിലിലും ഇലക്ട്രിക് പോസ്റ്റിലും ഇടിച്ചു.തുടർന്ന് വാഹനം മുന്നോട്ട് കൊണ്ടുപോകാൻ കഴിയാത്തതിനെ തുടർന്ന് ലോറി ഉപേക്ഷിച്ച് സംഘം കടന്നുകളഞ്ഞു.പ്രദേശത്ത് സ്ഥിരമായി കക്കൂസ് മാലിന്യം തള്ളുന്നത് പതിവാണെന്ന് നാട്ടുകാർ പറയുന്നു.കഴിഞ്ഞ ദിവസം രാത്രി വൈകിയാണ് വലിയച്ഛൻനടയ്ക്ക് സമീപം മാലിന്യം ഒഴുക്കാൻ ലോറി എത്തിയത്.മുമ്പ് മാലിന്യം തള്ളുന്നത് ചോദ്യം ചെയ്ത നാട്ടുകാരെ ലോറിയിലെത്തുന്ന സംഘം ആയുധങ്ങൾ കാട്ടി ഭീഷണിപ്പെടുത്താറുണ്ടെന്ന് പരാതിയുണ്ട്.ജനവാസ മേഖലയിൽ രാത്രികാലങ്ങളിൽ മാലിന്യം ഒഴുക്കുന്നത് വലിയ ആരോഗ്യപ്രശ്നങ്ങൾക്ക് കാരണമാകുന്നതായി നാട്ടുകാർ ആരോപിച്ചു.നാട്ടുകാർ വിവരമറിയിച്ചതിനെ തുടർന്ന് ശൂരനാട് പോലീസ് സ്ഥലത്തെത്തി പ്രാഥമിക പരിശോധന നടത്തി. അപകടത്തിൽപ്പെട്ട വാഹനം പോലീസ് കസ്റ്റഡിയിലെടുത്തു.
ശാസ്താംകോട്ട:ഭരണിക്കാവിൽ 16 ചക്രങ്ങളുള്ള ലോറിക്ക് അടിയിൽപ്പെട്ട ബൈക്ക് യാത്രികരായ രാജഗിരി സ്വദേശികൾക്ക് പരിക്ക്.ശാസ്താംകോട്ട രാജഗിരി സ്വദേശികളായ ടിന്റു,അജീഷ് മോൻ എന്നിവർക്കാണ് പരിക്കേറ്റത്.ഒരാളുടെ തുടയെല്ലിന് ഗുരുതര പരിക്കുണ്ട്.ഇരുവരെയും ഭരണിക്കാവിലെ സ്വകാര്യ ആശുപത്രിയിൽ പ്രവേശിപ്പിച്ചു.ചക്കുവള്ളി റോഡിൽ നിന്നും കൊട്ടാരക്കര റോഡിലേക്ക് തിരിയുകയായിരുന്ന ലോറിക്ക് പിന്നിൽ സഞ്ചരിച്ചിരുന്ന ബൈക്കിന് മുകളിലൂടെ ലോറി കയറിയിറങ്ങിയാണ് അപകടമുണ്ടായത്.ലോറി തിരിയുന്നതിനിടെ ബൈക്ക് ലോറിയുടെ അടിയിലേക്ക് പെട്ടുപോകുകയായിരുന്നു.ഇതിനിടെ ബൈക്കിൽ ഉണ്ടായിരുന്ന യാത്രക്കാരിൽ ഒരാൾ ലോറിയുടെ ചക്രങ്ങൾക്കിടയിലേക്ക് തെറിച്ചുവീണു.ഇയാളുടെ തുടയ്ക്ക് ഗുരുതര പരിക്കേൽക്കുകയും റോഡിൽ രക്തം തളം കെട്ടുകയും ചെയ്തു.അപകടത്തെത്തുടർന്ന് റോഡിൽ ചിതറിയ രക്തം ഫയർഫോഴ്സ് എത്തിയാണ് കഴുകി വൃത്തിയാക്കിയത്.
