കൊല്ലം.സമൂഹത്തിൽ ആരാലും ശ്രദ്ധിക്കപ്പെടാതെ താഴെത്തട്ടിൽ കഷ്ടപ്പെടുന്നവരെ കൂടി ഓർക്കാനും ചേർത്തുനിർത്താനും നമുക്ക് കഴിയണം, അതാകണം നമ്മുടെ ഓണാഘോഷമെന്നും കൊല്ലം ഡെപ്യൂട്ടി മേയർ ഉദയ സുകുമാരൻ കരുമാലിൽ
അഭിപ്രായപ്പെട്ടു.
വിദ്യാഭ്യാസ ഓൺലൈൻ ചാനലായ പള്ളിക്കുടം ടിവിയും ജില്ലാ ശിശു ക്ഷേമ സമിതിയും ചേർന്ന് സംഘടിപ്പിച്ച സ്കൂളമ്മയ്ക്ക് ഒരു ഓണപ്പുടവ എന്ന പദ്ധതിയുടെ സംസ്ഥാനതല ഉദ്ഘാടനം കൊല്ലം ചാത്തിനാകുളം എംഎസ്എം എച്ച്എസ്എസിൽ ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അവർ.
അന്നം തരുന്നവരെ ആദരിക്കുവാനും ഏത് തൊഴിലിനും അതിന്റെതായ മാന്യതയും ബഹുമാനവും കൊടുക്കണമെന്നും യുവതലമുറയേ ബോധ്യപ്പെടുത്തുക എന്ന ലക്ഷ്യത്തോടെയാണ് സംസ്ഥാനതലത്തിൽ ഈ പരിപാടിക്ക് തുടക്കം കുറിച്ചത്. സംസ്ഥാനത്തെ എല്ലാ ജില്ലകളിലും തെരെഞ്ഞെടുക്കപ്പെട്ട സ്കൂളുകളിൽ ഈ പദ്ധതിക്ക് നടപ്പാക്കി. സ്കൂൾ പാചക തൊഴിലാളികളെ അതിഥികളോടൊപ്പം ഇരുത്തി ഓണപ്പുടവ നൽകി ആദരിച്ചപ്പോൾ കുട്ടികളും രക്ഷിതാക്കളും ഉൾപ്പെടെയുള്ള കാണികൾക്ക് അതൊരു പുത്തൻ അനുഭവമായി. സ്കൂൾ പാചക തൊഴിലാളികൾക്ക് അവരുടെ ജീവിതത്തിലെ ആദ്യത്തെ അനുഭവവുമായി മാറി.
പിടിഎ പ്രസിഡന്റ് എ നൗഫൽ അധ്യക്ഷത വഹിച്ച യോഗത്തിൽ ഹെഡ്മാസ്റ്റർ ശ്രീകുമാർ കെ എസ് സ്വാഗതം പറഞ്ഞു. പള്ളിക്കൂടം ടി വി ചീഫ് എഡിറ്റർ എൽ സുഗതൻ പദ്ധതി വിശദീകരിച്ചു.ജോ. ആർ ടി ഓ ആർ ശരത്ചന്ദ്രൻ വീശിഷ്ട അതിഥി ആയി. കെ പി എ സി ലീലകൃഷ്ണൻ ഓണസന്ദേശം നൽകി. ശിശു ക്ഷേമ സമിതി ജില്ലാ സെക്രട്ടറി അഡ്വ. ഡി ഷൈൻ ദേവ് സ്കൂൾ മാനേജർ എച്ച് അബ്ദുൽ കലാം,സ്കൂൾ പ്രിൻസിപ്പൽ റാണി എസ് നായർ, ഹാരീഷ്, തുടങ്ങിയവർ സംസാരിച്ചു. പ്രോഗ്രാം കൺവീനർ എസ് രാധാകൃഷ്ണ പിള്ള നന്ദി പറഞ്ഞു
