ശാസ്താംകോട്ട:രാജഗിരി ബ്രൂക് ഇൻ്റർനാഷണൽ സ്കൂളിലെ ഒന്നാം ക്ലാസ് ബി
ഡിവിഷനിലെ വിദ്യാർത്ഥിനി വൈദേഹിയെ ഡയറക്ടർ ഫാദർ ഡോ. ജി. എബ്രഹാം തലോത്തിൽ ആദരിച്ചു. മൂന്ന് വർഷം മുമ്പ് പരിസ്ഥിതി ദിനത്തിൽ സ്കൂളിൽനിന്ന് ലഭിച്ച കസ്റ്റാർഡ് ആപ്പിൾ തൈ വീട്ടിൽ നട്ട് പരിപാലിച്ച വൈദേഹി, അതിൽനിന്ന് ലഭിച്ച ഫലങ്ങൾ സ്കൂളിലെത്തിച്ചതോടെയാണ് കുട്ടിക്കർഷകയായി തിരഞ്ഞെടുക്കപ്പെട്ടത്. ചെറുപ്രായത്തിൽ തന്നെ കൃഷിയോട് വൈദേഹി പുലർത്തുന്ന താൽപര്യവും സമർപ്പണവും മാതൃകാപരമാണെന്ന് ഫാദർ ഡോ. ജി. എബ്രഹാം തലോത്തിൽ പറഞ്ഞു. ഇത്തരം പ്രവർത്തനങ്ങൾ കുട്ടികളിൽ വളർത്താൻ മണ്ണിനോടും കൃഷിയോടുമുള്ള സ്നേഹം പ്രചോദനമാകട്ടെയെന്നും അദ്ദേഹം ആശംസിച്ചു. കുട്ടിക്കർഷകയെ ആദരിച്ചത് വിദ്യാർത്ഥികളിൽ കാർഷിക സംസ്കാരത്തോടുള്ള സ്നേഹവും മണ്ണിനോടുള്ള അടുപ്പവും വളർത്തുന്നതിനുള്ള സന്ദേശമായി മാറി.
ചടങ്ങിൽ പ്രിൻസിപ്പൽ ബോണിഫേഷ്യ വിൻസൻ്റ്, അഡ്മിനിസ്ട്രേറ്റർ കൊച്ചുമോൾ കെ. സാമുവൽ, എന്നിവർ പങ്കെടുത്തു.
:
1/1
