ചവറ. ഡോ. സുജിത് വിജയന്പിളള എംഎല്എയുടെ പ്രത്യേകവികസന ഫണ്ടില്നിന്നും അനുവദിച്ച 18 ലക്ഷം രൂപ വിനിയോഗിച്ച് വാങ്ങിയ വാഹനം ഉപയോഗിച്ച് മത്സ്യഫെഡ് ആരംഭിക്കുന്ന സഞ്ചരിക്കുന്ന മത്സ്യവിപണന കേന്ദ്രത്തിന്റെ പ്രവര്ത്തനോദ്ഘാടനം 2026 ഫെബ്രുവരി 28 ശനിയാഴ്ച രാവിലെ 9 മണിക്ക് നീണ്ടകര ഹാര്ബറില് ഡോ. സുജിത് വിജയന്പിളള എംഎല്എ നിര്വ്വഹിക്കും.
കൊല്ലം ജില്ലയിലെ വിവിധ ലാന്റിംഗ് സ്റ്റേഷനുകളില്നിന്നും മത്സ്യഫെഡ് കൊല്ലം ജില്ലാ ബേസ് സ്റ്റേഷനിലേക്ക് നേരിട്ട് സംഭരിക്കുന്ന വിവിധങ്ങളായ മത്സ്യഇനങ്ങളാണ് അന്തിപ്പച്ചയിലൂടെ വിപണനം നടത്തുന്നത്.
കടല്, കായല് മത്സ്യങ്ങള്ക്കുപുറമേ മത്സ്യഫെഡ്ഡിന്റെ വിവിധയിനം മൂല്യവര്ദ്ധിത ഉത്പ്പന്നങ്ങളായ ചെമ്മീന്, ചൂര, അച്ചാറുകള്, കറിമിക്സുകള്, ഫ്രൈമസാല, ചെമ്മീന് ചമ്മന്തിപ്പൊടി, ചെമ്മീന് റോസ്റ്റ് മുതലായവയും ചവറ നിയോജകമണ്ഡലം കേന്ദ്രീകരിച്ച് പ്രവര്ത്തിക്കുന്ന അന്തിപ്പച്ചയുടെ വാഹനത്തില് ലഭിക്കുമെന്ന് ഡോ. സുജിത് വിജയന്പിളള എംഎല്എ അറിയിച്ചു.
മത്സ്യഫെഡ് ചെയര്മാന് ടി.മനോഹരന് അദ്ധ്യക്ഷത വഹിക്കുന്ന ചടങ്ങില് മത്സ്യഫെഡ് ഭരണസമിതി അംഗങ്ങളായ ജി. രാജാദാസ്, സബീന സ്റ്റാന്ലി, ഫിഷറീസ് ഡെപ്യൂട്ടി ഡയറക്ടര് രമേഷ് ശശിധരന് എസ്.ആര്, മത്സ്യഫെഡ് ഡി.ജി.എം രമ മേനോന്, മത്സ്യഫെഡ് ജില്ലാ മാനേജര് അനിതാകുമാരി.എസ് , മത്സ്യഫെഡ് സി.പി.സി. മാനേജര് ക്രിസ്തുദാസ് സക്കറിയാസ് തുടങ്ങിയവര് പങ്കെടുക്കും
