ചവറ. ബോട്ട് ടെര്‍മിനല്‍ കേരളത്തിന്‍റെ ആഭ്യന്തരജലഗതാഗത ശൃംഖലയിലെ പ്രധാനകേന്ദ്രങ്ങളിലൊന്നാണ്. റ്റി.എസ് കനാലും അഷ്ടമുടിക്കായലും ഉള്‍പ്പെടുന്ന ജലപാതകളിലൂടെ ദ്വീപുകളെയും തീരപ്രദേശങ്ങളെയും കരഭാഗവുമായി ബന്ധിപ്പിക്കുന്നതിന് ഈ ടെര്‍മിനല്‍ നിര്‍ണ്ണായക പങ്ക് വഹിക്കും.
ദേശീയപാത 66 നോട് ചേര്‍ന്നുളള തന്ത്രപ്രധാനമായ സ്ഥാനമായതിനാല്‍ ജലഗതാഗതവും റോഡ് ഗതാഗതവും ഏകോപിപ്പിക്കുന്ന മള്‍ട്ടിമോഡല്‍ സൗകര്യം ഇവിടെയുണ്ടാകും. ആധുനിക സംവിധാനങ്ങളും വിശ്രമകേന്ദ്രവും ഒരുക്കിയാണ് പുതിയബോട്ട്ജെട്ടി രൂപകല്‍പ്പന ചെയ്തിരിക്കുന്നത്.
ദീര്‍ഘകാല ചരിത്രമുളള ഇവിടെ 81.6 ലക്ഷം രൂപ വിനിയോഗിച്ച് നിര്‍മ്മിക്കുന്ന പുതിയ ബോട്ട്ടെര്‍മിനലിന്‍റെ നിര്‍മ്മാണചുമതല ഇന്‍ലാന്‍റ് നാവിഗേഷന്‍ വകുപ്പിനാണ്.
ഡോ. സുജിത് വിജയന്‍പിളള എംഎല്‍എ നിര്‍മ്മാണഉദ്ഘാടനം നിര്‍വ്വഹിച്ചു. ഇന്‍ലാന്‍റ് നാവിഗേഷന്‍ അസി. എക്സിക്യൂട്ടീവ് എഞ്ചിനീയര്‍ ശ്രീമതി. ഷീജ.എം, പ്രദേശവാസികള്‍ തുടങ്ങിയവര്‍ പങ്കെടുത്തു.
6 മാസത്തിനുളളില്‍ നിര്‍മ്മാണം പൂര്‍ത്തിയാക്കുമെന്ന് കോണ്‍ട്രാക്ടര്‍ അറിയിച്ചു.
