കണ്ണൂർ .പതിമൂന്ന് വർഷമായി പൊലീസിന്റെ കണ്ണുവെട്ടിച്ച് ഒളിവിൽ കഴിഞ്ഞ ലഹരിക്കടത്ത് കേസ് പ്രതി ഒടുവിൽ കണ്ണൂർ സിറ്റി പൊലീസിന്റെ പിടിയിൽ. ഇരിട്ടി മട്ടിണി സ്വദേശിയായ കെ.ടി. ജോസിനെയാണ് ഓപ്പറേഷൻ തൂഫാനിലൂടെ അറസ്റ്റ് ചെയ്തത്. 2012-ൽ വീട്ടിൽ നിന്ന് 8 കിലോ കഞ്ചാവ് പിടികൂടിയ കേസിലാണ് ജോസ് ആദ്യം അറസ്റ്റിലാകുന്നത്. തുടർന്ന് ജാമ്യത്തിലിറങ്ങി മുങ്ങിയ പ്രതിയെ പിടികിട്ടാപ്പുള്ളിയായി പ്രഖ്യാപിച്ചിരുന്നു.
കേരളം വിട്ട ജോസ് ആന്ധ്രപ്രദേശിലേക്ക് താവളം മാറ്റി.
‘കൊറ ജോഷ് ബാബു’ എന്ന പേരിലാണ് ഇയാൾ ആന്ധ്രയിൽ കഴിഞ്ഞത്. ആന്ധ്ര-ഒഡീഷ അതിർത്തി ഗ്രാമത്തിൽ ചിക്കൻ ഫാം നടത്തുകയായിരുന്ന ജോസിനെ
മാസങ്ങൾ നീണ്ട തെരച്ചിലിനൊടുവിലാണ് കണ്ണൂർ സിറ്റി പൊലീസ് പിടികൂടിയത്. അറസ്റ്റ് രേഖപ്പെടുത്തിയ പ്രതിയെ നിയമനടപടികൾ പൂർത്തിയാക്കി കോടതിയിൽ ഹാജരാക്കും.
