എടത്വ .വൈദ്യുതി മുടങ്ങിയാലും കുട്ടനാട്ടിലെ റോഡുകളിൽ മനുഷ്യന് വെളിച്ചം കാണാൻ സ്ഥാപിച്ച സോളാർ ലൈറ്റിലെ ബാറ്ററികൾ മോഷ്ടിച്ച കള്ളന്മാരിൽ ഒരാളെ പോലീസ് പിടികൂടി.പാലാമറ്റം സ്വദേശി ആകാശ് എന്ന 21 വയസ്സുകാരനെയാണ് മോഷണക്കേസിൽ എടത്വ പോലീസ് അറസ്റ്റ് ചെയ്തത്.
സാധാരണ നാട്ടുമ്പുറങ്ങൾ പോലെയല്ല കുട്ടനാട്.വൈദ്യുതി മുടക്കം ഇച്ചിരി കൂടുതലാണ്.ഇതിന് പരിഹാരമായിയാണ് പ്രധാന ജംഗ്ഷനുകളിൽ സോളാർ ലൈറ്റുകൾ സ്ഥാപിച്ചത്.അപ്പോഴാണ് കള്ളന്മാർ സോളാർ ലൈറ്റിന്റെ ബാറ്ററികൾ തന്നെ മോഷ്ടിക്കാൻ തുടങ്ങിയത്.നാട്ടുകാർക്ക് ഉപകാരമാകാൻ സ്ഥാപിച്ച പദ്ധതി കള്ളന്മാർ കൈവച്ചതോടെ നാട്ടുകാർക്കും ദേഷ്യം കൂടി.പലതരങ്ങളിലും നാട്ടുകാരും പോലീസും ഒരേപോലെ കള്ളന്മാരെ കുറിച്ച് അന്വേഷിച്ചു.എടത്വാ പോലീസിന്റെ അന്വേഷണത്തിൽ കേസിലെ രണ്ടാംപ്രതി പാലമറ്റം സ്വദേശി ആകാശ 21 വയസ്സുകാരനെ പിടികൂടി.ചങ്ങനാശ്ശേരി മാർക്കറ്റ് പരിസരത്ത് നടത്തിയ അന്വേഷണത്തിലാണ് പ്രതിയെ പിടിച്ചത്.കേസിൽ ഒന്നാംപ്രതിയെ ഇനി പിടികൂടാൻ ഉണ്ട്.പ്രതി നിലവിൽ ഒളിവിലാണ്.സോളാർ ബാറ്ററി മോഷ്ടിച്ച ലൈറ്റിന്റെ അടുത്ത് പ്രതിയെ എത്തിച്ച് തെളിവെടുപ്പും നടത്തി. നാട്ടുകാരുടെ വെളിച്ചം മുട്ടിച്ച പ്രതിക്കെതിരെ തെളിവെടുപ്പിന് കൊണ്ടുവന്നപ്പോഴും നാട്ടുകാർ രോഷത്തോടെയാണ് പ്രതികരിച്ചത്.
