Advertisement
കണ്ണൂര്: തളിപ്പറമ്പില് വീടിന്റെ സ്റ്റെയര്ക്കേസില് നിന്ന് വീണു ഗുരുതരമായി പരിക്കേറ്റ് ചികില്സയിലായിരുന്ന എട്ടുവയസുകാരനായ വിദ്യാര്ഥി മരിച്ചു. എളമ്പേരംപാറ തുന്തക്കാച്ചീരകത്ത് വീട്ടില് താമസിക്കുന്ന പുഷ്പഗിരി ചാച്ചാജി റോഡിലെ എം സജീര്-മുബീന ദമ്പതികളുടെ മകന് ടി അബ്ദുള് വാഹിദാണ്(8) അപകടത്തില്പ്പെട്ടത്.
തളിപ്പറമ്പ് സിഎച്ച് എം സ്കൂളിലെ രണ്ടാം ക്ലാസ് വിദ്യാര്ഥിയാണ്. ഏപ്രില് 16 ന് രാത്രിയില് എളമ്പേരംപാറയലെ വീട്ടില് വെച്ചായിരുന്നു അപകടം. തുടര്ന്നു ഗുരുതരാവസ്ഥയില് കണ്ണൂരിലെ സ്വകാര്യ ആശുപത്രിയില് ചികില്സയിലിരിക്കെ ഇന്ന് പുലര്ച്ചെ 1.15 മണിയോടെയായിരുന്നു അന്ത്യം.
തളിപ്പറമ്പ് പൊലീസ് മൃതദേഹം ഇന്ക്വസ്റ്റ് നടത്തി. പോസ്റ്റുമോര്ട്ടം നടപടികള്ക്കു ശേഷം ബന്ധുക്കള്ക്കു മൃതദേഹം വിട്ടു നല്കും. സഹോദരങ്ങള്: മുഹമ്മദ് ഷസില്, ആലിയ മെഹ്സിന്.
Advertisement
