ആലപ്പുഴ: എംപിയും സംഘടനാ ചുമതലയുള്ള എഐസിസി ജനറല് സെക്രട്ടറിയുമായ കെസി വേണുഗോപാല് നിയമസഭാ തെരഞ്ഞെടുപ്പില് മത്സരിക്കുമെന്ന് റിപ്പോര്ട്ടുകള്.കെസി മല്സരിക്കുമ്പോള് മുഖ്യമന്ത്രി സ്ഥാനാര്ഥിയായി ഏതാണ്ട് ഉറപ്പിച്ചിരുന്ന വിഡി സതീശനെ അട്ടിമറിക്കുമെന്നുറപ്പാണ്. എല്ഡിഎഫിന് ഈ മല്സരം ഗുണകരമാവുമെന്നാണ് സൂചന
സ്വന്തം തട്ടകമായ ആലപ്പുഴയില് നിന്നാവും വേണുഗോപാല് മത്സരിക്കുക. ഇതിന് ഹൈക്കമാന്ഡ് അനുമതി നല്കിയതായുമായാണ് വിവരം. നിയമസഭാ തെരഞ്ഞെടുപ്പുമായി ബന്ധപ്പെട്ട് ഒeരോ മണ്ഡലവും കേന്ദ്രീകരിച്ച് വിശദമായി ചര്ച്ച നടത്തി കനഗോലു നേരത്തെ തന്നെ എഐസിസിക്ക് സമഗ്രമായ റിപ്പോര്ട്ട് നല്കിയിരുന്നു. ആലപ്പുഴയില് കെസി വേണുഗോപാല് മത്സരിച്ചാല് വലിയ നേട്ടമുണ്ടാകുമെന്നാണ് കനഗോലു റിപ്പോര്ട്ട്. ഇതിന്റെ അടിസ്ഥാനത്തിലാണ് എഐസിസിയുടെ തീരുമാനമെന്നാണ് അറിയുന്നത്.
യുഡിഎഫിന് ഭൂരിപക്ഷം കിട്ടിയാല് സംഘടനാപരമായി സംസ്ഥാനത്തു നിന്നും നിലവിലുള്ള ഏറ്റവും മുതിര്ന്ന നേതാവായ വേണുഗോപാല് മുഖ്യമന്ത്രി സ്ഥാനത്തേക്ക് പരിഗണിക്കപ്പെടും എന്ന് തന്നെയാണ് കോണ്ഗ്രസ് വൃത്തങ്ങള് നല്കുന്ന സൂചന. ഏതാണ്ട് ഒരു മാസമായി ആലപ്പുഴയിലും പരിസരപ്രദേശങ്ങളിലും കെ സി വേണുഗോപാല് സജീവമാണെന്നതും സ്ഥാനാര്ഥായാകുമെന്നതിന്റെ സൂചനയാണ് വിലയിരുത്തുന്നത്.
കെസി വേണുഗോപാല് മല്സരിക്കുന്നത് വിഡി സതീശനിലേക്ക് കേന്ദ്രീകരിച്ചുവന്ന പോര്മുന ഒടിയാനിടയാക്കുമെന്നും മല്സരപ്രഖ്യാപനം യുഡിഎഫിന് വലിയ അപകടമാവും വരുത്തുന്നതെന്നും അഭിപ്രായപ്പെടുന്ന രാഷ്ട്രീയ വിദഗ്ധരുണ്ട്. ചെന്നിത്തല, വിഡി സതീശന്,കെ സി വേണുഗോപാല് എന്നിങ്ങനെ കോണ്ഗ്രസില് പോര്മുന പെരുകുന്നതാണ് എല്ഡിഎഫും കാത്തിരിക്കുന്നത്.
