29.6 C
Kollam
Tuesday 17th November, 2026 | 12:07:50 PM
Home International Pravasi മഴമാപിനിയുടെ അതിരുകൾക്കപ്പുറം ഷാർജ പുസ്തകമേളയിൽ പ്രകാശനം ചെയ്തു.

മഴമാപിനിയുടെ അതിരുകൾക്കപ്പുറം ഷാർജ പുസ്തകമേളയിൽ പ്രകാശനം ചെയ്തു.

Advertisement



നിഷാദ് നിലയ്ക്കാമുക്കിന്റെ ആദ്യ കവിതാസമാഹാരമായ ‘മഴമാപിനിയുടെ അതിരുകൾക്കപ്പുറം’ 45-ാമത് ഷാർജ അന്താരാഷ്ട്ര പുസ്തകമേളയിലെ (SIBF) റൈറ്റേഴ്സ് ഫോറത്തിൽ പ്രകാശനം ചെയ്തു. ഹരിതം ബുക്സ് പ്രസിദ്ധീകരിച്ച പുസ്തകം മാധ്യമപ്രവർത്തകനും എഴുത്തുകാരനുമായ സാദിഖ് കാവിലാണ് പ്രകാശനം ചെയ്തത്. കേരള ഫോക്‌ലോർ അക്കാദമി അവാർഡ് ജേതാവും സംസ്‍കാര സാഹിതി തിരുവനന്തപുരം ജില്ലാ   ചെയർമാനുമായ പൂഴനാട് ഗോപൻ പുസ്തകം ഏറ്റുവാങ്ങി.
എഴുത്തുകാരനും പ്രവാസി ബിസിനസുകാരനുമായ നാസർ നാഷ്‌കോ പുസ്തകപരിചയം നടത്തി. എഴുത്തുകാരനും ജീവകാരുണ്യപ്രവർത്തകനുമായ മധു നായർ K.P., എഴുത്തുകാരികളായ അബ്ദിയാ  ഷെഫീന,  കിരൺ ബിസു  എന്നിവർ ആശംസകൾ നേർന്നു. ഷെഹ്നാ എം. ചടങ്ങ് അവതരിപ്പിച്ചു. രചയിതാവ് നിഷാദ് നിലയ്ക്കാമുക്ക് മറുപടി പ്രസംഗം നടത്തി.

മനുഷ്യജീവിതത്തിലെ  അനുഭവങ്ങളും ഓർമ്മകളും വികാരങ്ങളും കവിതകളിലൂടെ അടയാളപ്പെടുത്തുന്ന സമാഹാരമാണ് ‘മഴമാപിനിയുടെ അതിരുകൾക്കപ്പുറം’. പ്രവാസലോകത്തെ തിരക്കുകൾക്കിടയിലും സാഹിത്യരംഗത്ത് സജീവമായ നിഷാദ് നിലയ്ക്കാമുക്കിന്റെ ആദ്യ കവിതാസമാഹാരമാണിത്.
ഷാർജ എക്സ്പോ സെന്ററിലെ ഏഴാം ഹാളിലുള്ള ഇന്ത്യൻ പവലിയനിലെ റൈറ്റേഴ്സ് ഫോറത്തിൽ നടന്ന ചടങ്ങിൽ സാഹിത്യപ്രേമികളും വായനക്കാരും പങ്കെടുത്തു.

LEAVE A REPLY

Please enter your comment!
Please enter your name here