Home Blog Page 866

‘നമ്മള്‍ തമ്മിലുള്ള കരാര്‍ ഇതല്ല,ഇറാന്‍ നിലപാടിനെ വിമര്‍ശിച്ച് ട്രംപ്

വാഷിങ്ടണ്‍: ഹോര്‍മൂസ് കടലിടുക്കുമായി ബന്ധപ്പെട്ട ഇറാന്‍ നിലപാടിനെ വിമര്‍ശിച്ച് യുഎസ് പ്രസിഡന്റ് ഡോണള്‍ഡ് ട്രംപ്. ഹോര്‍മുസ് കടലിടുക്കിലൂടെ എണ്ണ കടന്നുപോകാന്‍ അനുവദിക്കുന്ന കാര്യത്തില്‍ ഇറാന്‍ വളരെ മോശമായ രീതിയിലാണ് പ്രവര്‍ത്തിക്കുന്നതെന്ന് ട്രംപ് അഭിപ്രായപ്പെട്ടു.

സമൂഹമാധ്യമമായ ട്രൂത്ത് സോഷ്യലിലൂടെയാണ് ട്രംപിന്റെ വിമര്‍ശനം. ‘നമ്മള്‍ തമ്മിലുള്ള കരാര്‍ ഇതല്ല. ചിലര്‍ ഇതിനെ അന്തസ്സില്ലാത്ത നടപടി എന്ന് വിളിച്ചേക്കാമെന്നും കുറിപ്പില്‍ ട്രംപ് അഭിപ്രായപ്പെട്ടു’. ഹോര്‍മുസ് കടലിടുക്കിന്റെ നിയന്ത്രണത്തില്‍ ഇറാന്‍ പുതിയൊരു ഘട്ടത്തിലേക്ക് കടക്കുകയാണെന്ന് ഇറാന്‍ പരമോന്നത നേതാവ് മുജ്തബ ഖമേനി വ്യക്തമാക്കിയിരുന്നു.

അമേരിക്കയും ഇറാനും തമ്മിൽ വെടിനിർത്തൽ പ്രഖ്യാപിച്ചെങ്കിലും ഹോർമുസ് കടലിടുക്കിലൂടെയുള്ള കപ്പൽ ഗതാഗതം ഇപ്പോഴും വെല്ലുവിളികൾ നേരിടുകയാണ്. വെടിനിർത്തൽ വ്യവസ്ഥകൾ പ്രകാരം ഹോർമുസ് കടലിടുക്കിലൂടെ പ്രതിദിനം 15 കപ്പലുകളെ മാത്രമേ കടന്നുപോകാൻ അനുവദിക്കൂ എന്നതാണ് ഇറാന്റെ നിലപാട്. ഇതിനിടെ ലബനൻ ആക്രമണത്തിന്റെ പശ്ചാത്തലത്തിൽ കപ്പൽ ​ഗതാ​ഗതം അനുവദിക്കില്ലെന്ന് ഇറാൻ മുന്നറിയിപ്പ് നൽകിയിട്ടുണ്ട്.

also read:

സമാധാനപരമായ വോട്ടെടുപ്പ് വലിയ നേട്ടമെന്ന് മുഖ്യമന്ത്രി

രഞ്ജിത്തിന് ഇന്ന് നിര്‍ണായകം

കൊച്ചി: ലൈംഗികാതിക്രമക്കേസില്‍ റിമാന്‍ഡില്‍ കഴിയുന്ന സംവിധായകന്‍ രഞ്ജിത്ത് നല്‍കിയ ജാമ്യാപേക്ഷയില്‍ എറണാകുളം ഫസ്റ്റ് ക്ലാസ് ജുഡീഷ്യല്‍ മജിസ്‌ട്രേറ്റ് കോടതി ഇന്ന് വിധി പ്രസ്താവിക്കും. സിനിമാ സെറ്റില്‍ വെച്ച് ലൈംഗികാതിക്രമം നേരിട്ടു എന്ന യുവനടിയുടെ പരാതിയിലാണ് രഞ്ജിത്ത് അറസ്റ്റിലായത്.

എന്നാല്‍ ജാമ്യം അനുവദിക്കരുതെന്നും, കസ്റ്റഡിയില്‍ വേണമെന്നും പൊലീസ് ആവശ്യപ്പെടും. കൂടുതല്‍ ചോദ്യം ചെയ്യേണ്ടതുണ്ടെന്നും, തെളിവുകള്‍ ശേഖരിക്കേണ്ടതുണ്ടെന്നും പ്രോസിക്യൂഷന്‍ കോടതിയില്‍ അറിയിക്കും. രഞ്ജിത്തിനെ കസ്റ്റഡിയില്‍ ആവശ്യപ്പെട്ട് പൊലീസ് കസ്റ്റഡി അപേക്ഷ നല്‍കിയിട്ടുണ്ട്. നേരത്തെ രഞ്ജിത്തിനെ ഫോര്‍ട്ടുകൊച്ചിയിലെ ലൊക്കേഷനിലെത്തിച്ച് തെളിവെടുത്തിരുന്നു.

കഴിഞ്ഞദിവസം വോട്ടു ചെയ്യാനായി ഇടക്കാല ജാമ്യം അനുവദിക്കണമെന്ന് രഞ്ജിത്ത് കോടതിയില്‍ ആവശ്യപ്പെട്ടിരുന്നു. എന്നാല്‍ കോടതി ജാമ്യം അനുവദിച്ചില്ല.

സംസ്ഥാനത്ത് 78. 27 ശതമാനം പോളിങ്, ഏറ്റവും കൂടുതൽ വോട്ട് പാലക്കാട് ചിറ്റൂരിൽ, കുറവ് തിരുവല്ലയിൽ

തിരുവനന്തപുരം: പതിനാറാം കേരള
നിയമസഭയിലേക്ക് ഇന്നലെ നടന്ന തിരഞ്ഞെടുപ്പിൽ സംസ്ഥാനത്ത് 78.27 ശതമാനം പോളിങ്. രേഖപ്പെടുത്തി.1987 ന് ശേഷമുള്ള ഉയർന്ന പോളിങാണിത്. കോഴിക്കോട് ജില്ലയിലാണ് ഏറ്റവും കൂടുതൽ പേർ വോട്ട് ചെയ്തത്. കുറവ് പത്തനംതിട്ട ജില്ലയിലും .നിയോജക മണ്ഡല അടിസ്ഥാനത്തിൽ പാലക്കാട് ചിറ്റൂർ മണ്ഡലത്തിലാണ് ഏറ്റവും ഉയർന്ന പോളിങ്.ഇവിടെ 84.63 ശതമാനം പേർ വോട്ട് രേഖപ്പെടുത്തി. പത്തനംതിട്ട ജില്ലയിലെ തിരുവല്ലയിലാണ് ഏറ്റവും കുറവ് പോളിങ് നടന്നത്. 69.47 ശതമാനം പേരാണ് തിരുവല്ലയിൽ വോട്ട് ചെയ്തത്.
രണ്ട് കോടി 71 ലക്ഷത്തിലേറെ വോട്ടർ ന്മാരാണ് സംസ്ഥാനത്ത് ഉണ്ടായിരുന്നത്.
മെയ് 4 നാണ് വോട്ടെണ്ണൽ.

കണ്ണൂർ മുല്ലക്കൊടിയിൽ സി പി എം പ്രവർത്തകനെ കുത്തിയ കോൺഗ്രസ് പ്രവത്തകൻ പിടിയിൽ

കണ്ണൂര്‍ : മയ്യില്‍ മുല്ലക്കൊടിയിൽ സിപിഐ എം പ്രവർത്തകനെ കോൺഗ്രസുകാരൻ കത്തികൊണ്ട് കുത്തിപ്പരിക്കേൽപ്പിച്ചു. വ്യാഴായ്ച വൈകിട്ട് 6.30 ഓടെ മുല്ലക്കോടി യുപി സ്കൂളിലെ ബൂത്തിന് സമീപമാണ് അക്രമണമുണ്ടായത്. സിപിഐ എം പ്രവർത്തകൻ മുല്ലക്കൊടി കുറ്റിച്ചിറയിലെ പി പി പ്രകാശ(50)നാണ് കുത്തേറ്റത്.

ബൂത്ത് ഏജന്റായ പ്രകാശൻ പോളിങ് കഴിഞ്ഞ് ഇറങ്ങിവരവെ യുഡിഎഫ് ബൂത്ത് ഏജന്റായ ഭാസ്കരനുമായി സംസാരിച്ചുവരികായായിരുന്നു. ഇതിനിടെ ബൂത്തിന് പുറത്തുണ്ടായ ഭാസ്കരന്റെ സഹോദരൻ ഓട്ടോ ഡ്രൈവറായ കോൺഗ്രസുകാരൻ പി കൃഷ്ണൻ കത്തിയെടുത്ത് കുത്തുകയായിരുന്നു. ഗുരുതരമായ പരിക്കേറ്റ പ്രകാശനെ എകെജി ആശുപത്രിയിൽ പ്രവേശിപ്പിച്ചു.

സമാധാനന്തരീക്ഷത്തോടെ തെരഞ്ഞെടുപ്പ് നടന്ന പ്രദേശത്ത് ബോധപൂർവം അക്രമണമുണ്ടാക്കാനാണ് കോൺഗ്രസ് ശ്രമിച്ചത്. ഇതിന്റെ ഭാഗമായാണ് കത്തികുത്തിലേക്ക് കലാശിച്ചത്. പ്രതിയെ മയ്യിൽ പൊലീസ് കസ്റ്റഡിയിലെടുത്തു. പരിക്കേറ്റ് ചികിത്സയിൽ കഴിയുന്ന പ്രകാശനെ എൽഡിഎഫ് കൺവീനർ എൻ ചന്ദ്രൻ, സംസ്ഥാന കമ്മിറ്റി അംഗങ്ങളായ ടി വി രാജേഷ്, ബിജു കണ്ടക്കൈ, സിപിഐ എം ജില്ലാ സെക്രട്ടറി കെ കെ രാഗേഷ്, സിപിഐ എം ജില്ല കമ്മിറ്റി അംഗം കെ സി ഹരികൃഷ്ണൻ, ഏരിയ സെക്രട്ടറി എൻ അനിൽകുമാർ തുടങ്ങിയവർ കണ്ണൂർ എകെജി ആശുപത്രിയിലെത്തി സന്ദർശിച്ചു.

സമാധാനപരമായ വോട്ടെടുപ്പ് വലിയ നേട്ടമെന്ന് മുഖ്യമന്ത്രി

കണ്ണൂർ:സംസ്ഥാനത്ത് നിയമസഭാ തെരഞ്ഞെടുപ്പിന്റെ വോട്ടെടുപ്പ് പൂർത്തിയായതിന് പിന്നാലെ, ജനാധിപത്യ പ്രക്രിയയിൽ പങ്കുചേർന്ന മുഴുവൻ വോട്ടർമാർക്കും മുഖ്യമന്ത്രി പിണറായി വിജയൻ ഹൃദയം നിറഞ്ഞ നന്ദിയും അഭിവാദ്യങ്ങളും അറിയിച്ചു. കടുത്ത വേനൽച്ചൂടിനെയും പ്രതികൂല കാലാവസ്ഥയെയും അവഗണിച്ച് ബൂത്തുകളിലെത്തിയ ജനങ്ങളുടെ പങ്കാളിത്തം കേരളത്തിന്റെ ഉയർന്ന ജനാധിപത്യ ബോധത്തിന്റെയും നാടിനോടുള്ള പ്രതിബദ്ധതയുടെയും തെളിവണെന്ന് അദ്ദേഹം ഫേസ്ബുക്കിൽ കുറിച്ചു. ചുരുങ്ങിയ പ്രചാരണ സമയത്തിനുള്ളിലും ആവേശത്തോടെ പ്രവർത്തിച്ച രാഷ്ട്രീയ പ്രവർത്തകരെ മുഖ്യമന്ത്രി പ്രത്യേകം അഭിനന്ദിച്ചു.

സംസ്ഥാനത്തെവിടെയും അനിഷ്ട സംഭവങ്ങളില്ലാതെ സമാധാനപരമായി വോട്ടെടുപ്പ് പൂർത്തിയാക്കാൻ സാധിച്ചത് വലിയ നേട്ടമാണെന്ന് മുഖ്യമന്ത്രി വിലയിരുത്തി. ഈ ബൃഹത്തായ ദൗത്യം വിജയകരമായി നടപ്പിലാക്കാൻ അഹോരാത്രം അധ്വാനിച്ച തെരഞ്ഞെടുപ്പ് ഉദ്യോഗസ്ഥർ, പോലീസ്-കേന്ദ്ര സേനാ അംഗങ്ങൾ, ആരോഗ്യപ്രവർത്തകർ, സന്നദ്ധ പ്രവർത്തകർ എന്നിവരുടെ സേവനത്തെ അദ്ദേഹം ശ്ലാഘിച്ചു. ഉദ്യോഗസ്ഥരുടെയും സുരക്ഷാ സേനയുടെയും ഏകോപിതമായ പ്രവർത്തനം വോട്ടെടുപ്പ് സുഗമമാക്കുന്നതിൽ നിർണായകമായെന്ന് അദ്ദേഹം കൂട്ടിച്ചേർത്തു.

ജനവിധി രേഖപ്പെടുത്തിയ എല്ലാ വോട്ടർമാർക്കും ഒരിക്കൽ കൂടി നന്ദി രേഖപ്പെടുത്തിയ മുഖ്യമന്ത്രി, നവകേരള നിർമ്മിതിക്കായി നമുക്ക് ഒരുമിച്ച് മുന്നേറാം എന്ന ആഹ്വാനത്തോടെയാണ് തന്റെ കുറിപ്പ് അവസാനിപ്പിച്ചത്. ജനാധിപത്യ പ്രക്രിയയിലെ ഈ സജീവ പങ്കാളിത്തം നാടിന്റെ പുരോഗതിക്ക് കരുത്തേകുമെന്നും അദ്ദേഹം പ്രത്യാശ പ്രകടിപ്പിച്ചു.

‘തുടര്‍ഭരണം അവസാനിക്കില്ല’,നാക്കുപിഴ തിരുത്തി സുധാകരന്‍

കണ്ണൂര്‍: നിയമസഭാ തെരഞ്ഞെടുപ്പില്‍ യുഡിഎഫിന് 100 സീറ്റുകള്‍ വരെ ലഭിക്കാന്‍ സാധ്യതയുണ്ടെന്ന് മുതിര്‍ന്ന കോണ്‍ഗ്രസ് നേതാവ് കെ സുധാകരന്‍. എല്‍ഡിഎഫിന്റെ ഭരണത്തുടര്‍ച്ച ഒരിക്കലും അനുവദിക്കില്ലെന്നും യുഡിഎഫ് അധികാരത്തില്‍ വരുമെന്ന കാര്യത്തില്‍ നൂറു ശതമാനം ഉറപ്പുണ്ടെന്നും അദ്ദേഹം പറഞ്ഞു. വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു കെ സുധാകരന്‍.

മാധ്യമങ്ങളോട് സംസാരിക്കുമ്പോള്‍ ‘തുടര്‍ഭരണം അവസാനിക്കില്ല’ എന്ന് പറഞ്ഞെങ്കിലും തിരുത്തി തുടര്‍ഭരണം അനുവദിക്കില്ലെന്ന് അദ്ദേഹം വ്യക്തമാക്കി. തെരഞ്ഞെടുപ്പ് ഫലം വരുമ്പോള്‍ യുഡിഎഫിന്റെ ആധിപത്യം എല്ലാവര്‍ക്കും കാണാന്‍ കഴിയുമെന്നും സുധാകരന്‍ കൂട്ടിച്ചേര്‍ത്തു. തെരഞ്ഞെടുപ്പ് രംഗത്ത് പ്രവര്‍ത്തകരും അനുഭാവികളും സജീവമായി പങ്കെടുത്തുവെന്നും തനിക്ക് ലഭിച്ച വിവരങ്ങള്‍ വലിയ പ്രതീക്ഷ നല്‍കുന്നതാണെന്നും അദ്ദേഹം പറഞ്ഞു.

also read:

കേസ്,കുഞ്ഞുമായി വോട്ട് രേഖപ്പെടുത്താനെത്തിയ യുവതിക്ക് വോട്ട് നിഷേധിച്ച് പോളിങ് സ്റ്റേഷനിൽ മണിക്കൂറുകളോളം ഇരിക്കേണ്ടിവന്ന സംഭവത്തിൽ ബാലാവകാശ കമ്മീഷൻ കേസെടുത്തു

പേരാവൂര്‍ മണ്ഡലത്തിലെ തെരഞ്ഞെടുപ്പ് അട്ടിമറി സാധ്യതകളെ അദ്ദേഹം പൂര്‍ണ്ണമായും തള്ളിക്കളഞ്ഞു. താന്‍ നേരിട്ട് ആ ഭാഗം പരിശോധിച്ചതാണെന്നും അവിടെ വലിയ അപാകതകളൊന്നും ശ്രദ്ധയില്‍പ്പെട്ടിട്ടില്ലെന്നും അദ്ദേഹം പറഞ്ഞു. സണ്ണി ജോസഫിനെ തോല്‍പ്പിക്കാന്‍ സുധാകരന്‍ ശ്രമിക്കുന്നു എന്ന തരത്തില്‍ പ്രചരിക്കുന്ന വാര്‍ത്തകള്‍ ശരിയല്ലെന്ന് അദ്ദേഹം വ്യക്തമാക്കി. സണ്ണി ജോസഫ് മികച്ച ഭൂരിപക്ഷത്തില്‍ വിജയിക്കുമെന്ന് ഉറപ്പാണെന്നും അദ്ദേഹം മാധ്യമങ്ങളോട് പ്രതികരിച്ചു.

സണ്ണി ജോസഫ് എഐസിസിക്ക് അയച്ചു എന്ന് പറയപ്പെടുന്ന വിവാദമായ കത്തിനെ കുറിച്ചും സുധാകരന്‍ പ്രതികരിച്ചു. ഈ കത്ത് യഥാര്‍ത്ഥമാണോ എന്ന് പരിശോധിക്കാന്‍ കൃത്യമായ അന്വേഷണം നടത്തേണ്ടതുണ്ടെന്ന് അദ്ദേഹം ആവശ്യപ്പെട്ടു. ഒരു വസ്തുത സ്ഥിരീകരിക്കാന്‍ ശരിയായ വഴിയിലൂടെയുള്ള പരിശോധനയും ഇന്‍വെസ്റ്റിഗേഷനും ആവശ്യമാണെന്നും അക്കാര്യം പിന്നീട് തീരുമാനിക്കുമെന്നും അദ്ദേഹം പറഞ്ഞു.

കുന്നത്തൂരിൽ പോളിംഗ് 80 ശതമാനം; സമാധാനപരം

ശാസ്‌താകോട്ട:കുന്നത്തൂരിൽ 10 പഞ്ചായത്തുകളിലായി 80.7 ശതമാനം വോട്ടിംഗ് നടന്നതായി വിവരം.ചരിത്രത്തിലെ വലിയ പോളിംഗ് ശതമാനമാണിത്.രാവിലെ മുതൽ തന്നെ പോളിംഗ് സ്റ്റേഷനുകൾക്കു മുന്നിൽ വലിയ തിരക്കാണ് അനുഭവപ്പെട്ടത്. ണഇരവിച്ചിറ സ്കൂളിലെ ബൂത്തില്‍ പോളിംങ് മെഷീന്‍ തകരാരായത് പോളിംങ് വൈകിച്ചു. ചിലയിടത്ത് മെഷീനില്‍ വോട്ടു രേഖപ്പെടുത്തിയാല്‍ ഏറെ വൈകിമാത്രമാണ് ബീപ് ശബ്ദം കേള്‍ക്കുന്നതെന്ന ആക്ഷേപമുണ്ടായിരുന്നു. ഇതുമൂലം പലയിടത്തും ക്യൂ നീണ്ടു.

കരുവാമല ഹൈസ്കൂള്‍

സ്ത്രീകൾ അടക്കമുള്ളവർ വെയിൽ കനക്കുന്നതിനു മുമ്പായി വോട്ടിടാൻ എത്തിയിരുന്നു.10 മണിക്കു ശേഷം പലയിടത്തും വലിയ തിരക്ക് അനുഭവപ്പെട്ടില്ല.വൈകിട്ടോടെ വീണ്ടും തിരക്ക് വർദ്ധിച്ചു.കുന്നത്തൂർ നിയോജക മണ്ഡലത്തിലെ 10 പഞ്ചായത്തുകളിലും കനത്ത പോളിംഗ് ശതമാനമാണ് രേഖപ്പെടുത്തിയിരിക്കുന്നത്.കിടപ്പു രോഗികൾ അടക്കമുള്ളവർ വാഹനങ്ങളിൽ എത്തിയാണ് വോട്ട് ചെയ്തത്.

അപകടത്തിൽ പരിക്കേറ്റ് ചികിത്സയിൽ കഴിയുന്ന കുന്നത്തൂർ പഞ്ചായത്ത് 14-ാം വാർഡ് അംഗം വിപിൻ കുമാർ ആംബുലൻസിൽ എത്തിയാണ് വോട്ട് ചെയ്തത്. എൽഡിഎഫ് സ്ഥാനാർത്ഥി കോവൂർ കുഞ്ഞുമോനും യുഡിഎഫ് സ്ഥാനാർത്ഥി ഉല്ലാസ് കോവൂരും രാവിലെ തേവലക്കര ഗേൾസ് ഹൈസ്‌കൂളിലെ 51-ാം നമ്പർ ബൂത്തിൽ വോട്ട് രേഖപ്പെടുത്തി.ഭാര്യ ആശ,മകൾ ഋതു എന്നിവർക്കൊപ്പമാണ് ഉല്ലാസ് വോട്ട് ചെയ്യാനെത്തിയത്.എൻഡിഎ സ്ഥാനാർഥി രാജി പ്രസാദ് കുമരഞ്ചിറ യു.പി സ്കൂളിലെ
17-ാം നമ്പർ ബൂത്തിലാണ് വോട്ട് ചെയ്തത്.

കുണ്ടറയിലെ യുഡിഎഫ് സ്ഥാനാർത്ഥി പി.സി വിഷ്ണുനാഥ് രാവിലെ 8:30 ന് ശാസ്‌താംകോട്ട ഗവ.ഹയർ സെക്കൻഡറി സ്കൂളിലെ 93-ാം നമ്പർ ബൂത്തിൽ വോട്ട് രേഖപ്പെടുത്തി.

കേസ്,കുഞ്ഞുമായി വോട്ട് രേഖപ്പെടുത്താനെത്തിയ യുവതിക്ക് വോട്ട് നിഷേധിച്ച് പോളിങ് സ്റ്റേഷനിൽ മണിക്കൂറുകളോളം ഇരിക്കേണ്ടിവന്ന സംഭവത്തിൽ ബാലാവകാശ കമ്മീഷൻ കേസെടുത്തു

തൃശൂർ. കൂർക്കഞ്ചേരിയിൽ വോട്ട് രേഖപ്പെടുത്താനെത്തിയ യുവതിക്ക് വോട്ട് നിഷേധിച്ച സംഭവം. യുവതിയോടൊപ്പം പോളിങ് സ്റ്റേഷനിൽ കുഞ്ഞിനും മണിക്കൂറുകളോളം ഇരിക്കേണ്ടിവന്ന സംഭവത്തിൽ ബാലാവകാശ കമ്മീഷൻ കേസെടുത്തു. ഉച്ചയ്ക്ക് ഒന്നര മുതൽ കുഞ്ഞും അമ്മയോടൊപ്പം പോളിംഗ് സ്റ്റേഷനിൽ ഉണ്ടായിരുന്നു

പ്രിസൈസിങ്ങ് ഓഫീസറുടെ നടപടിയിൽ ബാലാ വകാശ കമ്മീഷൻ സ്വമേധയാ കേസെടുത്തു. സംഭവത്തിൽ ജില്ലാ കളക്ടറോട് വിശദീകരണം തേടും

also read:

ഇടതുവിരലില്‍ മഷിപുരട്ടാനാവുന്നില്ല, യുവതിയെ 5മണിക്കൂര്‍ കാത്തുനിര്‍ത്തിച്ച് അധികാര ധാര്‍ഷ്ട്യം ,വന്‍പ്രതിഷേധത്തിനൊടുവില്‍ അനുമതി

ജില്ലയിലെ പോളിങ് ശതമാനം ഇതുവരെ: 76.27 %

ജില്ലയിലെ വോട്ടർമാരുടെ എണ്ണം: 20,87,992

പോളിങ് ശതമാനം നിയോജകമണ്ഡലാടിസ്ഥാനത്തിൽ

  1. ചടയമംഗലം – 74.42%
  2. ചാത്തന്നൂർ – 75.89%
  3. ചവറ – 77.88%
  4. ഇരവിപുരം – 77.33%
  5. കരുനാഗപ്പള്ളി – 78.62%
  6. കൊല്ലം – 77.43%
  7. കൊട്ടാരക്കര- 75.12%
  8. കുണ്ടറ – 78.24%
  9. കുന്നത്തൂർ – 77.85 %
  10. പത്തനാപുരം- 75.17%
  11. പുനലൂർ – 70.99 %

സംസ്ഥാനത്ത് വീണ്ടും മരണാനന്തര അവയവദാനം… ജയി ജയകുമാര്‍ ആറ് പേരിലൂടെ വീണ്ടും ജീവിക്കും

സംസ്ഥാനത്ത് വീണ്ടും മരണാനന്തര അവയവദാനം. തിരുവനന്തപുരം സ്വദേശിയായ ജയി ജയകുമാറിന്റെ(35) ഹൃദയം, രണ്ട് വൃക്ക, കരള്‍, രണ്ട് നേത്രപടലങ്ങള്‍ എന്നിവയാണ് ദാനം ചെയ്തത്. തിരുവനന്തപുരം കിംസ് ആശുപത്രിയില്‍ ചികിത്സയിലിരിക്കെയാണ് ജയിയ്ക്ക് മസ്തിഷ്‌കമരണം സംഭവിച്ചത്. ജയിയുടെ ഹൃദയം തിരുവനന്തപുരത്ത് നിന്നും എയര്‍ ആംബുലന്‍സ് വഴി കൊച്ചിയിലെ ലിസി ആശുപത്രിയില്‍ എത്തിച്ചു. ലിസി ആശുപത്രിയില്‍ ചികിത്സയില്‍ കഴിയുന്ന മലപ്പുറം മൂക്കുതല സ്വദേശിനി 14 വയസുകാരിയിലാണ് ജയിയുടെ ഹൃദയം ഇനി മിടിക്കുക.

തിരുവനന്തപുരം വിമാനത്താവളത്തില്‍ നിന്ന് ഇന്ന് ഉച്ചയ്ക്ക് 1.47ഓടെയാണ് ഹൃദയം വഹിച്ചുകൊണ്ടുള്ള ആഭ്യന്തര വകുപ്പിന്റെ ഹെലികോപ്റ്റര്‍ പറന്നുയര്‍ന്നത്. 2.42നോടെ ഹെലികോപ്റ്റര്‍ കൊച്ചി ഗ്രാന്‍ഡ് ഹയാത്തില്‍ ലാന്‍ഡ് ചെയ്തു. അവിടെ നിന്ന് റോഡ് മാര്‍ഗമാണ് ഹൃദയം മിനിറ്റുകള്‍ക്കുള്ളില്‍ എറണാകുളം ലിസി ആശുപത്രിയിലെത്തിച്ചത്. തിരുവനന്തപുരം സെന്‍ട്രല്‍ സ്റ്റേഷനില്‍ നിന്ന് ഇന്ന് വൈകുന്നേരം 4.05ന് പുറപ്പെട്ട വന്ദേഭാരത് എക്‌സ്പ്രസിലാണ് ഒരു വൃക്ക കോഴിക്കോട്ടേക്ക് കൊണ്ടുപോയത്. രാത്രി 9.30ഓടെ കോഴിക്കോട് റെയില്‍വേ സ്റ്റേഷനില്‍ എത്തിക്കുന്ന വൃക്ക, ഉടന്‍ തന്നെ കോഴിക്കോട് സര്‍ക്കാര്‍ മെഡിക്കല്‍ കോളേജിലെ രോഗിയില്‍ വെച്ചുപിടിപ്പിക്കും.

ഒരു വൃക്കയും കരളും കിംസ് ആശുപത്രിയിലേയും രണ്ട് നേത്ര പടലങ്ങള്‍ തിരുവനന്തപുരം റീജിയണല്‍ ഒഫ്ത്താല്‍ മോളോജിയിലെയും രോഗികള്‍ക്കാണ് നല്‍കിയത്. കെ-സോട്ടോയുടെ നേതൃത്വത്തിലാണ് അവയവ കൈമാറ്റ നടപടികള്‍ ഏകോപിപ്പിച്ചത്. രണ്ടുമാസത്തിനിടെ കേരളത്തില്‍ നടക്കുന്ന ആറാമത്തെ അവയവദാനമാണിത്. തിരുവനന്തപുരം കഴക്കൂട്ടം ടെക്നോപാര്‍ക്കില്‍ ഐടി കമ്പനിയില്‍ ജോലി ചെയ്തു വരികയായിരുന്നു ജയി ജയകുമാര്‍. ഇന്നലെ കിംസ് ആശുപത്രിയില്‍ വെച്ചാണ് ജയിയ്ക്ക് മസ്തിഷ്‌ക മരണം സ്ഥിരീകരിച്ചത്. തുടര്‍ന്ന് കുടുംബാംഗങ്ങള്‍ അവയവദാനത്തിന് സന്നദ്ധരാവുകയായിരുന്നു. ഏഴ് വയസുള്ള പൃഥ്വിഷ് ആണ് മകന്‍. അച്ഛന്‍ ജയകുമാര്‍, അമ്മ അംബിക ജയകുമാര്‍. സഹോദരി ജയു.

1...865866867...1,558Page 866 of 1,558