ശബരിമല സ്വർണ്ണ കൊള്ള, തന്ത്രി കണ്ഠരര് രാജീവരെ ഇന്ന് ആൻജിയോഗ്രാമിനു വിധേയനാക്കും, സ്വർണ്ണപാളികളുടെ കാലപ്പഴക്കം വീണ്ടും പരിശോധിക്കണമെന്ന ആവശ്യവുമായി എസ്ഐടി വിഎസ്എസ് സിയെ സമീപിച്ചു

February 2, 2026

തിരുവനന്തപുരം.ശബരിമല സ്വർണ്ണ കൊള്ള കേസുകളിൽ ജുഡീഷ്യൽ കസ്റ്റഡിയിൽ കഴിയുന്ന പ്രതി തന്ത്രി കണ്ഠരര് രാജീവരെ ഇന്ന് ആൻജിയോഗ്രാമിനു വിധേയനാക്കും..
നേരത്തെ ജയിലിൽ വച്ച് തന്ത്രിക്ക് നെഞ്ചുവേദന അനുഭവപ്പെട്ടതായി പറഞ്ഞിരുന്നു. ഇതെ തുടർന്നാണ് തിരുവനന്തപുരം മെഡിക്കൽ കോളേജിൽ നിന്നും ആൻജിയോഗ്രാമിനു ഡേറ്റ് നൽകിയത്.

ആൻജിയോഗ്രാം ചെയ്യുന്നതിനായി തന്ത്രിയെ ഇന്നലെ വൈകിട്ടാണ് മെഡിക്കൽ കോളേജിൽ പ്രവേശിപ്പിച്ചത്. രാവിലെ ആൻജിയോഗ്രാം ചെയ്തു വൈകിട്ട് വരെ നിരീക്ഷണത്തിൽ ഇരുത്തിയ ശേഷമായിരിക്കും തിരികെ പൂജപ്പുര ജയിലിലേക്ക് മാറ്റുക.
മെഡിക്കൽ കോളേജിലെ സെല്ലിലാണ് തന്ത്രിയെ അഡ്മിറ്റ് ചെയ്തത്.

അതേസമയം ശബരിമല സ്വർണ്ണക്കൊള്ള കേസിൽ പാളികളുടെ കാലപ്പഴക്കം വീണ്ടും പരിശോധിക്കണമെന്ന ആവശ്യവുമായി എസ്ഐടി വിഎസ്എസ് സിയെ സമീപിച്ചു. ദ്വാരപാലക പാളികളുടെയും കട്ടിളപ്പാളികളുടെയും താരതമ്യ പരിശോധന കൂടാതെ കാലപ്പഴക്കം നിർണയിക്കാനുള്ള പരിശോധന കൂടി നടത്തണമെന്നാണ് എസ്ഐടിയുടെ ആവശ്യം. ഇതിനായി വീണ്ടും പാളികളുടെ സാമ്പിൾ എടുക്കണോ എന്നതിൽ വ്യക്തത വരുത്തണമെന്നും വിഎസ്എസ് സിയോട് ആവശ്യപ്പെട്ടിട്ടുണ്ട്. ശാസ്ത്രീയ തെളിവുകളുടെ അഭാവം മൂലം കുറ്റപത്രം സമർപ്പിക്കാനുള്ള നടപടികൾ വൈകിയതോടെയാണ് എസ്ഐടി നീക്കം. കേസിൽ അന്വേഷണം തുടങ്ങി 115 ദിവസം പിന്നിട്ടിട്ടും എത്ര സ്വർണം മോഷണം പോയെന്നും തൊണ്ടിമുതൽ എവിടെയെന്നും വ്യക്തമായിട്ടില്ല. ഈ മാസം ഒമ്പതിന് ഹൈക്കോടതിയിൽ എസ്ഐടി അന്വേഷണ പുരോഗതി റിപ്പോർട്ട്‌ സമർപ്പിക്കുമ്പോൾ ഇക്കാര്യങ്ങൾ സൂചിപ്പിക്കും. ഇതിനിടെ, ദേവസ്വം മുൻ കമ്മീഷണർ എൻ വാസുവിന്റെ റിമാൻഡ് കാലാവധി ഇന്ന് അവസാനിക്കും. പ്രതികളായ മുൻ എക്സിക്യൂട്ടീവ് ഓഫീസർ സുധീഷ് കുമാറിന്റെയും , കട്ടിളപ്പാളി കേസിൽ ഉണ്ണികൃഷ്ണൻ പോറ്റിയുടെയും ജാമ്യാപേക്ഷയും ഇന്ന് പരിഗണിക്കുന്നുണ്ട്

സി ജെ റോയിയുടെ മരണം; 9 പേജുകളുള്ള ആത്മഹത്യാക്കുറിപ്പ് കിട്ടിയെന്ന് റിപ്പോര്‍ട്ട്, ജനുവരി 31 ന് സഹോദരനെ വിളിച്ചത് ജീവനൊടുക്കാന്‍ തീരുമാനിച്ച ശേഷം

February 2, 2026

ബെംഗളൂരു: കോൺഫിഡന്റ് ഗ്രൂപ്പ് ഉടമ ഡോക്ടർ സി ജെ റോയ് ആത്മഹത്യ ചെയ്യാൻ നേരത്തെ തീരുമാനിച്ചിരുന്നെന്ന് സംശയം. ഒമ്പത് പേജുകളുള്ള ആത്മഹത്യാക്കുറിപ്പ് കുടുംബാംഗങ്ങൾക്ക് ലഭിച്ചതായി വിവരം. ജനുവരി 31ന് സഹോദരനെ വിളിച്ചത് ജീവനൊടുക്കാൻ തീരുമാനിച്ച ശേഷമാണ് എന്നാണ് സൂചന. ആദായനികുതി വകുപ്പിന്റെ ഇടപെടലിൽ റോയ് സമ്മർദ്ദത്തിലായിരുന്നു.

അതേസമയം, പ്രത്യേക സംഘം അന്വേഷണം ഊർജ്ജിതമാക്കി. അന്വേഷണസംഘം ഐടി ഉദ്യോഗസ്ഥരെ വീണ്ടും ചോദ്യം ചെയ്യാൻ വീണ്ടും വിളിപ്പിക്കും. പ്രാഥമിക വിവരശേഖരണം മാത്രമാണ് ഇന്നലെ നടത്തിയതെന്ന് എസ്ഐടി അറിയിച്ചു. ബെംഗളൂരു വിട്ടു പോകരുതെന്ന് ഐടി ഉദ്യോഗസ്ഥരോട് രേഖാമൂലം നിർദ്ദേശം നൽകി.

ആദായനികുതി വകുപ്പിന്റെ റെയ്ഡിനിടെ ജീവനൊടുക്കിയ സി ജെ റോയിയുടെ മൃതദേഹം ഇന്നലെ ബെംഗളൂരുവിൽ സംസ്കരിച്ചു. രാവിലെ 10 മുതൽ രണ്ട് മണി വരെ റോയിയുടെ പ്രിയപ്പെട്ട നേച്ചേഴ്സ് ലക്ഷ്വറി കാസ്കേഡിൽ പൊതുദർശനം നടത്തിയ ശേഷമായിരുന്നു സംസ്കാരം. നാട്ടുകാരും വ്യവസായ പ്രമുഖരുമടക്കം സിനിമാ പ്രവർത്തകരുമടക്കം ആയിരക്കണക്കിനാളുകൾ റോയിക്ക് അന്ത്യാഞ്ജലിയർപ്പിക്കാൻ എത്തി. ശേഷം വൈകിട്ട് നാലരയോടെ നേച്ചേഴ്സ് ലക്ഷ്വറിയിൽ തന്നെയാണ് സംസ്കാരവും നടത്തിയത്. നേച്ചർസ് ലക്ഷ്വറിയിൽ വികാര നിർഭര രംഗങ്ങളായിരുന്നു പൊതുദർശനത്തിനിടെ കണ്ടത്. കർണാടക ഗതാഗത മന്ത്രി രാമലിംഗ റെഡ്‌ഡി, നിർമ്മാതാവ് ആന്റണി പെരുമ്പാവൂർ, സംവിധായകൻ വി കെ പ്രകാശ്, നടനും അവതാരകനുമായ മിഥുൻ തുടങ്ങി വിവിധ രംഗങ്ങളിൽ നിന്നുള്ള പ്രമുഖർ അന്തിമോപചാരം അർപ്പിച്ചു.

റോയിയുടെ സംസ്കാര ചടങ്ങുകൾക്ക് പിന്നാലെ കുടുംബത്തിന്‍റെ നിലപാട് വ്യക്തമാക്കി സഹോദരൻ സി ജെ ബാബുവാണ് രംഗത്തെത്തിയത്. കമ്പനിയുടെ എല്ലാ പ്രോജക്ടുകളും മുൻനിശ്ചയിച്ച പ്രകാരം തന്നെ തുടരുമെന്നും കേരളത്തിലെ ചുമതലയുള്ള ജോസഫും റോയിയുടെ മകൻ രോഹിത്തും ചേർന്ന് ഇനി കമ്പനിയെ നയിക്കുമെന്നും അദ്ദേഹം വ്യക്തമാക്കി. റോയിക്ക് കടബാധ്യതകളോ മറ്റ് സാമ്പത്തിക പ്രശ്നങ്ങളോ ഉണ്ടായിരുന്നില്ലെന്നും മരണവുമായി ബന്ധപ്പെട്ട കുടുംബത്തിന്റെ ആശങ്കകൾ പൊലീസിനെ അറിയിച്ചിട്ടുണ്ടെന്നും ബാബു വിവരിച്ചു. കർണാടക പൊലീസ് അന്വേഷണത്തിൽ തൃപ്തി രേഖപ്പെടുത്തിയ അദ്ദേഹം, തന്നെ മൂന്ന് തവണ വിളിച്ചിരുന്നെന്നും കൂട്ടിച്ചേർത്തു.

സംസ്ഥാന നിയമസഭയിൽ ബജറ്റിൽ മേലുള്ള പൊതു ചർച്ച ഇന്ന് തുടങ്ങും,മാങ്കൂട്ടത്തിലിന്‍റെ ഭാവിയും ഇന്നറിയാം

February 2, 2026

തിരുവനന്തപുരം.സംസ്ഥാന നിയമസഭയിൽ ബജറ്റിൽ മേലുള്ള പൊതു ചർച്ച ഇന്ന് തുടങ്ങും. ബജറ്റിൽ അവഗണിക്കപ്പെട്ട മേഖലകളെ സംബന്ധിച്ചും ഉൾപ്പെടുത്തേണ്ട നിർദ്ദേശങ്ങളെ സംബന്ധിച്ചും ചർച്ചയിൽ അഭിപ്രായമുയരും.
മൂന്നുദിവസം നീളുന്ന ചർച്ചയ്ക്ക് ധനമന്ത്രി ബുധനാഴ്ച മറുപടി നൽകും. ചർച്ചയ്ക്ക് മറുപടി നൽകുമ്പോൾ ബജറ്റിൽ പുതിയ കൂട്ടിച്ചേർക്കലുകൾക്ക് സാധ്യതയുണ്ട്.കെട്ടിട നിർമ്മാണ ഫീസ് വർദ്ധനവ് പിൻവലിച്ചത് സംബന്ധിച്ച ശ്രദ്ധ ക്ഷണിക്കലും ഇന്ന് നിയമസഭയുടെ പരിഗണനയ്ക്ക് വരും.
ലൈംഗിക പീഡന പരാതികൾക്ക് വിധേയനായ രാഹുൽ മാങ്കൂട്ടത്തിനെതിരായ പരാതി പരിശോധിക്കാൻ നിയമസഭയുടെ പ്രിവിലേജ് ആൻഡ് എത്തിക്സ് കമ്മിറ്റി ഇന്ന് ചേരും. രാഹുലിനെ അയോഗ്യനാക്കണം എന്ന് ആവശ്യപ്പെട്ടുള്ള പരാതിയാണ് പ്രിവിലേജ് കമ്മിറ്റിക്ക് മുന്നിലുള്ളത്

10 മണിക്കൂർ 25 മിനിറ്റ് 401 പേരുടെ നിർത്താത്ത പ്രസംഗം,ജയിൻ യൂണിവേഴ്സിറ്റിയുടെ സമ്മിറ്റ് ഓഫ് ഫ്യൂച്ചർ ഗിന്നസ് റെക്കോർഡ് നേട്ടത്തില്‍

February 2, 2026

കൊച്ചി.ആശയങ്ങളുടെ സംവാദ വേദി റെക്കോർഡുകളുടെ തിളക്കത്തിന്റെ ഭൂമി കൂടിയായി മാറി. ജയിൻ യൂണിവേഴ്സിറ്റിയുടെ സമ്മിറ്റ് ഓഫ് ഫ്യൂച്ചർ ഗിന്നസ് റെക്കോർഡ് നേട്ടം കൈവരിച്ചാണ് സമാപിച്ചത്. 401 പേർ പങ്കെടുത്ത റിലെ സ്‌പീച്ച് ആണ് സൂറത്തിൽ സൃഷ്ടിക്കപ്പെട്ട ലോക റെക്കോർഡ് മറികടന്നത്.

10 മണിക്കൂർ 25 മിനിറ്റ് 401 പേരുടെ നിർത്താത്ത പ്രസംഗം. ഒരാൾക്ക് പരമാവധി മൂന്നു മിനിറ്റ് വരെ സംസാരിക്കാം. ഒരു പ്രസംഗം തീർന്നാൽ 10 സെക്കൻഡുകളിൽ അടുത്ത പ്രസംഗം തുടങ്ങും. റിലീസ് പീച്ചിന്റെ മാനദണ്ഡങ്ങൾ അപ്പാടെ പാലിച്ചുകൊണ്ട് കൊച്ചി ജയിന്‍ യൂണിവേഴ്സിറ്റിയിൽ നടന്ന സമ്മിറ്റ് ഓഫ് ഫ്യൂച്ചർ ആശയങ്ങളുടെ സംവാദ വേദി മാത്രമല്ല ഗിന്നസ് റെക്കോർഡ് നേടിയാണ് സമാപിച്ചത്. ഗുജറാത്തിലെ സൂറത്തിൽ 313 പേർ പങ്കെടുത്ത റിലീസ് റെക്കോർഡ് ആണ് കൊച്ചിയിൽ തിരുത്തി എഴുതിയത്. അഡ്ജൂഡിക്കേ റ്റർ സ്വപ്നിൽ ദക്കാരിക്കൽ ജയൻ യൂണിവേഴ്സിറ്റി ന്യൂ ഇനിഷ്യേറ്റർ ഡയറക്ടർ ഡോ ടോം ജോസഫിനും, പ്രോ വൈസ് ചാൻസിലർ പ്രൊഫസർ ഡോക്ടർ ജെ ലതയ്ക്കും ബഹുമതി കൈമാറി.

കഴിഞ്ഞവർഷം നടന്ന ഫ്യൂച്ചർ സമ്മിറ്റിന്റെ ഒന്നാം എഡിഷൻ ഇന്ത്യ ബുക്ക് ഓഫ് റെക്കോർഡും ഏഷ്യാ ബുക്ക് ഓഫ് റെക്കോർഡും നേടിയിരുന്നു. റിലീസ് സ്പിച്ചിൽ 401ആമതായി പ്രസംഗിച്ച ആറു വയസ്സുകാരൻ മാസ്റ്റർ സ്റ്റീവ് ജോം ജോസഫ് താൻ കാണുന്ന ഭാവിയെ കുറിച്ചുള്ള പ്രസംഗം നവ്യാനുഭവമായി. ക്രിയാത്മക ആശയങ്ങളുടെ സമർപ്പണമായ ഫ്യൂച്ചർ സമ്മിറ്റ് വേദി നാളത്തെ തലമുറയ്ക്ക് ഉള്ള പ്രതീക്ഷയായി കൂടിയാണ് താൽക്കാലിക വിരാമം ആകുന്നത്.

അമേരിക്കൻ യാത്രയ്ക്കിടെ നഷ്ടമായത് സാക്ഷ്യപ്പെടുത്തിയ സ്വർണവും വജ്രവും മരുന്നുകളും, പരാതിയുമായി പ്രവാസിയായ 62കാരി, ഗുരുതര ആരോപണം

February 2, 2026

ബെംഗളൂരു: അമേരിക്കയിലേക്കുള്ള യാത്രയ്ക്കിടെ വയോധികയുടെ ചെക്ക് ഇൻ ബാഗിൽ നിന്ന് നഷ്ടമായത് ലക്ഷങ്ങൾ വിലയുള്ള വസ്തുക്കൾ. ബെംഗളൂരുവിൽ നിന്ന് അബുദാബി വഴി അമേരിക്കയിലേക്ക് യാത്ര ചെയ്ത 62കാരിയാണ് പരാതിക്കാരി. ചെക്കിൻ കൌണ്ടറിൽ സാക്ഷ്യപ്പെടുത്തിയ സ്വർണം, വജ്ര ആഭരണം, മരുന്ന്, യുഎസ് ഡോളർ എന്നിവയാണ് കാണാതായതെന്നാണ് പരാതി.

ശാന്ത രമേഷ് കശിൻകുന്തി എന്ന 62കാരിക്കാണ് ബെംഗളൂരു എയർപോർട്ടിൽ നിന്ന് വില പിടിപ്പുള്ള വസ്തുക്കൾ നഷ്ടമായത്. നിലവിൽ അമേരിക്കയിൽ താമസമാക്കിയ ദാർവാഡ് സ്വദേശിയാണ് ശാന്ത രമേഷ്. സ്വദേശമായ ഹുബ്ബളി, ദാർവാഡ് ഇവർ പതിവായി സന്ദർശിക്കാറുണ്ട്. 2025 നവംബർ 15നാണ് പരാതിക്ക് ആസ്പദമായ സംഭവം നടക്കുന്നത്. ബെംഗളൂരു അന്താരാഷ്ട്ര വിമാനത്താവളത്തിൽ നിന്ന് ആകാശ എയർലൈനിലാണ് ഇവർ അബുദാബിയിൽ എത്തിയത്. 790 ഗ്രാം സ്വർണം, 8 ലക്ഷം വില വരുന്ന വജ്ര ആഭരണം, 20000 രൂപ വിലവരുന്ന മരുന്നുകൾ, 200 യുഎസ് ഡോളർ എന്നിവയായിരുന്നു 62കാരി വിമാനത്താവളത്തിൽ സാക്ഷ്യപ്പെടുത്തിയ വിലയേറിയ വസ്തുക്കൾ. ചെക്കിൻ നടപടികൾ പൂർത്തിയാക്കിയ ശേഷം ബാഗ് ടാഗ് ചെയ്ത് സുരക്ഷാ പരിശോധനയും പൂർത്തിയാക്കി വയോധിക യാത്ര തുടർന്നു.

സ്യൂട്ട് കേസിൽ കേടുപാടില്ല, പക്ഷേ വിലപിടിപ്പുള്ള വസ്തുക്കൾ കാണാനില്ല

അബുദാബി അന്താരാഷ്ട്ര വിമാനത്താവളത്തിൽ വച്ച് ലഗേജ് പരിശോധിക്കുമ്പോഴാണ് വിലയേറിയ വസ്തുക്കൾ കാണാതായെന്ന് വ്യക്തമാവുന്നത്. എന്നാൽ സ്യൂട്ട് കേസിൽ പ്രത്യക്ഷമായ രീതിയിൽ കേടുപാടുകൾ സംഭവിച്ചിരുന്നുമില്ല. ഉടൻ തന്നെ വയോധിക അബുദാബി വിമാനത്താവള അധികൃതരെ വിവരം അറിയിച്ച് ആകാശ എയർലൈനിന്റെ കസ്റ്റമർ കെയറുമായി ബന്ധപ്പെട്ടു. എന്നാൽ നിരവധി തവണ പരാതിപ്പെട്ട ശേഷവും കൃത്യമായ നടപടി വിമാനക്കമ്പനിയുടെ ഭാഗത്ത് നിന്ന് ഉണ്ടായില്ലെന്നാണ് വയോധിക പരാതിപ്പെടുന്നത്. 2026 ജനുവരി 7 ന് ഇന്ത്യയിലെത്തിയ 62കാരി പൊലീസ് സഹായം തേടിയിരുന്നു. ഇതനുസരിച്ച് ബെംഗളൂരു വിമാനത്താവളത്തിലെ സിസിടിവികൾ പരിശോധിക്കുകയും സുരക്ഷാ ജീവനക്കാരെ ചോദ്യം ചെയ്യുകയും ചെയ്തിരുന്നു. ഇതിലും നഷ്ടമായ വസ്തുക്കളുടെ സൂചന ലഭിക്കാതെ വന്നതോടെയാണ് 62കാരി ജനുവരി 31ന് എയർപോർട്ട് പൊലീസിൽ പരാതി നൽതിയത്. അജ്ഞാതരായ ആളുകൾ മോഷ്ടിച്ചുവെന്നാണ് പരാതി.

കേന്ദ്ര ബജറ്റിലെ അവഗണന, ബി ജെ പി യ്ക്കെതിരെ പ്രചാരണ ആയുധമാകും

February 2, 2026

തിരുവനന്തപുരം. കേന്ദ്ര ബജറ്റിലെ അവഗണന ബി ജെ പി യ്ക്കെതിരെ പ്രചാരണം ആയുധമാക്കാൻ സംസ്ഥാനം.. പ്രതീക്ഷയോടെ കാത്തിരുന്ന എയിംസിലും, അതിവേഗ റെയിലിലും, വിഴിഞ്ഞത്തിലും അടക്കം ഒന്നും പ്രഖ്യാപിക്കാത്തത് LDF ഉം UDF ഉം ആയുധമാക്കി കഴിഞ്ഞു.

നിയമസഭയിൽ അടക്കം വിഷയം ഉന്നയിക്കാനാണ് സർക്കാർ- പ്രതിപക്ഷ തീരുമാനം. എന്നാൽ കേന്ദ്ര ധനകാര്യ കമ്മീഷന്‍റെ ശുപാര്‍ശയില്‍ കേരളത്തിന് ആശ്വാസമാണ്. കേന്ദ്രത്തില്‍ നിന്നും കേരളത്തിന് ലഭിക്കുന്ന വിഹിതത്തില്‍ 11855 കോടി രൂപയുടെ വര്‍ദ്ധനയാണ് ഉണ്ടാകുന്നത്. കഴിഞ്ഞ വര്‍ഷം 24500 കോടി രൂപ ലഭിച്ച സ്ഥാനത്ത് ഇത്തവണ 36355 കോടി രൂപ കേന്ദ്ര വിഹിതമായി ലഭിക്കും.. മൊത്തം വരുമാനത്തിന്‍റെ 2.382 ശതമാനം കേരളത്തിന് നല്‍കാനാണ് ധനകാര്യ കമ്മീഷന്‍റെ ശുപാര്‍ശ. നേരത്തെ ഇത് 1.925 ശതമാനമായിരുന്നു

ആദ്യ ഭാര്യക്ക് ഡിവോഴ്സ് നോട്ടീസ് അയച്ചു, വീട് വാങ്ങാൻ 35 ലക്ഷത്തിന്റെ സ്വത്തുക്കൾ വിറ്റു, ഫലമുണ്ടായില്ല; പ്രണയിനിയെ വെടിവച്ച് കൊലപ്പെടുത്തി യുവാവ്

February 2, 2026

ഡെഹ്റാഡൂൺ: ഉത്തരാഖണ്ഡിലെ ഋഷികേശിൽ 32 വയസുകാരിയായ യുവതിയെ വെടിവെച്ച് കൊലപ്പെടുത്തിയ സംഭവത്തിൽ ആൺസുഹൃത്ത് അറസ്റ്റിൽ. ശിവാജി നഗറിലെ വാടകവീട്ടിലായിരുന്നു സംഭവം. പ്രീതി റാവത്ത് (32) എന്ന യുവതിയാണ് മരിച്ചത്. സുരേഷ് ഗുപ്ത എന്നയാളാണ് കേസിലെ പ്രതി. എയിംസ് ആശുപത്രിയിൽ അസിസ്റ്റന്റായി ജോലി ചെയ്തു വരികയായിരുന്നു ഇവ‌‍‍ർ. ശനിയാഴ്ച രാത്രി വൈകിയാണ് കൊലപാതകം നടന്നത്. ഇരുവരും മുൻപ് വെവ്വേറെ വിവാഹിതരായിരുന്നു. ആദ്യ ബന്ധം അവസാനിച്ചതിനെത്തുട‌‍ർന്നാണ് ഇവ‌ർ ഒരുമിക്കാൻ തീരുമാനിച്ചിരുന്നത്.

വിവാഹമോചനത്തിന് ശേഷം ഒറ്റയ്ക്കാണ് പ്രീതി ശിവാജി നഗറിൽ താമസിച്ചിരുന്നത്. കുറച്ച് വർഷങ്ങൾക്ക് മുൻപ് ഋഷികേശിൽ വച്ചാണ് പ്രീതി സുരേഷ് ഗുപ്തയുമായി പരിചയപ്പെട്ടത്. പിന്നീട് ഇരുവരും പ്രണയത്തിലായി. പ്രീതിയെ വിവാഹം കഴിക്കുന്നതിനായി സുരേഷ് ഗുപ്ത നാല് മാസം മുൻപ് ഭാര്യയോട് വിവാഹമോചനത്തിന് അപേക്ഷയും നൽകിയിരുന്നു. എന്നാൽ വിവാഹത്തിന് മുൻപ് ഋഷികേശിൽ ഒരു വീട് വാങ്ങണമെന്ന് പ്രീതിയുടെ കുടുംബം ആവശ്യപ്പെട്ടതിനെ തുടർന്ന്, സുരേഷ് ഗുപ്ത ഹരിദ്വാറിലെ ലക്ഷ്സറിൽ ഉണ്ടായിരുന്ന തന്റെ സ്വത്തുക്കൾ മുഴുവൻ 35 ലക്ഷം രൂപയ്ക്ക് വിറ്റതായും പൊലീസ് പറഞ്ഞു. ഇതിന് ശേഷവും ഋഷികേശിൽ അനുയോജ്യമായ വീട് കണ്ടെത്താൻ കഴിയാതിരുന്നത് ഇരുവരും തമ്മിൽ നിരന്തരമായ തർക്കങ്ങൾക്ക് കാരണമായി.

ഭാര്യയുമായി വിവാഹമോചനം ലഭിക്കാത്തതും, എല്ലാ സ്വത്തും വിറ്റിട്ടും വീട് വാങ്ങാൻ കഴിയാത്തതുമൂലം സുരേഷ് ഗുപ്ത മാനസിക സമ്മർദ്ദത്തിലായിരുന്നുവെന്നും, ഇതാണ് പിന്നീട് കൊലപാതകത്തിലേക്ക് നയിച്ചതെന്നുമാണ് പ്രാഥമിക നിഗമനമെന്ന് പൊലീസ് പറയുന്നു. പ്രീതിയുടെ കുടുംബം നൽകിയ പരാതിയുടെ അടിസ്ഥാനത്തിൽ ഋഷികേശ് പൊലീസ് സ്റ്റേഷനിൽ സുരേഷ് ഗുപ്തയ്ക്കെതിരെ കേസെടുത്തു. സംഭവത്തിൽ വിശദമായ അന്വേഷണം നടന്നു വരികയാണ്.

ശബരിമല സ്വർണ്ണക്കൊള്ള, പ്രതികള്‍ പുറത്തു വരാനുള്ള ക്യൂവില്‍

February 2, 2026

കൊല്ലം. ശബരിമല സ്വർണ്ണക്കൊള്ളയിൽ മുൻ എക്സിക്യൂട്ടീവ് ഓഫീസർ ഡി സുധീഷ് കുമാറിന്റെ ജാമ്യ അപേക്ഷയിൽ കൊല്ലം വിജിലൻസ് കോടതി ഇന്ന് വിധി പറയും. ദ്വാരപാലകപ്പാളി,കട്ടിളപ്പാളി കേസുകളിൽ അറസ്റ്റിലായി 90 ദിവസം പിന്നിട്ട സാഹചര്യത്തിൽ സ്വാഭാവിക ജാമ്യം വേണമെന്നാണ് പ്രതിഭാഗത്തിന്റെ ആവശ്യം.

അതേസമയം ശബരിമല സ്വർണ്ണക്കെള്ള കേസിലെ മുഖ്യപ്രതി ഉണ്ണികൃഷ്ണൻ പോറ്റിയുടെ ജാമ്യാപേക്ഷയും ഇന്ന് കോടതിക്ക് മുന്നിൽ വരും. അറസ്റ്റ് ചെയ്ത് 90 ദിവസം പൂർത്തിയായി സാഹചര്യത്തിൽ കട്ടിളപ്പാളി കേസിൽ ജാമ്യം അനുവദിക്കണമെന്നാണ് ആവശ്യം. ഉണ്ണികൃഷ്ണൻ പോറ്റിക്ക് നേരത്തെ ദ്വാരപാലക പാളി കേസുകളിൽ കോടതി ജാമ്യം അനുവദിച്ചിരുന്നു. കട്ടിളപ്പാളി കേസിൽ കൂടി ജാമ്യം ലഭിച്ചാൽ ഉണ്ണികൃഷ്ണൻ പോറ്റി ജയിൽ മോചിതനാകാൻ കഴിയും. കട്ടിള പാളി
കേസിൽ ഇന്ന് തന്ത്രി കണഠരര് രാജിവരും ജാമ്യ അപേക്ഷ സമർപ്പിക്കും. മൂന്നാം തീയതിയാണ് കോടതി ദ്വാരപാലക പാളി കേസിൽ തന്ത്രിയുടെ ജാമ്യ അപേക്ഷ പരിഗണിക്കുക.

സംസ്ഥാനത്തെ സർക്കാർ മെഡിക്കൽ കോളേജ് ഡോക്ടർമാർ അനിശ്ചിതകാല സമരത്തിേലേക്ക്

February 2, 2026

തിരുവനന്തപുരം. വിവിധ ആവശ്യങ്ങൾ ഉന്നയിച്ച് സംസ്ഥാനത്തെ സർക്കാർ മെഡിക്കൽ കോളേജ് ഡോക്ടർമാർ അനിശ്ചിതകാല സമരത്തിേലേക്ക്. ഇന്ന് മുതൽ അനിശ്ചിതകാല OP ബഹിഷ്കരണം ആരംഭിക്കാനാണ് സർക്കാർ മെഡിക്കൽ കോളേജ് ഡോക്ടേഴ്സ് സംഘടനയായ കെജിഎംസിറ്റിഎയുടെ തീരുമാനം.ചട്ടപ്പടി സമരവും നിസ്സഹകരണവും തുടരുന്നതിനോടൊപ്പം അധ്യാപന ബഹിഷ്കരണവും അനിശ്ചിതകാല റിലേ സത്യാഗ്രഹവും നിലവിലുണ്ട്. രാവിലെ മെഡിക്കൽ കോളേജുകളിൽ ധർണ്ണ സംഘടിപ്പിക്കും. സമരം ശക്തമാക്കുന്നതിന്റെ ഭാഗമായി അടുത്ത തിങ്കളാഴ്ച മുതൽ അനിശ്ചിതകാലത്തേക്ക് ശസ്ത്രക്രിയകളും മറ്റു ചികിത്സകളും നിർത്തിവയ്ക്കും.

ഒപ്പം ബുധനാഴ്ച മുതൽ യൂണിവേഴ്സിറ്റി പരീക്ഷാ ജോലികൾ ബഹിഷ്കരിക്കാനുമാണ് തീരുമാനം.അവശ്യ സേവനങ്ങളായ
കാഷ്വാലിറ്റി, ലേബർ റൂം, ICU, IP ചികിത്സ, മറ്റ് അടിയന്തിര ചികിത്സകൾ, അടിയന്തിര ശസ്ത്രക്രിയകൾ, പോസ്റ്റ്‌മോർട്ടം എന്നിവയെ സമരപരിപാടികളിൽ നിന്നും ഒഴിവാക്കിയിട്ടുണ്ട്. രോഗികൾക്ക് ഉണ്ടാകാൻ ഇടയുള്ള ബുദ്ധിമുട്ടുകളിൽ കെജിഎംസിറ്റിഎ ഖേദം പ്രകടിപ്പിച്ചു. സർക്കാർ തീരുമാനമൊന്നും ഉണ്ടാകാത്ത സാഹചര്യത്തിൽ മറ്റു എല്ലാ മാർഗ്ഗങ്ങളും അടഞ്ഞതിനാലാണ് സംഘടന ഈ സമരത്തിലേക്ക് കടക്കേണ്ടിവന്നതെന്നാണ് KGMCTA യുടെ വിശദീകരണം.

വർഗീയ ശക്തികളോട് വിട്ട് വീഴ്ച്ച സ്വീകരിക്കില്ലെന്ന് മുഖ്യമന്ത്രി,നിയമസഭ തെരഞ്ഞെടുപ്പിന് മുന്നോടിയായുള്ള LDF ന്റെ മേഖല ജാഥകൾക്ക്‌ തുടക്കം

February 1, 2026

കാസർഗോഡ്. നിയമസഭ തെരഞ്ഞെടുപ്പിന് മുന്നോടിയായുള്ള LDF ന്റെ മേഖല ജാഥകൾക്ക്‌ തുടക്കം. സിപിഎം സംസ്ഥാന സെക്രട്ടറി എം വി ഗോവിന്ദൻ നയിക്കുന്ന വടക്കൻ മേഖല വികസന മുന്നേറ്റ ജാഥ കാസർഗോഡ് കുമ്പളയിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. മതവികാരം ഇളക്കിവിടാൻ മുസ്ലിം ലീഗ് ശ്രമിക്കുന്നെന്ന് ആരോപിച്ച മുഖ്യമന്ത്രി പ്രതിപക്ഷ സംഘടനകളെ രൂക്ഷമായി വിമർശിച്ചു.

നിയമസഭ തെരഞ്ഞെടുപ്പിന് മുന്നോടിയായുള്ള പ്രചരണം കൊഴുപ്പിക്കുകയാണ് ഇടതുമുന്നണി. കഴിഞ്ഞ പത്ത് വർഷക്കാലത്തെ വികസന നേട്ടങ്ങൾ എണ്ണി പറഞ്ഞാണ് സിപിഐഎം സംസ്ഥാന സെക്രട്ടറി എം വി ഗോവിന്ദൻ നയിക്കുന്ന എൽ ഡി എഫ് വടക്കൻ മേഖല വികസന മുന്നേറ്റ ജാഥയുടെ തുടക്കം. ശബരിമല സ്വർണ്ണക്കൊള്ള ഉൾപ്പെടെയുള്ള വിഷയങ്ങളിൽ സംസ്ഥാന സർക്കാരിനെ രൂക്ഷമായി വിമർശിക്കുന്ന പ്രതിപക്ഷത്തിന് മുസ്ലിം ലീഗ് നേതാവ് കെ എം ഷാജിയുടെ വർഗീയ നിലപാട് ചൂണ്ടി കാണിച്ച് മുഖ്യമന്ത്രിയുടെ മറുപടി.

അധികാരത്തിലെത്താൻ യു ഡി എഫ് സ്വീകരിക്കുന്ന മാർഗങ്ങൾ ജനം വിലയിരുത്തുന്നുണ്ട്. വർഗീയ ശക്തികളോട് വിട്ട് വീഴ്ച്ച സ്വീകരിക്കില്ലെന്നും കാസർഗോഡ് മഞ്ചേശ്വരത്ത് നടന്ന ഉദ്ഘാടന പ്രസംഗത്തിനിടെ മുഖ്യമന്ത്രി പിണറായി വിജയന്റെ മുന്നറിയിപ്പ്.

തദ്ദേശ തെരെഞ്ഞെടുപ്പിൽ നഷ്ടപ്പെട്ട ജനപിന്തുണ തിരിച്ചുപിടിക്കുകയാണ് പ്രചാരണ ജാഥയിലൂടെ LDF പ്രധാനമായും ലക്ഷ്യമിടുന്നത്. ബിനോയ് വിശ്വം നയിക്കുന്ന തെക്കൻ മേഖല ജാഥ ഈ മാസം മൂന്നിനും ജോസ് കെ മാണി നയിക്കുന്ന മധ്യമേഖല ജാഥ ആറിനുമാണ് ആരംഭിക്കുക. ജാഥയിലൂടെ അണികളെ തെരഞ്ഞെടുപ്പ് പ്രവർത്തനങ്ങളിൽ സജ്ജരാക്കാനാകുമെന്നാണ് LDF ന്റെ കണക്കുകൂട്ടൽ

News@Net | www.newsatnet.com

ട്രെയിനില്‍ അപ്പൂപ്പനൊപ്പം ഉറങ്ങി കിടന്ന 6 വയസ്സുകാരിയെ എടുത്തുകൊണ്ടുപോയി ക്രൂരമായി പീഡിപ്പിച്ചയാൾ പിടിയിൽ

പ്രകടനം മാത്രമല്ല,വി ഡി സതീശൻ മുഖ്യമന്ത്രിയാകട്ടെയെന്ന് പ്രാർത്ഥിച്ച് ആലുവ മഹാദേവ ക്ഷേത്രത്തിൽ പൂജകൾ

മുഖ്യൻ ആരായാലും ഐഎഎസ്, ഐപിഎസ് സമഗ്ര അഴിച്ചുപണി ഉറപ്പ്

കെ സി വേണുഗോപാലിനെ എങ്ങനെ തള്ളിക്കളയാൻ പറ്റും? തീക്കൊള്ളികൊണ്ട് തല ചൊറിയരുതെന്ന് രാജ്‌‌മോഹൻ ഉണ്ണിത്താൻ

ജി എസ് ടി റിട്ടേൺ; തീയതി നീട്ടണം -എസ്. എസ്. മനോജ്

പാചക വാതക പ്രതിസന്ധി,ഹോട്ടലുകൾ കൂട്ടത്തോടെ അടച്ചുപൂട്ടി

പ്രീമിയം പെട്രോൾ വില കൂട്ടി; ലിറ്ററിന് വർദ്ധിച്ചത് 2.35 രൂപ വരെ, സാധാരണ പെട്രോൾ…

രണ്ടാം ‘എല്‍ ക്ലാസിക്കോ’യിലും മുംബൈയെ തകർത്ത് ചെന്നൈ

വാങ്കഡെയിൽ സഞ്ജു ‘സൂനാമി’; മുംബൈയ്ക്കെതിരെ ചെന്നൈയ്ക്ക് കൂറ്റൻ സ്കോർ

‘താരങ്ങളുടെ ഭാവിയാണ് പ്രധാനം’; 3 ജില്ലകളുടെ ചുമതലയുള്ള അസി. സ്പോർട്സ് ഓർഗനൈസറായി പി.യു. ചിത്ര

ചെന്നൈ സൂപ്പർ കിങ്സിന് രണ്ടാം തോൽവി

വാട്‌സാപ്പ് വഴി ഇനി മൊബൈല്‍ റീചാര്‍ജ്‌

ഭൂമിയിൽനിന്ന് ഏറ്റവും കൂടുതൽ ദൂരം സഞ്ചരിച്ച മനുഷ്യർ; അപ്പോളോയുടെ റെക്കോർഡ് തിരുത്തി ആർട്ടിമിസ് 2

ആർട്ടെമിസ്: ട്രാൻസ് ലൂണാർ ഇഞ്ചക്ഷൻ പൂർത്തിയാക്കി

ഇന്‍സ്റ്റഗ്രാം എന്‍ഡ്-ടു-എന്‍ഡ് എന്‍ക്രിപ്ഷന്‍ സുരക്ഷാ ഫീച്ചര്‍ നിര്‍ത്തലാക്കാന്‍ മെറ്റ

അരനൂറ്റാണ്ടിനുശേഷം മനുഷ്യൻ വീണ്ടും ചന്ദ്രന്റെ ഭ്രമണപഥത്തിൽ; ആർടെമിസ് 2 വിക്ഷേപണം വിജയകരം

ഇലക്ട്രിക് ത്രീ-വീലര്‍ വിപണി പിടിക്കാന്‍ ഹ്യുണ്ടായിയും ടിവിഎസും

റോയല്‍ എന്‍ഫീല്‍ഡിന്റെ ആദ്യ ഇലക്ട്രിക് മോട്ടോര്‍സൈക്കിള്‍ ഏപ്രില്‍ 10ന് ഇന്ത്യന്‍ വിപണിയില്‍

മാര്‍ച്ച് മാസത്തില്‍ ഇന്ത്യയില്‍ കൂടുതല്‍ വിറ്റ വാഹനം ഇതാണ്…..

ഇലക്ട്രിക് വകഭേദവുമായി കൈനറ്റിക് ഇ.വി വിപണിയില്‍

മൈലേജിനൊപ്പം പത്തുവര്‍ഷം വാറണ്ടിയും: ലിമിറ്റഡ് എഡിഷന്‍ ബൈക്കുമായി ഹോണ്ട ഷൈന്‍

വാഴ-2, മോഹിനിയാട്ടം എന്നീ ചിത്രങ്ങള്‍ ഒടിടിയില്‍

ഗർഭനിരോധന ഗുളികകൾ ഇടയ്ക്കിടെ കഴിക്കാറുണ്ടോ? എങ്കിൽ അറിഞ്ഞിരിക്കൂ

അസിഡിറ്റി നിങ്ങളെ അലട്ടുന്നുണ്ടോ? എങ്കിൽ ശ്രദ്ധിക്കേണ്ടത്

മോഹൻലാൽ ചിത്രം ‘ദൃശ്യം 3’ ലാലിന്റെ പിറന്നാൾ ദിനത്തിൽ തന്നെ എത്തുമെന്ന് അണിയറപ്രവർത്തകർ

സംസ്ഥാന നിയമസഭയിൽ ബജറ്റിൽ മേലുള്ള പൊതു ചർച്ച ഇന്ന് തുടങ്ങും,മാങ്കൂട്ടത്തിലിന്‍റെ ഭാവിയും ഇന്നറിയാം

കേന്ദ്ര ബജറ്റിലെ അവഗണന, ബി ജെ പി യ്ക്കെതിരെ പ്രചാരണ ആയുധമാകും

ശബരിമല സ്വർണ്ണക്കൊള്ള, പ്രതികള്‍ പുറത്തു വരാനുള്ള ക്യൂവില്‍

സംസ്ഥാനത്തെ സർക്കാർ മെഡിക്കൽ കോളേജ് ഡോക്ടർമാർ അനിശ്ചിതകാല സമരത്തിേലേക്ക്