തിരുവനന്തപുരം: നെഹ്റു ട്രോഫി സമ്മാനത്തുകയില്‍ വമ്പന്‍ വര്‍ധന വരുത്തി സര്‍ക്കാര്‍. ഒന്നാം സമ്മാനം നേടുന്ന ചുണ്ടന് സമ്മാന തുക 25 ലക്ഷമായി ഉയര്‍ത്തി. രണ്ടാം സമ്മാനം നേടുന്നവര്‍ക്ക് 20 ലക്ഷം രൂപയും മൂന്നാം സമ്മാനം നേടുന്നവര്‍ക്ക് 15 ലക്ഷം രൂപയായും സമ്മാനത്തുക ഉയര്‍ത്തി. വള്ളംകളിക്കുള്ള സര്‍ക്കാര്‍ ഗ്രാന്‍ഡ് 2 കോടി രൂപയായും ഉയര്‍ത്തി. 5 ലക്ഷം രൂപയായിരുന്നു നിലവില്‍ നെഹ്റു ട്രോഫിയിലെ ഉയര്‍ന്ന സമ്മാനത്തുക. 1952-ല്‍ ഇന്ത്യയുടെ പ്രഥമ പ്രധാനമന്ത്രിയായിരുന്ന ജവഹര്‍ലാല്‍ നെഹ്‌റു ആലപ്പുഴ സന്ദര്‍ശിച്ചതോടുകൂടിയാണ് വള്ളംകളിയുടെ ചരിത്രം ആരംഭിക്കുന്നത്. അദ്ദേഹത്തിന്റെ സന്ദര്‍ശനത്തോടനുബന്ധിച്ച് പുന്നമടക്കായലില്‍ ഒരു വള്ളംകളി മത്സരം സംഘടിപ്പിച്ചു. വള്ളംകളിയിലെ ആവേശത്തിലും തുഴക്കാരുടെ പ്രകടനത്തിലും ആകൃഷ്ടനായ നെഹ്‌റു, ദില്ലിയില്‍ തിരിച്ചെത്തിയ ശേഷം വെള്ളിയില്‍ തീര്‍ത്ത ഒരു ട്രോഫി സമ്മാനമായി അയച്ചുനല്‍കി. ഇതാണ് പിന്നീട് ‘നെഹ്‌റു ട്രോഫി’ എന്ന പേരില്‍ അറിയപ്പെടാന്‍ തുടങ്ങിയത്.

തൃശൂര്‍: ലോകകപ്പ് ഫുട്‌ബോളില്‍ സെമി പോരാട്ടങ്ങള്‍ വ്യക്തമായിരിക്കുകയാണ്. ഇന്ന് നടന്ന അര്‍ജന്റീന-സ്വിസ്സര്‍ലന്‍ഡ് മത്സരം കൂടി കഴിഞ്ഞതോടെ അര്‍ജന്റീനയും സെമിയിലേക്ക് കടക്കുകയായിരുന്നു. ഇതിനിടെ അര്‍ജന്റീന ആരാധകരെ ട്രോളി തൃശൂര്‍ പുത്തൂര്‍ സുവോളജിക്കല്‍ പാര്‍ക്കിന്റെ ഔദ്യോഗിക ഇന്‍സ്റ്റഗ്രാം പോസ്റ്റ് പുറത്തുവന്നു. പാര്‍ക്കിലെ ഒരിനം മൂങ്ങയായ ‘ഫിഷ് ഔളിനെ’ (Fish Owl) പരിചയപ്പെടുത്താന്‍ പങ്കുവെച്ച പോസ്റ്റാണ് ഫുട്‌ബോള്‍ പശ്ചാത്തലമാക്കി ആരാധകരെ ചൊടിപ്പിക്കുന്നതും ചിരിപ്പിക്കുന്നതുമായ ട്രോളായി മാറിയിരിക്കുന്നത്.

Also Read:

ഫുട്‌ബോള്‍ പോസ്റ്റിന് മുകളില്‍ ഇരിക്കുന്ന മൂങ്ങയുടെ ചിത്രത്തിനൊപ്പം പശ്ചാത്തലത്തില്‍ അര്‍ജന്റീനയുടെ പതാകയും ആരാധകരെയുമാണ് നല്‍കിയിരിക്കുന്നത്. ‘മൂങ്ങ ഇതിലും നന്നായി കാണും’ എന്ന ക്യാപ്ഷനോടെയുള്ള പോസ്റ്റര്‍ ഇതിനകം സോഷ്യല്‍ മീഡിയയില്‍ വലിയ ചര്‍ച്ചയായിക്കഴിഞ്ഞു.

‘കണ്ണ് തുറന്ന് കാണേണ്ട കാഴ്ചകളൊന്നും മൂങ്ങകള്‍ മിസ്സ് ചെയ്യാറില്ല..! ഫിഷ് ഔളിനെ (Fish Owl) കാണാന്‍ വരൂ തൃശ്ശൂര്‍ സുയോളജിക്കല്‍ പാര്‍ക്കിലേക്ക്’ എന്ന അടിക്കുറിപ്പോടെയാണ് പാര്‍ക്ക് അധികൃതര്‍ ഈ ചിത്രം പങ്കുവെച്ചിരിക്കുന്നത്. #WorldCup2026, #argentina എന്നീ ഹാഷ്ടാഗുകളും പോസ്റ്റിനൊപ്പം ചേര്‍ത്തിട്ടുണ്ട്. വ്യത്യസ്തമായ ഈ പോസ്റ്റിന് താഴെ നിരവധി ഫുട്‌ബോള്‍ ആരാധകരാണ് കമന്റുകളുമായി രംഗത്തെത്തുന്നത്. ഒരു വിഭാഗം ആരാധകര്‍ അധികൃതരുടെ ഭാവനയെ പുകഴ്ത്തുമ്പോള്‍, പോസ്റ്റിന് താഴെ പ്രതിഷേധവും രസകരമായ മറുപടികളുമായി അര്‍ജന്റീന ആരാധകരും സജീവമാണ്.

അര്‍ജന്റീനക്കെതിരായ വിമര്‍ശനവും പരിഹാസവും ഏറ്റെടുത്ത് കേരള പൊലീസ് പങ്കുവെച്ച ഫേസ്ബുക്ക് പോസ്റ്റ് വിവാദമായിരുന്നു. പോസ്റ്റ് പിന്‍വലിച്ചെങ്കിലും മുഖ്യമന്ത്രിക്കും ഡിജിപിക്കും മുന്നില്‍ പരാതി എത്തുകയും ചെയ്തു. പ്രീക്വാര്‍ട്ടറില്‍ ഈജിപ്ത്- അര്‍ജന്റീന മത്സരത്തിന് പിന്നാലെയാണ് ‘ടീം മെസി’യെ ഫിഫ സഹായിച്ചു എന്ന തരത്തില്‍ ആക്ഷേപം ശക്തമായത്. ആ മത്സരത്തിലെ റഫറിയുടെ ചില തീരുമാനങ്ങള്‍ ഉയര്‍ത്തിക്കാട്ടിയായിരുന്നു ആക്ഷേപം.

ദക്ഷിണേന്ത്യയിലെ രണ്ടാമത്തെ വലിയ സുവോളജിക്കല്‍ പാര്‍ക്ക് എന്ന വിശേഷണമാണ് പുത്തൂരിനുള്ളത്. കഴിഞ്ഞ വര്‍ഷമാണ് പൊതുജനങ്ങള്‍ക്കായി തുറന്നുകൊടുത്തത്.

തലമുറകളെ തന്റെ ശബ്ദ സൗകുമാര്യത്താല്‍ സ്വാധീനിച്ച തെന്നിന്ത്യയുടെ വാനമ്പാടിക്ക് വിട നല്‍കി രാജ്യം. ആറ് പതിറ്റാണ്ടായി സംഗീതലോകത്ത് നിറഞ്ഞുനിന്ന എസ്. ജാനകിയുടെ മൃതദേഹം പൂര്‍ണ ഔദ്യോഗിക ബഹുമതികളോടെ സംസ്‌കരിച്ചു. മൈസൂരുവിലെ കനിയനഗുണ്ഡി ഫാം ഹൗസില്‍ വൈകിട്ട് അഞ്ചോടെയായിരുന്നു സംസ്‌കാരം.
മൈസൂരു മഹാരാജാസ് കോളേജ് ഗ്രൗണ്ടില്‍ രാവിലെ മുതല്‍ മൃതദേഹം പൊതുദര്‍ശനത്തിന് വച്ചിരുന്നു. കലാ, സാംസ്‌കാരിക, രാഷ്ട്രീയ രംഗങ്ങളിലെ പ്രമുഖരടക്കം ആയിരങ്ങളാണ് പ്രിയഗായികയ്ക്ക് അന്ത്യാഞ്ജലി അര്‍പ്പിക്കാനെത്തിയത്. വിവിധ സംസ്ഥാനങ്ങളില്‍നിന്നുള്ള ആരാധകരും സഹപ്രവര്‍ത്തകരും സംഗീതലോകത്തെ പ്രമുഖരും അവസാനമായി ജാനകിയെ കാണാനെത്തി. മൈസൂരുവിലെ സ്വകാര്യ ആശുപത്രിയില്‍ ചികിത്സയിലിരിക്കെ ശനിയാഴ്ചയാണ് എസ് ജാനകി അന്തരിച്ചത്. 88 വയസ്സായിരുന്നു. മലയാളത്തില്‍ മാത്രം 1200ഓളം ഗാനങ്ങള്‍ക്കാണ് ജാനകി ശബ്ദം നല്‍കിയത്.