ന്യൂഡൽഹി: മുഖ്യതെരഞ്ഞെടുപ്പ് കമീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടുള്ള സിജെപി- ഇടതുപക്ഷ പ്രതിഷേധത്തിൽ പങ്കെടുത്തവരെ കസ്റ്റഡിയിലെടുത്ത നടപടിക്കെതിരെ വിദ്യാഭ്യാസ– പരിസ്ഥിതി പ്രവർത്തകൻ സോനം വാങ്ചുക്ക്. കസ്റ്റഡിയിലെടുത്തവരെ ഞായറാഴ്ചയ്ക്കകം വിട്ടയച്ചില്ലെങ്കിൽ താൻ സമരം ആരംഭിക്കുമെന്ന് വാങ്ചുക്ക് പറഞ്ഞു.
സമരക്കാരുടെ മോചനം ആവശ്യപ്പെട്ട് നിരാഹാര സമരമോ പാദയാത്രയോ നടത്തും. ലോകത്തിലെ ഏറ്റവും വലിയ ജനാധിപത്യ രാജ്യം അപ്രഖ്യാപിത അടിയന്തരാവസ്ഥയിലാകുമെന്ന് സ്വപ്നത്തിൽ പോലും കരുതിയിരുന്നില്ലെന്നും വാങ്ചുക്ക് എക്സിൽ പങ്കുവെച്ച വീഡിയോയിൽ പറഞ്ഞു.
