കേന്ദ്ര ലേബർ കോഡുകൾക്കെതിരെ സംയുക്ത തൊഴിലാളി യൂണിയൻ പ്രഖ്യാപിച്ച സമരം തുടങ്ങി. 10 തൊഴിലാളി യൂണിയനുകൾ ചേർന്ന് ലേബർ കോഡിൻ്റെ കോപ്പികൾ കത്തിച്ചാണ് പ്രതിഷേധിക്കുക. ജില്ലാ കേന്ദ്രങ്ങളി ലും പ്രാദേശികമായും തൊഴിലിടങ്ങളിലും കറുത്ത ബാഡ്‌ജ്‌ ധരിച്ച് തൊഴിലാളികൾ പ്രതിഷേധി ക്കും. സർവീസ് സംഘടനകളും പ്രതിഷേധത്തിൽ അണിചേരും.തൊഴിലാളി സംഘടനകളുടെ എതിർപ്പുകൾ അവഗണിച്ചാണ് നവംബർ 21 മുതൽ ലേബർ കോഡ് നടപ്പിലാക്കിയത്.
തൊഴിലാളികളെ പിരിച്ചുവിടാനും സ്ഥാപനങ്ങൾ അടച്ചുപൂട്ടാനും തൊഴിലുടമകൾക്ക് അനുവാദം നൽകുന്നതുൾപ്പെടെ തൊഴിലാളിവിരുദ്ധ നിയമങ്ങളാണ് നാല് ലേബർ കോഡുകളിലായുള്ളതെന്നാണ് ആരോപണം. ദേശീയ തലത്തിൽ ബിഎംഎസ് ഒഴികെ യുള്ള ട്രേഡ് യൂണിയനുകൾ സമരത്തിലുണ്ട്. കർഷകമോർച്ചയും ഒപ്പം ചേരും.
സിഐടിയു, എഐടിയുസി, എച്ച്എംഎസ്, സേവാ, ടിയു സിഐ, എൻടിയുഐ, എൻഎ ൽസി, എച്ച്എംപികെ, കെടിയു സി എം എന്നീ സംഘടനകളാ ണ് യോജിച്ച പ്രക്ഷോഭത്തിലു ള്ളത്. മാധ്യമ മേഖലയിലെ വേജ് ബോർഡ് എടുത്തുകളഞ്ഞതിനെതിരെ കേരള പത്രപ്രവർത്തക യൂണിയനും ലേബർ കോ ഡിനെതിരെ പ്രതിഷേധരംഗത്തുണ്ട്.
