ശാസ്താംകോട്ട: കൊല്ലം ജില്ലാ സഹോദയയുടെ ഖോ-ഖോ ചാമ്പ്യൻഷിപ്പ് ശാസ്താംകോട്ട വിദ്യാരംഭം സെൻട്രൽ സ്കൂളിൽ വെച്ച് നടന്നു. കുന്നത്തൂർ നിയോജക മണ്ഡലം എം.എൽ.എ. ഉല്ലാസ് കോവൂർ ഉദ്ഘാടനം നിർവഹിച്ചു.കൊല്ലം ജില്ല സഹോദയ ട്രഷററും സ്കൂൾ മാനേജറുമായ വിദ്യാരംഭം ജയകുമാർ അധ്യക്ഷത വഹിച്ചു.
പ്രിൻസിപ്പൽ എസ്. മഹേശ്വരി സ്വാഗതം ആശംസിച്ചു.വാർഡ് മെമ്പറും സ്കൂൾ ചെയർ മാനുമായ എ എ റഷീദ് ആശംസ അറിയിച്ചു. വേദിയിൽ വൈസ് പ്രിൻസിപ്പൽ യാസിർ ഖാൻ, കോർഡിനേറ്റർമാരായ ശ്രീലക്ഷ്മി, ഷിംന മുനീർ, സ്റ്റാഫ് സെക്രട്ടറി ആൻസി സാറോ, പി.ടി.എ. സെക്രട്ടറി വിനിത വി. ഒ. എന്നിവർ സന്നിഹിതരായിരുന്നു.
ജില്ലയിലെ വിവിധ സ്കൂളുകളിൽ നിന്നായി അണ്ടർ 14, അണ്ടർ 19 വിഭാഗങ്ങളിൽ നിന്ന് 300-ഓളം മത്സരാർഥികൾ പങ്കെടുത്തു.
പരിപാടികൾക്ക് കായികാധ്യാപകരായ സന്ദീപ് വി. ആചാര്യ, രാം കൃഷ്ണ, പ്രോഗ്രാം കോർഡിനേറ്റർ സാലിം അസീസ് എന്നിവർ നേതൃത്വം നൽകി
