കൊല്ലം.ഒരുകാലത്ത് കൊല്ലം കേഴികേട്ടിരുന്ന കശുവണ്ടി അടക്കമുള്ള വ്യവസായങ്ങള്‍ ഇനി തിരിച്ചുവരുമെന്ന് പ്രതീക്ഷിക്കാനാവില്ലെന്നും പുതിയസാധ്യതകളെ നമ്മള്‍ ഉയര്‍ത്തിക്കൊണ്ടുവരണമെന്നും മന്ത്രി ഷിബു ബേബിജോണ്‍ പറഞ്ഞു. കൊല്ലം ജില്ലാ രൂപീകരണത്തിന്‍റെ 75 ാം വാര്‍ഷികത്തിന്‍റെ ഭാഗമായി സീനിയര്‍ ജേണലിസ്റ്റ് യൂണിയനും കൊല്ലം പ്രസ് ക്ളബും ചേര്‍ന്ന് സംഘടിപ്പിച്ച ‘കൊല്ലം ഇന്നലെ ഇന്ന് നാളെ’ എന്ന സെമിനാര്‍ പരമ്പരയുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.
ടൂറിസത്തിന് ഇത്രയും സാധ്യതയുള്ള ജില്ല വേറെയില്ല, തീരദേശം മുതല്‍ ഹൈലാന്‍ഡ് വരെ സാധ്യതകള്‍ അനേകമാണ്,മന്ത്രി പറഞ്ഞു.
കൊല്ലത്തിന്റെ ഏറ്റവും വലിയമാറ്റം അതിന്‍റെ വ്യവസായ തകര്‍ച്ചയാണെന്ന് പറയേണ്ടിവരുമെന്ന് എന്‍കെ പ്രേമചന്ദ്രന്‍ എംപി മുഖ്യപ്രഭാഷണത്തില്‍ പറഞ്ഞു. വിയറ്റ്നാമില്‍ഒരു ബാഗ് കശുവണ്ടി പ്രോസസിംങിന് ആയിരം രൂപയെങ്കില്‍ നമുക്ക് അത് രണ്ടായിരമാണ്. പശ്ചാത്തല വികസനത്തിന്റെ കാര്യത്തില്‍ നമുക്ക് മുന്നോട്ടുപോകാന്‍ സാധിക്കണമെന്നും ധാതുസമ്പത്തിന്റെ നിക്ഷേപം കാര്യക്ഷമമായി ഉപയോഗിക്കാന്‍ നമുക്ക് ഇതുവരെ കഴിഞ്ഞിട്ടില്ലെന്നും സെമിനാറില്‍ മുഖ്യപ്രഭാഷണം നടത്തിയ എന്‍ കെ പ്രേമചന്ദ്രന്‍ എംപി അഭിപ്രായപ്പെട്ടു. കശുവണ്ടി വ്യവസായം വലിയ വെല്ലുവിളികള്‍ നേരിടുകയാണ്. വ്യവസായത്തെ മുന്നോട്ടുകൊണ്ടുപോകാന്‍ ആവശ്യമായിട്ടുള്ള ഇടപെടല്‍ ഭരണകൂടങ്ങളുടെയും രാഷ്ട്രീയപാര്‍ട്ടികളുടെയും നേതൃത്വത്തിനുണ്ടാകണം. ലോകാത്ഭുതമായി മാറാന്‍ സാധ്യതയുള്ള ജടായു ടൂറിസം പദ്ധതി പൂര്‍ത്തിയാക്കാന്‍ നമുക്ക് ഇന്നേവരെ കഴിഞ്ഞിട്ടില്ല. തീരദേശ, മലയോര, ബാക്ക്‌വാട്ടര്‍ ടൂറിസം ഉള്‍പ്പെടെയുള്ള പദ്ധതിയുടെ പ്രോജക്ട് കേന്ദ്ര മന്ത്രാലയത്തിന് സമര്‍പ്പിച്ചിട്ടുള്ളതായും എംപി വിശദീകരിച്ചു.
ആയൂര്‍വേദ മേഖലയില്‍ ജില്ലയ്ക്ക് വലിയ കുതിച്ചുചാട്ടം നടത്താന്‍ സാധ്യതയുണ്ടെന്ന് ‘പൈതൃക കൊല്ലം’ എന്ന സെമിനാര്‍ ഉദ്ഘാടനം ചെയ്തുകൊണ്ട് ജില്ലാപഞ്ചായത്ത് പ്രസിഡന്റ് ഡോ. ആര്‍ ലതാദേവി അഭിപ്രായപ്പെട്ടു. വാണിജ്യപ്രധാന്യമുള്ള നാടാണ് കൊല്ലം. കശുവണ്ടി വ്യവസായം ഉള്‍പ്പെടെയുള്ള കാര്യങ്ങളില്‍ എല്ലാ രാഷ്ട്രീയ പ്രസ്ഥാനങ്ങളും ഒന്നിട്ടുനിന്ന് പ്രവര്‍ത്തിക്കണമെന്നും അവര്‍ പറഞ്ഞു.
കൊല്ലത്തിന്റെ വികസനം സംബന്ധിച്ച് പഠനങ്ങളും ചര്‍ച്ചകളും നിരവധി നടന്നിട്ടും അവ പ്രാവര്‍ത്തികമാക്കുന്നതില്‍ മുന്നോട്ടുപോകാന്‍ നമുക്ക് കഴിഞ്ഞിട്ടില്ലെന്ന് ചര്‍ച്ചയില്‍ പങ്കെടുത്തുകൊണ്ട് കെഎസ്എഫ്ഇ മുന്‍ ചെയര്‍മാന്‍ കെ വരദരാജന്‍ പറഞ്ഞു. കശുവണ്ടിയുടെ ആഭ്യന്തര ഉപയോഗം വര്‍ധിച്ചിട്ടും ഉല്പാദനവും വിതരണവും കേരളത്തിന് പുറത്തേക്ക് മാറിയിരിക്കുകയാണ്. ഇത്തരം സാഹചര്യത്തില്‍ ഈ മേഖലയില്‍ കാലാനുസൃതമായ മാറ്റം വരുത്തണമെന്നും അദ്ദേഹം അഭിപ്രായപ്പെട്ടു.
മേയര്‍ എ കെ ഹഫീസ് അധ്യക്ഷത വഹിച്ചു. പ്രസ്‌ക്ലബ് പ്രസിഡന്റ് ഡി ജയകൃഷ്ണന്‍, എസ് അശോക്‌കുമാര്‍, കെ രാജന്‍ബാബു എന്നിവര്‍ സംസാരിച്ചു. പ്രസ്‌ക്ലബ് സെക്രട്ടറി സനല്‍ ഡി പ്രേം സ്വാഗതവും സീനിയര്‍ ജേര്‍ണലിസ്റ്റ്സ് യൂണിയന്‍ ജില്ലാ സെക്രട്ടറി പി എസ് സുരേഷ് നന്ദിയും പറഞ്ഞു.
ചര്‍ച്ചയിലെ പ്രധാന വിവരങ്ങള്‍ ചുരുക്കത്തില്‍
ഭൗതിക മാറ്റങ്ങൾ പരിശോധിച്ചാൽ കുഞ്ഞമ്മപ്പാലം റൗണ്ട് ആയതും, അശാസ്ത്രീയമായ നിർമ്മിച്ച രണ്ട് റെയിൽവേ മേൽപ്പാലങ്ങളും മാത്രമാണ് പ്രധാന മാറ്റങ്ങൾ.
എഴുപതുകളിൽ നീണ്ടകര തടിപ്പാലം കോൺക്രീറ്റ് പാലമായി മാറിയതൊഴിച്ചാൽ പറയത്തക്ക ആസൂത്രിത വികസനം ഉണ്ടായിട്ടില്ല.
മാലിന്യ സംസ്‌കരണവും അടിസ്ഥാന സൗകര്യങ്ങളും
മാലിന്യ സംസ്‌കരണ രംഗത്ത് വലിയ പരാജയമാണ് നഗരം നേരിടുന്നത്.
ജില്ലാ ആശുപത്രിയിലെ മാലിന്യങ്ങൾ അഷ്‌ടമുടിക്കായലിലേക്ക്‌ ഒഴുകിയെത്തുന്ന സാഹചര്യം നിലനിൽക്കുന്നു.
സൗന്ദര്യവൽക്കരണം നടത്തിയ ലിങ്ക് റോഡിൽ നിന്നുയരുന്ന ദുർഗന്ധം കാരണം വിനോദസഞ്ചാരികൾക്ക് അവിടേക്ക് വരാൻ കഴിയാത്ത അവസ്ഥയാണ്.
80-കളിൽ സ്‌ഥാപിച്ച സ്വീവേജ് പൈപ്പുകൾ എവിടെയാണെന്ന് പോലും കണ്ടെത്താൻ കഴിയാത്ത വിധം അശാസ്ത്രീയമായാണ് പഴയ സംവിധാനങ്ങൾ നിലനിൽക്കുന്നത്.
കരിമണൽ മേഖലയും മൂല്യവർദ്ധിത ഉത്പന്നങ്ങളും
കരിമണൽ ഖനനവും വേർതിരിവും പൂർണ്ണമായും പൊതുമേഖലയിൽ തന്നെ നിലനിർത്തണം. തീരദേശവാസികളെയും മത്സ്യത്തൊഴിലാളികളെയും ചുഷണം ചെയ്യാൻ അനുവദിക്കരുത്.
ആധുനിക സാങ്കേതികവിദ്യ പ്രയോജനപ്പെടുത്തി മൂല്യവർദ്ധിത ഉത്പന്നങ്ങൾ നിർമ്മിക്കുന്നതിലേക്ക് വ്യവസായത്തെ മാറ്റിയെടുക്കണം.
ഉത്തരവാദിത്ത ടൂറിസം (Responsible Tourism)
ബീച്ച്, കായൽ (ബാക്ക് വാട്ടർ), ഹൈലാൻഡ് (മലയോര മേഖല) എന്നിവ
ബീച്ചുകളിൽ സാഹസിക വാട്ടർ സ്പോർട്‌സ് ആരംഭിക്കണം.
അഷ്ടമുടിക്കായലിലെ തുരുത്തുകളിലും മൺതിട്ടകളിലും കൃത്യമായ ഡ്രഡ്‌ജിംഗ് നടത്തി കായലിന്റെ ആവാസവ്യവസ്‌ഥ സംരക്ഷിക്കണം.
കുളത്തുപ്പുഴ, റോസ്‌മല തുടങ്ങിയ കിഴക്കൻ മലയോര മേഖലകളിൽ വലിയ വിനോദസഞ്ചാര സാധ്യതകളുണ്ട്.
മൂന്നാറിലെപ്പോലെ കോൺക്രീറ്റ് കാടുകൾ നിർമ്മിക്കാതെ, പ്രകൃതിയെ സംരക്ഷിച്ചുകൊണ്ടുള്ള പരിസ്‌ഥിതി സൗഹൃദ ‘ഉത്തരവാദിത്ത ടൂറിസം’ നടപ്പിലാക്കണം.
വർക്കേഷൻ (Workcation), പോഡ് ടൂറിസം (Pod Tourism)
ഐ.ടി ജീവനക്കാർക്കും ‘വർക്ക് ഫ്രം ഹോം’ ചെയ്യുന്നവർക്കും വേണ്ടി പ്രകൃതിരമണീയമായ അന്തരീക്ഷത്തിൽ ഹൈ-സ്‌പീഡ് ഇൻ്റർനെറ്റും കഫേ സൗകര്യങ്ങളും ഒരുക്കുന്ന ‘വർക്കേഷൻ’ പദ്ധതികൾ ഗവിയിലും ചിന്നക്കനാലിലും വനംവകുപ്പ് ആരംഭിച്ചിട്ടുണ്ട്. ഇത് കൊല്ലത്തും നടപ്പിലാക്കാം.
സി.ആർ.സെഡ് (CRZ) നിയമങ്ങൾക്ക് തടസ്സമില്ലാത്ത വിധത്തിൽ നിർമ്മാണങ്ങളില്ലാതെ ചവറ പൊന്മന ബീച്ചിൽ ‘പോഡ് ടൂറിസം’ (Pods) നടപ്പിലാക്കുന്നത് ആലോചനയിലുണ്ട്
കശുവണ്ടി വ്യവസായവും പുനരുദ്ധാരണ ശ്രമങ്ങളും
അഴിമതിയും സാമ്പത്തിക ബാധ്യതയും
കാഷ്യൂ കോർപ്പറേഷനും കാപ്പെക്‌സിനും നിലവിൽ വലിയ ബാധ്യതകളുണ്ട്; കാഷ കോർപ്പറേഷന്റെ സഞ്ചിത നഷ്ട‌ം (Accumulated Loss) ഏകദേശം 2000 കോടി രൂപയാണ്.
മുൻപ് 100 രൂപയുടെ തോട്ടണ്ടി ഇറക്കുമതി ചെയ്‌തു നൽകിയാൽ 20% നഷ്ട്‌ടം അനുവദനീയമായിരുന്നുവെങ്കിൽ പിന്നീട് അത് 50 രൂപ മാത്രം തിരികെ ലഭിക്കുന്ന ദയനീയമായ സാമ്പത്തിക ചോർച്ചയിലേക്ക് പോയി.
വിയറ്റ്നാം പോലുള്ള രാജ്യങ്ങൾ 100% യന്ത്രവൽകൃതമായി കുറഞ്ഞ ചെലവിൽ ഉത്പാദനം നടത്തുമ്പോൾ, നമ്മൾ പരമ്പരാഗത രീതിയിൽ ഉയർന്ന ചിലവിൽ നിൽക്കുന്നത് വിപണിയിൽ കടുത്ത വെല്ലുവിളിയാണ്.
[പുതിയ ഭരണപരിഷ്‌കാരങ്ങൾ
കശുവണ്ടി മേഖലയിലെ പ്രശ്നങ്ങൾ പഠിച്ച് ശാസ്ത്രീയമായി പരിഹരിക്കുന്നതിനായി ശ്രീറാം വെങ്കിട്ടരാമൻ ഐ.എ.എസിന് കാഷ്യൂ ഡെവലപ്‌മെൻ്റ് കോർപ്പറേഷൻ എം.ഡി.യുടെ താൽക്കാലിക ചുമതല നൽകിയിട്ടുണ്ട്.
ഈ മേഖലയെ ഇടനിലക്കാരുടെ ചൂഷണത്തിൽ നിന്ന് മുക്‌തമാക്കി, പരമ്പരാഗത തൊഴിലാളികളുടെ ജീവിത നിലവാരം ഉയർത്തുന്ന തരത്തിലുള്ള മാറ്റങ്ങളാണ് ലക്ഷ്യമിടുന്നത്.
