ശാസ്താംകോട്ട:ക്ഷിര കർഷകരെ സംരക്ഷിക്കുവാനും ഈ മേഖല ഉപേക്ഷിച്ചു പോകുന്ന കർഷകരെ പിടിച്ചു നിർത്തുവാനും മിൽമ പാലിന്റെ വില വർദ്ധിപ്പിക്കുമ്പോഴും,കാലിത്തീറ്റയുടെ ക്രമാതീതമായ വിലവർദ്ധനവ് മൂലം ഈ മേഖല ഇപ്പോഴും പ്രതിസന്ധിയിലാണെന്നും കർഷകർക്ക് ആശ്വാസം ലഭിക്കണമെങ്കിൽ കാലിതീറ്റയ്ക്ക് സബ്സിഡി നൽകണമെന്നും ഡിസിസി പ്രസിഡന്റ പി.രാജേന്ദ പ്രസാദ് ആവശ്യപ്പെട്ടു.
പള്ളിശ്ശേരിക്കൽ കിഴക്ക് 19-ാം വാർഡിൻ സംഘടിപ്പിച്ച ക്ഷീര സംഗമം ഉദ്ഘാടനം ചെയ്തു സംസാരിക്കുകയായിരിന്നു അദ്ദേഹം.ചടങ്ങിൽ ക്ഷീരകർഷകരെ ആദരിച്ചു.ഗ്രാമപഞ്ചായത്തംഗം തുണ്ടിൽ നൗഷാദ് അധ്യക്ഷത വഹിച്ചു.ക്ഷീരസംഘംപ്രസിഡന്റുമാരായ എം.വി ശശികുമാരൻ നായർ,എസ്.സുഭാഷ്,ഷിഹാബ് മുല്ലപ്പള്ളിൽ,വൈ.ഷാജഹാൻ,എം.വൈ നിസാർ,രാഗേഷ് കൃഷ്ണമംഗലം, നാസർഷാ,ബിജുശേഖർ,ലക്ഷമി തുടങ്ങിയവർ സംസാരിച്ചു.
