27.8 C
Kollam
Thursday 19th November, 2026 | 01:04:46 AM
Home News Local പൊതു വിദ്യാലയങ്ങൾക്ക് മാതൃകയായി കുട്ടിക്കുപ്പായം പദ്ധതി ഏറ്റെടുത്ത് ജോൺ എഫ് കെന്നഡി മെമ്മോറിയൽ സ്‌കൂളിലെ കുട്ടികൾ

പൊതു വിദ്യാലയങ്ങൾക്ക് മാതൃകയായി കുട്ടിക്കുപ്പായം പദ്ധതി ഏറ്റെടുത്ത് ജോൺ എഫ് കെന്നഡി മെമ്മോറിയൽ സ്‌കൂളിലെ കുട്ടികൾ

Advertisement

കരുനാഗപ്പള്ളി.കൊല്ലം ജില്ലയിലെ വിവിധ കെയർ ഹോമുകളിൽ ഹോമുകളിൽ കഴിയുന്ന 540 കുട്ടികൾക്കായി വനിത ശിശുക്ഷേമ വകുപ്പ് അവിഷ്കരിച്ച പദ്ധതിയാണ് കുട്ടിക്കുപ്പായം. കുട്ടിക്കുപ്പായം പദ്ധതിയെ കുറിച്ച് അറിഞ്ഞ ജോൺ എഫ് കെന്നഡിയിലെ കുട്ടികൾ അദ്ധ്യാപകരോടൊപ്പം ചേർന്ന് തങ്ങളുടെ സഹോദരങ്ങൾക്ക് പുതുവസ്‌ത്രം നൽകാൻ തീരുമാനിച്ചു . സ്വാതന്ത്ര്യ ദിനാഘോഷങ്ങളോടനുബന്ധിച്ച ചടങ്ങിൽ കുട്ടികൾ ശേഖരിച്ച പുതുവസ്ത്രങ്ങൾ മാനേജർ ഡോ മായാ ശ്രീകുമാറിനും ഹെഡ് മിസ്ട്രസ് മീര സിറിലിനും പി ടി എ പ്രസിഡൻ്റ് താഹിർ മുഹമ്മദിനും കൈമാറിയിരുന്നു.

തിങ്കളാഴ്ച അദ്ധ്യാപകരുടെ നേതൃത്വത്തിൽ കുട്ടികൾ കൊല്ലം കളക്ടറേറ്റ് എത്തി ജില്ലാ കളക്ടർ ആനി ജൂല തോമസ് ഐ.എ. എസിന് കുട്ടി കുപ്പായം കൈമാറി. ഇ മാതൃകാ പ്രവർത്തനം ഏറ്റെടുത്ത പൊതു വിദ്യാലയം എന്ന നിലയിൽ ഏറെ സന്തോഷവും ഇത്തരം പ്രവർത്തനങ്ങളിലൂടെ സാമൂഹിക പ്രതിബദ്ധതയുള്ള മക്കളായി കുട്ടികളെ വളർത്തിയെടുക്കാൻ കഴിയും എന്നും ഇതിന് മുൻ കൈ എടുത്ത കുട്ടികളോടും അദ്ധ്യാപകരോടും മാനേജ് മെൻ്റിനോടും കലക്ടര്‍ നന്ദി പറഞ്ഞു.

സ്‌കൂളിലെ വിവിധ ജനകീയ യൂണിറ്റുകളായ എൻ സി സി, എസ് പി സി , ജെ ആർ സി, സ്‌കൗട്ട് ആൻ്റ് ഗൈഡ്‌സ്, ലിറ്റിൽ കൈറ്റ്സ്, ഹയർ സെക്കൻ്ററി വി എച്ച് എസ് ഇ എൻ എസ് എസിലെയും കുട്ടികളും അദ്ധ്യാപകരും ചേർന്നാണ് പുതു വസ്‌ത്രങ്ങൾ സമാഹരിച്ചത്.അഡ്മിനിസ്ട്രേറ്റർ സിറിൽ എസ് മാത്യു, ഗംഗാറാം കണ്ണമ്പള്ളിൽ, അദ്ധാപകരായ സുധീർ ഗുരുകുലം, സിനോ പി ബാബു, സജിത് പുളിമൂട്ടിൽ,ഗോകുൽ ജയചന്ദ്രൻ , ഷിഹാസ് തേവലക്കര , ശ്രീരാഗ് പതാരം, ഹാഫിസ് , ശ്യാംകുമാർ, അൻസർ,സഹിൽ , കുര്യൻ, കലേഷ്,ഷീജ, ആശ, പ്രീത, ബിന്ദു, ശ്രീജ, കവിത, ലക്ഷ്മി, അനിത തുടങ്ങിയവർ നേതൃത്വം നൽകി