കുന്നത്തൂർ:നിർമ്മാണം നടക്കുന്ന വീട്ടിൽ നിന്നും കാർപ്പെൻ്ററി ജോലിക്കായി ഉപയോഗിക്കുന്ന മെഷീനുകൾ ഉൾപ്പെടെ മോഷ്ടിച്ചതായി പരാതി.കുന്നത്തൂർ കിഴക്ക് തെരിയിൽ സുധീഷ് കുമാറിൻ്റെ വീട്ടിലാണ് മോഷണം നടന്നത്.കഴിഞ്ഞ 28ന് രാത്രിയിലാണ് സംഭവം.
വീടിൻ്റെ കാർപെൻ്ററി വർക്കുകൾ നടത്തുന്ന കരിന്തോട്ടുവ സ്വദേശി സദാശിവൻ ആചാരിയുടെ 5 മെഷീനുകൾ,മറ്റ് കാർപെൻ്ററി ഉപകരണങ്ങൾ എന്നിവയാണ് മോഷണം പോയത്.30000 രൂപയുടെ നഷ്ടമാണ് കണക്കാക്കുന്നത്.അതിനിടെ ശാസ്താംകോട്ട പോലീസിൽ പരാതി നൽകിയെങ്കിലും അന്വേഷണം ഇഴഞ്ഞു നീങ്ങുകയാണെന്ന് ആക്ഷേപമുണ്ട്.
