ഓച്ചിറ: കേന്ദ്രമന്ത്രി നിഥിൻ ജയറാം ഗാഡ്കരി വാഗ്ദാനം നൽകിയ , ഉത്സവ നഗരിയായ ഓച്ചിറയിലെ ഫ്ലൈ ഓവർ എത്രയും പെട്ടെന്ന് സ്ഥാപിക്കണമെന്ന് ആവശ്യപ്പെട്ടുകൊണ്ട് ഓച്ചിറ പില്ലർ എലവേറ്റഡ് ആക്ഷൻ കൗൺസിലിന്റെ നേതൃത്വത്തിൽ പദയാത്രയും പോസ്റ്റ് ഓഫീസ് പടിക്കൽ സഹസ്ര നിവേദനം യജ്ഞവും നടത്തി.
വാഗ്ദാനം പാലിക്കാത്ത പക്ഷം അതിശക്തമായ സമരങ്ങളിലേക്ക് ആക്ഷൻ കൗൺസിൽ കടക്കുമെന്ന് ഉദ്ഘാടനം നിർവഹിച്ചുകൊണ്ട് ചെയർമാൻ മെഹർഖാൻ ചേന്നല്ലൂർ അറിയിച്ചു. സുഭാഷ് ഗുരുനാഥൻ തറയിൽ അധ്യക്ഷനായ യോഗത്തിൽ
അയ്യാണിക്കൽ മജീദ്, ഗീതാ കുമാരി, പ്രവീൺ, സത്താർ ബാബു , കുട്ടൻ മാഷ്, ലത്തീഫ ബീവി, ഇർഷാദ്, റാഫി, സത്താർ, കൃഷ്ണൻകുട്ടി, ഈസ കുട്ടി, ശിഹാബ്, നൂറ്, അനിൽ, സുധീർ എന്നിവർ പങ്കെടുത്തു. ഓച്ചിറ പോസ്റ്റ് മാസ്റ്റർ രഞ്ജൻ സാമുവൽ കത്തുകൾ ഏറ്റുവാങ്ങി.
