കരുനാഗപ്പള്ളി. കൊല്ലം എക്സൈസ് എൻഫോഴ്സ്മെന്റ് ആൻഡ് ആന്റി നാർക്കോട്ടിക് സ്പെഷ്യൽ സ്ക്വാഡിലെ എക്സൈസ് ഇൻസ്പെക്ടർ ദിലീപ് സിപി യുടെ നേതൃത്വത്തിൽ ക്ലാപ്പന വില്ലേജിൽ നടത്തിയ പരിശോധനയിൽ ഗഞ്ചാവും, MDMA ഗുളികയും, MDMA യും കൈവശം വെച്ച കുറ്റത്തിന് ക്ലാപ്പന കോട്ടയ്ക്കപ്പുറം ഷഹനാസ് മൻസിലിൽ ഷെരീഫ് മകൻ നിഷാദ് (25 ) എന്നയാൾക്കെതിരെ കേസ് എടുത്തു. 204 ഗ്രാം കഞ്ചാവും 3.11 ഗ്രാം MDMA യും 5 MDMA ടാബ്‌ലെറ്റുകളും പിടിച്ചെടുത്തു. സാധാ രണ കാണാറുള്ള MDMA യെ കാൾ വീര്യം കൂടിയ ടാബ്ലറ്റ് രൂപത്തിലുള്ള MDMA ഒരെണ്ണം 4000 രൂപയ്ക്കാണ് ഇയാൾ വില്പന നടത്തിയിരുന്നത്.പാർട്ടിയിൽ അസിസ്റ്റന്റ് എക്സൈസ് ഇൻസ്പെക്ടർ(ഗ്രേഡ്) നിർമലൻ തമ്പി പ്രിവന്റീവ് ഓഫീസർ പ്രസാദ് കുമാർ സിവിൽ എക്സൈസ് ഓഫീസർമാരായ അനീഷ് എംആർ, അജിത്ത് ബി എസ്, സൂരജ് പി എസ്, ബാലു എസ് സുന്ദർ, അഭിരാം എച്ച് വനിത സിവിൽ എക്സൈസ് ഓഫീസർ വർഷ വിവേക് എന്നിവർ പങ്കെടുത്തു.
