മലപ്പുറം. തിരൂരങ്ങാടി നഗരസഭയിൽ കൈക്കൂലി വാങ്ങുന്നതിനിടെ ഹെൽത്ത് ഇൻസ്പെക്ടർ വിജിലൻസ് പിടിയിൽ,10,000 രൂപ കൈക്കൂലി വാങ്ങിയ ഹെൽത്ത് ഇൻസ്പെക്ടർ തിരുവനന്തപുരം കാട്ടാക്കട സ്വദേശി ശ്രീജി.എസ് ആണ് അറസ്റ്റിലായത്.
പ്രവാസി വനിത ആരംഭിച്ച പുതിയ ഹോട്ടലിനും ജ്യൂസ് കടയ്ക്കും ലൈസൻസ് അനുവദിക്കുന്നതിനാണ് ഉദ്യോഗസ്ഥൻ പണം ആവശ്യപ്പെട്ടത്. കെ-സ്മാർട്ട് വഴി അപേക്ഷ നൽകിയിട്ടും പേപ്പർ ക്ലിയറല്ലെന്ന് പറഞ്ഞ് മടക്കിയ ശേഷമായിരുന്നു ലൈസൻസിനായി കൈക്കൂലി ആവശ്യപ്പെട്ടത്.
പരപ്പനങ്ങാടിയിലെ താമസസ്ഥലത്ത് വെച്ച് പണം കൈപ്പറ്റുന്നതിനിടെയാണ് വിജിലൻസ് പ്രതിയെ കയ്യോടെ പിടികൂടിയത്.
