കോട്ടയം: എരുമേലി എരുത്വാപ്പുഴ, ചാലക്കുഴിയിൽ രഞ്ജിൻ സി. ജോൺസൺ (41) ദുബായിൽ അന്തരിച്ചു. ഓഫീസിൽ ജോലി ചെയ്തുകൊണ്ടിരിക്കെ പെട്ടെന്നുണ്ടായ ഹൃദയാഘാതത്തെ തുടർന്നായിരുന്നു അന്ത്യം. കഴിഞ്ഞ 10 വർഷമായി യുഎഇയിൽ പ്രവാസിയായ രഞ്ജിൻ ദുബായിലെ ഒരു ഷിപ്പിങ് കമ്പനിയിൽ ജീവനക്കാരനായിരുന്നു.
ദുബായ് സെന്റ് തോമസ് ഓർത്തഡോക്സ് കത്തീഡ്രൽ ഇടവക അംഗവും സജീവ പ്രവർത്തകനുമായ അദ്ദേഹം മികച്ചൊരു ഗായകൻ കൂടിയായിരുന്നു.സി.പി. ജോൺസൺ – ഏലിയാമ്മ ജോൺസൺ ദമ്പതികളുടെ മകനാണ്.ഭാര്യ: റിയ എലിസബത്ത്.മകൾ: ഇവലിന മറിയം രഞ്ജിൻ.സംസ്കാര ചടങ്ങുകൾ:നിയമനടപടികൾക്ക് ശേഷം മൃതദേഹം ഞായറാഴ്ച (12.07.2026) വൈകിട്ട് 5 മണിക്ക് എരുത്വാപ്പുഴയിലുള്ള ഭവനത്തിൽ എത്തിക്കുന്നതാണ്. സംസ്കാര ശുശ്രൂഷകൾ തിങ്കളാഴ്ച (13.07.2026) രാവിലെ 11 മണിക്ക് ഭവനത്തിൽ ആരംഭിച്ച്, തുടർന്ന് 12 മണിക്ക് കനകപ്പലം സെന്റ് ജോർജ് ഓർത്തഡോക്സ് പഴയ പള്ളി സെമിത്തേരിയിൽ നടക്കും.
