വെഞ്ഞാറമൂട്. ബൈക്കിൽ എത്തിയ രണ്ടംഗ സംഘം വീട്ടമ്മയുടെ താലിമാല പൊട്ടിച്ചു കടന്നു കളഞ്ഞു.
പൊയ്കമുക്ക് സ്വദേശിനി പ്രശോഭയുടെ രണ്ടരപ്പവന്റെ താലിമാലയാണ് പൊട്ടിച്ചു കടന്നു കളഞ്ഞത്. ഇന്ന് രാവിലെ 11 മണിയോടുകൂടിയാണ് സംഭവം നടന്നത്.
വെഞ്ഞാറമൂട് ആനകുടി സ്കൂളിൽ റീസർവ്വേ ആവശ്യങ്ങൾക്ക് പോയി തിരികെ വരുകയായിരുന്ന പ്രശോഭയുടെ താലിമാലയാണ് രണ്ടംഗ സംഘം പൊട്ടിച്ചത്.
ആനമുടി പോസ്റ്റോഫീസിന് സമീപം രണ്ടുപേർ ബൈക്കിൽ എത്തുകയും
വെള്ളു മണ്ണടി പോകുന്ന വഴി ചോദിക്കുകയും ചെയ്തു.
വഴി പറഞ്ഞു കൊടുത്തശേഷം മുന്നോട്ട് നടന്ന പ്രശോഭയുടെ പിന്നിലൂടെ ബൈക്കിൽ എത്തിയ സംഘം മാല പൊട്ടിച്ച് കടന്നു കളയുകയായിരുന്നു.
വീട്ടമ്മയുടെ നിലവിളികേട്ട് നാട്ടുകാർ ഓടി കൂടിയെങ്കിലും കള്ളന്മാർ പൊട്ടിച്ച മാല പോക്കറ്റിലിട്ടു പോകുന്നതാണ് കാണാൻ കഴിഞ്ഞത്. ബൈക്കിലെത്തിയ ഇരുവരും ഹെൽമറ്റ് ധരിച്ചിരുന്നു ബൈക്കിന്റെ പിന്നിലത്തെ നമ്പർ ബോർഡ് പൂർണ്ണമായും മറച്ച നിലയിലും ആയിരുന്നു
ഉടൻതന്നെ വെഞ്ഞാറമൂട് പോലീസിൽ വിവരമറിയിക്കുകയും സ്ഥലത്തെത്തിയ വെഞ്ഞാറമൂട് പോലീസ് സമീപത്ത് സിസിടിവി ദൃശ്യങ്ങൾ പരിശോധിക്കുകയും ചെയ്തു
സിസിടിവി ദൃശ്യങ്ങൾപരിശോധിച്ചതിൽ നിന്നും പ്രതികളെ തിരിച്ചറിഞ്ഞിട്ടുണ്ട് എന്നും പ്രതികൾക്കായി അന്വേഷണം ഊർജിതമാക്കി എന്നും പോലീസ് പറഞ്ഞു.
