പ്രഭാത വാർത്തകൾ: 2026 മേയ് 6, ബുധൻ

1201 മേടം 23, മൂലം

---

കേരള മുഖ്യമന്ത്രി പദം: ഹൈക്കമാൻഡ് പ്രതിനിധികൾ നാളെ എത്തും

കേരളത്തിൽ ആരെ മുഖ്യമന്ത്രിയാക്കണമെന്ന ചർച്ചയ്ക്കായി മുതിർന്ന കോൺഗ്രസ് നേതാക്കളായ അജയ് മാക്കനും മുകുൾ വാസ്നിക്കും നാളെ കേരളത്തിലെത്തും. നാളെ നിയമസഭ കക്ഷിയോഗം വിളിച്ചിട്ടുണ്ട്. കെ.സി. വേണുഗോപാൽ, രമേശ് ചെന്നിത്തല, വി.ഡി. സതീശൻ എന്നിവരാണ് മുഖ്യമന്ത്രിസ്ഥാനത്തേക്ക് പരിഗണിക്കപ്പെടുന്നത്. വേണുഗോപാൽ മുഖ്യമന്ത്രിയായാൽ സംസ്ഥാനത്ത് രണ്ട് ഉപതെരഞ്ഞെടുപ്പുകൾ വേണ്ടി വരും.

തമിഴ്‌നാട്ടിൽ വിജയിയുടെ ടിവികെയ്‌ക്ക് കോൺഗ്രസ് പിന്തുണ

തമിഴ്‌നാട്ടിൽ സർക്കാർ രൂപീകരണത്തിന് വിജയിന്റെ ടിവികെയെ പിന്തുണയ്ക്കാൻ കോൺഗ്രസ് തീരുമാനിച്ചു. ബിജെപിയുടേയോ എൻഡിഎ സഖ്യകക്ഷികളുടേയോ പിന്തുണ തേടരുതെന്ന ഉപാധിയോടെയാണിത്. 234 അംഗ സഭയിൽ ഭൂരിപക്ഷത്തിന് 118 പേരുടെ പിന്തുണ വേണം. ടിവികെയ്ക്ക് നിലവിൽ 108 എംഎൽഎമാരുണ്ട്.

തോൽവി സമ്മതിക്കില്ലെന്ന് മമത ബാനർജി; ഇവിഎമ്മിൽ കൃത്രിമമെന്ന് ആരോപണം

ബംഗാളിൽ തോൽവി സമ്മതിക്കില്ലെന്നും രാജിവയ്ക്കില്ലെന്നും മുഖ്യമന്ത്രി മമത ബാനർജി. ഇലക്ഷൻ കമ്മീഷൻ കൃത്രിമം കാണിച്ചുവെന്നും വോട്ടെടുപ്പിന് ശേഷവും ഇവിഎമ്മിൽ 90 ശതമാനം ചാർജ് ബാക്കിയുണ്ടായിരുന്നത് ഇതിന്റെ തെളിവിലാണെന്നും മമത ആരോപിച്ചു.

അഡ്വക്കറ്റ് ജനറലും സംഘവും രാജിവച്ചു

നിയമസഭാ തെരഞ്ഞെടുപ്പ് പരാജയത്തിന് പിന്നാലെ പിണറായി സർക്കാരിലെ പ്രധാന അഭിഭാഷകർ രാജിവച്ചു. അഡ്വക്കറ്റ് ജനറൽ കെ. ഗോപാലകൃഷ്ണ കുറുപ്പ് ഉൾപ്പെടെയുള്ളവർ ചീഫ് സെക്രട്ടറിക്ക് രാജിക്കത്ത് നൽകി. ഇതോടൊപ്പം കിഫ്ബി സിഇഒ കെ.എം ഏബ്രഹാമും സ്ഥാനമൊഴിഞ്ഞു.

രമേശ് ചെന്നിത്തല ഡൽഹിയിലേക്ക്

മഹാരാഷ്ട്രയിലെ ഡിസിസി പുനസംഘടനയുമായി ബന്ധപ്പെട്ട് രമേശ് ചെന്നിത്തല ഇന്ന് ഡൽഹിയിലെത്തും. കേരളത്തിലെ മുഖ്യമന്ത്രി നിർണ്ണയവും യാത്രയിൽ ചർച്ചയാകാൻ സാധ്യതയുണ്ട്.

‘സിഎംഒ മീഡിയ’ ഇനി ‘ഒപ്പോസിഷൻ മീഡിയ’

പിണറായി വിജയന്റെ ഔദ്യോഗിക വാർത്താ വിതരണ വാട്സ്ആപ്പ് ഗ്രൂപ്പിന്റെ പേര് മാറ്റി. ‘സിഎംഒ മീഡിയ’ എന്നത് ‘ഒപ്പോസിഷൻ മീഡിയ’ എന്നാക്കി മാറ്റിയിട്ടുണ്ട്.

കണ്ണൂരിൽ എം.വി ഗോവിന്ദനെതിരെ പോസ്റ്ററുകൾ

സി.പി.എം സംസ്ഥാന സെക്രട്ടറി എം.വി ഗോവിന്ദനും ജില്ലാ സെക്രട്ടറി കെ.കെ രാഗേഷിനുമെതിരെ കണ്ണൂരിൽ പോസ്റ്ററുകൾ പ്രത്യക്ഷപ്പെട്ടു. ‘മൊറാഴ സഖാക്കൾ’ എന്ന പേരിലാണ് നേതൃത്വത്തിനെതിരെ പോസ്റ്ററുകൾ പതിപ്പിച്ചത്.

തിരുത്തിയില്ലെങ്കിൽ കേരളം ബംഗാൾ ആകുമെന്ന് വി. കുഞ്ഞികൃഷ്ണൻ

സിപിഎം തെറ്റുകൾ തിരുത്താൻ തയ്യാറായില്ലെങ്കിൽ പാർട്ടി ഇല്ലാതാകുമെന്ന് വി. കുഞ്ഞികൃഷ്ണൻ പറഞ്ഞു. ജനവിധി താൻ ഉയർത്തിയ നിലപാടുകൾക്ക് ശരിവെക്കുന്നതാണെന്നും അദ്ദേഹം കൂട്ടിചേർത്തു.

ബിജെപി വിജയം സിപിഎമ്മിന്റെ വിദ്വേഷ പ്രചാരണം മൂലം: വെൽഫെയർ പാർട്ടി

സിപിഎം വിദ്വേഷം പരത്തിയത് കൊണ്ടാണ് മൂന്നിടത്ത് ബിജെപി ജയിച്ചതെന്ന് വെൽഫെയർ പാർട്ടി അധ്യക്ഷൻ റസാഖ് പാലേരി ആരോപിച്ചു.

ശക്തിയോടെ തിരിച്ചുവരുമെന്ന് നിഷ ജോസ് കെ മാണി

കേരള കോൺഗ്രസ് എം നേരിട്ട തിരിച്ചടിക്ക് പിന്നാലെ വൈകാരിക കുറിപ്പുമായി നിഷ ജോസ് കെ മാണി. ഭർത്താവിനും പാർട്ടിക്കും ഒപ്പം ഉറച്ചുനിൽക്കുന്നുവെന്ന് അവർ വ്യക്തമാക്കി.

പഴയ കരുത്തിലേക്ക് മടങ്ങണമെന്ന് വി.എ അരുൺകുമാർ

സിപിഎം അഴിമതിക്കും സാധാരണക്കാരന്റെ നീതിക്കും വേണ്ടി പോരാടണമെന്ന് വി.എസ് അച്യുതാനന്ദന്റെ മകൻ വി.എ അരുൺകുമാർ ഫേസ്ബുക്കിൽ കുറിച്ചു.

ജയിക്കുമെന്ന് പറഞ്ഞിട്ടില്ലെന്ന് ഇ.എൻ സുരേഷ് ബാബു

പാലക്കാട് മണ്ഡലത്തിൽ ജയിക്കുമെന്ന് താൻ പറഞ്ഞിട്ടില്ലെന്നും എൽഡിഎഫ് വോട്ടുകളിൽ കുറവുണ്ടായിട്ടുണ്ടെന്നും സിപിഎം ജില്ലാ സെക്രട്ടറി സുരേഷ് ബാബു പറഞ്ഞു.

കേരളത്തിൽ ഇനി രണ്ട് മുന്നണികൾ മാത്രം: സാബു ജേക്കബ്

അടുത്ത തെരഞ്ഞെടുപ്പോടെ കേരളത്തിൽ ഇടത് മുന്നണി ഇല്ലാതാകുമെന്നും എൻഡിഎയും യുഡിഎഫും മാത്രമേ ഉണ്ടാകൂ എന്നും ട്വന്റി ട്വന്റി ചീഫ് കോർഡിനേറ്റർ സാബു ജേക്കബ് പറഞ്ഞു.

മട്ടന്നൂരിലും നേതൃത്വത്തിനെതിരെ ബോർഡുകൾ

മുഖ്യമന്ത്രി പിണറായി വിജയനും എം.വി ഗോവിന്ദനുമെതിരെ മട്ടന്നൂരിലും ബോർഡുകൾ പ്രത്യക്ഷപ്പെട്ടു. പി. ജയരാജനും എം. സ്വരാജും നേതൃത്വത്തിലേക്ക് വരണമെന്നാണ് ആവശ്യം.

ഞങ്ങൾ വിമതരല്ല, കമ്മ്യൂണിസ്റ്റുകൾ: പി.കെ ശശി

താനും ജി സുധാകരനും വിമതരല്ലെന്നും കമ്മ്യൂണിസ്റ്റുകളാണെന്നും പി.കെ ശശി പറഞ്ഞു. യുഡിഎഫിന്റെ വിജയം ദുർഭരണത്തിനെതിരെയുള്ള ജനമുന്നേറ്റമാണെന്നും അദ്ദേഹം കൂട്ടിച്ചേർത്തു.

തോൽവിക്ക് കാരണം മുഖ്യമന്ത്രിയോടുള്ള വിയോജിപ്പ്: കെ.ഇ ഇസ്മയിൽ

സിപിഐ നേതാവ് കെ.ഇ ഇസ്മയിൽ എൽഡിഎഫിന്റെ പരാജയത്തിന് കാരണം പിണറായി വിജയനോടുള്ള വിയോജിപ്പാണെന്ന് തുറന്നടിച്ചു.

ആശാവർക്കർമാരുടെ പ്രതിഷേധം ഫലം കണ്ടു

പിണറായി സർക്കാരിന്റെ തൊഴിലാളി വിരുദ്ധ നിലപാടുകൾക്കുള്ള തിരിച്ചടിയാണ് ഈ പരാജയമെന്ന് കേരള ആശ ഹെൽത്ത് വർക്കേഴ്സ് അസോസിയേഷൻ അറിയിച്ചു.

ബിജെപിയുടെ വോട്ട് കുറഞ്ഞെന്ന് സച്ചിദാനന്ദൻ

കേരളത്തിൽ എൻഡിഎയ്ക്ക് ആറ് ലക്ഷത്തോളം വോട്ട് കുറഞ്ഞതായി കവി സച്ചിദാനന്ദൻ നിരീക്ഷിച്ചു.

പോലീസുകാരുടെ വിജയാഘോഷം വിവാദത്തിൽ

തിരുവനന്തപുരം എ ആർ ക്യാമ്പിൽ യുഡിഎഫ് വിജയം ഒരു വിഭാഗം പൊലീസുകാർ ആഘോഷിച്ചത് വിവാദമായി.

ബെംഗളൂരുവിൽ മലയാളി യുവതി മർദനമേറ്റു മരിച്ചു

മർദനമേറ്റ് ചികിത്സയിലായിരുന്ന വാടാനപ്പള്ളി സ്വദേശിനി മരിച്ചു. ലൈംഗിക അതിക്രമം തടയാൻ ശ്രമിച്ചപ്പോൾ തല ഭിത്തിയിലിടിച്ച് കൊലപ്പെടുത്തിയതാണെന്ന് പോലീസ് പറഞ്ഞു. പ്രതിക്കായി തിരച്ചിൽ തുടരുന്നു.

നെടുംകണ്ടം ഇരട്ടക്കൊലപാതകം: പ്രതി കസ്റ്റഡിയിൽ

അമ്മയെയും സഹോദരനെയും കൊന്ന് കുഴിച്ചുമൂടിയ കേസിലെ പ്രതി സജിയെ പോലീസ് കസ്റ്റഡിയിൽ വാങ്ങി കൂടുതൽ ചോദ്യം ചെയ്യുന്നു.

കണ്ണൂരിൽ സ്ഫോടനവസ്തു പൊട്ടി കുട്ടിക്ക് പരിക്ക്

പൊയിലൂരിൽ സ്ഫോടനവസ്തു പൊട്ടി 13 വയസ്സുകാരന് പരിക്കേറ്റു. കുട്ടിയെ ആശുപത്രിയിൽ പ്രവേശിപ്പിച്ചു.

വിജയ് ടിവികെ നിയമസഭ കക്ഷി നേതാവ്

തമിഴക വെട്രി കഴകം നിയമസഭ കക്ഷി നേതാവായി വിജയിയെ തെരഞ്ഞെടുത്തു. ട്രിച്ചി ഈസ്റ്റ് സീറ്റ് വിജയ് രാജിവെച്ചേക്കുമെന്നും അവിടെ നടി തൃഷ മത്സരിച്ചേക്കുമെന്നും റിപ്പോർട്ടുകളുണ്ട്.

ബംഗാൾ വിജയം: മോദിയെ അഭിനന്ദിച്ച് ട്രംപ്

ബംഗാളിലെ ബിജെപി വിജയത്തിൽ പ്രധാനമന്ത്രി നരേന്ദ്ര മോദിയെ യുഎസ് പ്രസിഡന്റ് ഡൊണാൾഡ് ട്രംപ് അഭിനന്ദിച്ചു.

സുപ്രീംകോടതി ജഡ്ജിമാരുടെ എണ്ണം വർദ്ധിപ്പിക്കുന്നു

സുപ്രീംകോടതി ജഡ്ജിമാരുടെ എണ്ണം 34-ൽ നിന്ന് 38 ആക്കി വർദ്ധിപ്പിക്കാൻ കേന്ദ്ര മന്ത്രിസഭ തീരുമാനിച്ചു.

സിനിമാ നിർമ്മാതാവ് ആർ.ബി ചൗധരി അന്തരിച്ചു

സൂപ്പർ ഗുഡ് ഫിലിംസ് സ്ഥാപകൻ ആർ.ബി ചൗധരി രാജസ്ഥാനിലുണ്ടായ വാഹനാപകടത്തിൽ മരിച്ചു.

ഇൻഡിഗോ വിമാനത്തിൽ പവർ ബാങ്കിന് തീപിടിച്ചു

ഹൈദരാബാദ്-ഛണ്ഡീഗഡ് വിമാനത്തിൽ പവർ ബാങ്ക് കത്തിയതിനെ തുടർന്ന് യാത്രക്കാരെ അടിയന്തരമായി ഒഴിപ്പിച്ചു.

യുപിയിൽ പ്രീ പെയ്ഡ് സ്മാർട്ട് മീറ്ററുകൾ ഒഴിവാക്കി

ജനങ്ങൾക്കുണ്ടായ ബുദ്ധിമുട്ട് പരിഗണിച്ച് ഉത്തർപ്രദേശ് സർക്കാർ പ്രീ പെയ്ഡ് മീറ്ററുകൾ ഒഴിവാക്കി പഴയ പോസ്റ്റ് പെയ്ഡ് സംവിധാനം തിരികെ കൊണ്ടുവന്നു.

ബ്രഹ്‌മോസ് മിസൈൽ കരാറിന് വിയറ്റ്നാം

ഇന്ത്യയിൽ നിന്ന് ബ്രഹ്‌മോസ് മിസൈലുകൾ വാങ്ങാൻ വിയറ്റ്നാം ഒരുങ്ങുന്നു. ആറായിരം കോടി രൂപയുടെ കരാറിനാണ് സാധ്യത.

ഹോർമുസ് കടലിടുക്കിൽ ഇറാന്റെ നിയന്ത്രണം

ഹോർമുസ് കടലിടുക്ക് വഴി പോകുന്ന കപ്പലുകൾക്ക് തങ്ങളുടെ അനുമതി നിർബന്ധമാണെന്ന് ഇറാൻ വ്യക്തമാക്കി.

ഐപിഎൽ: ചെന്നൈ സൂപ്പർ കിംഗ്സിന് ജയം

ഡൽഹി ക്യാപിറ്റൽസിനെ എട്ട് വിക്കറ്റിന് തകർത്ത് ചെന്നൈ വിജയിച്ചു. സഞ്ജു സാംസൺ (87), കാർത്തിക് ശർമ (41) എന്നിവർ തിളങ്ങി.

പോസ്റ്റ് ഓഫീസ് ഇടപാടുകൾക്ക് പാൻ കാർഡ് നിർബന്ധം

2026-ലെ ഇൻകം ടാക്സ് ചട്ടങ്ങൾ പ്രകാരം പോസ്റ്റ് ഓഫീസിലെ പ്രധാന ഇടപാടുകൾക്കെല്ലാം പാൻ കാർഡ് നിർബന്ധമാക്കി.

വാട്സ്ആപ്പിൽ ഇനി മെസേജുകൾ എളുപ്പത്തിൽ കണ്ടെത്താം

‘കസ്റ്റംസ് വാട്സ്ആപ്പ്’ എന്ന പുതിയ ഫീച്ചറിലൂടെ ചാറ്റുകൾ ലിസ്റ്റുകളായി തരംതിരിക്കാം.

സിനിമാ വാർത്തകൾ

• വിഷ്ണു ഉണ്ണികൃഷ്ണൻ നായകനാകുന്ന ‘റിവോൾവർ റിങ്കോ’ മെയ് എട്ടിന് റിലീസ് ചെയ്യും.
• ജോജു ജോർജ്-ഷാജി കൈലാസ് ചിത്രം ‘വരവ്’ ജൂൺ 12-ന് തിയേറ്ററുകളിലെത്തും.

ഹ്യുണ്ടായി വാഹനങ്ങൾക്ക് വൻ കിഴിവ്

വെർണ, എക്സ്റ്റർ, ഓറ മോഡലുകൾക്ക് മെയ് മാസത്തിൽ 55,000 രൂപ വരെ കിഴിവ് ഹ്യുണ്ടായി വാഗ്ദാനം ചെയ്യുന്നു.

ഇന്ദ്രൻസിന്റെ ആത്മകഥ ‘ഇന്ദ്രധനുസ്സ്’

നടൻ ഇന്ദ്രൻസ് തന്റെ ആത്മകഥ തിരുവനന്തപുരം ഭാഷയിൽ (വാമൊഴിയിൽ) എഴുതി പ്രസിദ്ധീകരിച്ചു. മാതൃഭൂമിയാണ് പ്രസാധകർ.

അച്ചാറുകളുടെ അമിത ഉപയോഗം ആരോഗ്യത്തിന് ഹാനികരം

അച്ചാറുകൾ അമിതമായി കഴിക്കുന്നത് രക്തസമ്മർദ്ദം വർദ്ധിപ്പിക്കാനും വൃക്കകളെ ബാധിക്കാനും കാരണമാകുമെന്ന് ആരോഗ്യവിദഗ്ധർ മുന്നറിയിപ്പ് നൽകുന്നു.