ശൂരനാട്. ഗുരുതരമായ കരൾ രോഗം ബാധിച്ച് കോഴിക്കോട് മിംസ് ഹോസ്പിറ്റലിൽ ചികിത്സയിൽ കഴിയുന്ന ഷാജഹാൻ, ഫാൻകോണി അനീമിയരോഗം ബാധിച്ച കാശിനാഥ്‌, എന്നിവർക്ക് തെങ്ങുംവിള ചാരിറ്റബിൾ സൊസൈറ്റി ചികിത്സസഹായം കൈമാറി. തെങ്ങുംവിള ചാരിറ്റബിൾ സൊസൈറ്റിയുടെ ഓഫീസിൽ നടന്ന ചടങ്ങിൽ നാസർ പോച്ചയിൽ ചികിത്സ ധനസഹായം കൈമാറി ഉദ്ഘാടനം ചെയ്തു.

ചടങ്ങിൽസൊസൈറ്റി പ്രസിഡന്റ്‌ ഹനീഫ ഇഞ്ചവിള അധ്യക്ഷത വഹിച്ചു.
സെക്രട്ടറി റനീഷ്. എസ്,സജീർ, PK സൈനുദ്ധീൻ,
റംഷാദ്ബി തെങ്ങുംവിള , റിയാസ് അപ്പു, അലി അക്ബർ, ബദർ, അസീസ്കുട്ടി,തെങ്ങുംവിളചാരിറ്റി സൊസൈറ്റി അംഗങ്ങളായ ഷിബു അസീസ്, ഷൈജു, നാസർ, ഷിബു, അൻഷാദ്,എന്നിവർ പങ്കെടുത്തു. ട്രഷറര്‍ തങ്ങൾ കുഞ്ഞ് കൃതജ്ഞത രേഖപ്പെടുത്തി.

ശാസ്താംകോട്ട : മൈനാഗപ്പള്ളിയിലെ ആദ്യകാല കമ്മ്യൂണിസ്റ്റ് പാർടി പ്രവർത്തകനും, പിന്നീട് CPIM നേതാവുമായിരുന്ന കെ . ശ്രീധരൻ്റെ അനുസ്മരണ ദിനത്തോടനുബന്ധിച്ച് പഞ്ചായത്തിലെ മികച്ച സ്കൂൾ വിദ്യാർത്ഥികൾക്കായി സംഘടിപ്പിച്ച മികവുത്സവം ചിത്തിര വിലാസം UPS ൽ നടന്നു. അക്കാഡമിക്‌സമിതി ചെയർമാൻ ഡി പ്രസന്നകുമാർ അദ്ധ്യക്ഷനായി. പ്രശസ്ത സിനിമാ സംവിധായകനും കവിയുമായ ജയേഷ് മൈനാഗപ്പള്ളി ഉദ്ഘാടനം നിർവ്വഹിച്ചു. കൺവീനർ കെ. രാജീവ്, സഖാവ് കെ ശ്രീധരൻ ഗ്രന്ഥശാല പ്രസിഡൻ്റ് പി.കൃഷ്ണൻകുട്ടിപിള്ള , സെക്രട്ടറി എം.സതീശൻ , കെ രാധാകൃഷ്ണൻ എന്നിവർ പ്രസംഗിച്ചു. പ്രമുഖ പ്രഭാഷകൻ പി കെ അനിൽകുമാർ, പ്രശസ്ത കവി പി. ശിവപ്രസാദ് എന്നിവർ പങ്കെടുത്തു
ക്ലാസ് മുറികളിൽ ഡോ: KG അഭിലാഷ് കുമാർ
KP അജിത്ത്, എം.സതീശൻ , ആർ ബീന , RP. സുഷമ , ബിന്ദു ജയകുമാർ, എന്നിവർ മികവുത്സവത്തിന് നേതൃത്വം നൽകി. പഞ്ചായത്തിലെ പൊതു വിദ്യാലയങ്ങളിലെ തെരഞ്ഞെടുക്കപ്പെട്ട കുട്ടികളാണ് മികവുത്സവത്തിൽ പങ്കാളികളായത് .
എൽ പി, യുപി, എച്ച് എസ് വിഭാഗങ്ങളിലെ മികച്ച വിദ്യാർത്ഥികളായി തെരഞ്ഞെടുക്കപ്പെട്ടവർക്ക് അനുസമരണ ദിനമായ സെപ്തംബർ 30 ന് നടക്കുന്ന സമ്മേളനത്തിൽ വെച്ച് എൻഡോവ്മെൻ്റുകൾ വിതരണം ചെയ്യുമെന്ന് അക്കാഡമിക് സമിതി കൺവീനർ കെ. രാജീവ് അറിയിച്ചു

ശാസ്താംകോട്ട:തിരുവിതാംകൂർ ദേവസ്വം ബോർഡിൻ്റെ നിയന്ത്രണത്തിലുള്ള ശാസ്താംകോട്ട ശ്രീധർമ്മശാസ്താ ക്ഷേത്രത്തിന്റെ ക്ഷേത്രഭൂമി കയ്യേറാൻ ശ്രമിച്ച സംഭവത്തിൽ ഒരാൾ അറസ്റ്റിൽ.ശാസ്‌താംകോട്ടയിലെ വ്യാപാരിയായ മനക്കര കോളാട്ടു വീട്ടിൽ അലക്സാണ്ടർ ആണ് അറസ്റ്റിലായത്.ഇയ്യാൾക്കെതിരെ ജാമ്യമില്ലാ വകുപ്പ് പ്രകാരമാണ് പോലീസ് കേസ് എടുത്തത്.കയ്യേറ്റത്തിന് ഉപയോഗിച്ച മണ്ണുമാന്തി യന്ത്രവും പോലീസ് കസ്റ്റഡിയിലെടുത്തു.

ഞായറാഴ്ച രാവിലെ 7.30 ഓടെ കോടതിക്ക് സമീപമുള്ള ക്ഷേത്രഭൂമി കയ്യേറുകയായിരുന്നു.മണ്ണുമാന്തി യന്ത്രം ഉപയോഗിച്ച് ക്ഷേത്രഭൂമിയുടെ അതിര് തകർത്ത ശേഷം അലക്സാണ്ടറിൻ്റെ ഉടമസ്ഥതയിലുള്ള ഭൂമിയോട് കൂട്ടിച്ചേർക്കുകയായിരുന്നു ലക്ഷ്യം.മണ്ണ് ഇടിക്കുന്നത് അറിഞ്ഞ് ക്ഷേത്ര ഉപദേശക സമിതിയുടെ നേതൃത്വത്തിൽ നൂറോളം ഭക്തർ സംഭവസ്ഥലത്ത് തടിച്ചു കൂടി പ്രതിഷേധിച്ചതിനെ തുടർന്നാണ് ശാസ്താംകോട്ട പോലീസ് സംഭവസ്ഥലത്ത് എത്തിയത്.തുടർന്ന്
മണ്ണ് കുത്താൻ ഉപയോഗിച്ച ജെസിബിയും, അലക്സിനെയും കസ്റ്റഡിയിലെടുത്തു.ദേവസ്വം സബ് ഗ്രൂപ്പ് ഓഫീസറുടെ പരാതിയിൽ അലക്സിനെ ഒന്നാം പ്രതിയാക്കി ജാമ്യമില്ല വകുപ്പ് പ്രകാരം കേസടുക്കുകയായിരുന്നു.

ഇയാൾക്കെതിരെ ശക്തമായ നടപടി സ്വീകരിച്ച് ദേവസ്വം ഭൂമി അതിര് തിരിച്ചു തന്നില്ല എങ്കിൽ ശക്തമായ പ്രക്ഷോഭമായി മുന്നോട്ടു പോകുമെന്ന് ക്ഷേത്ര ഉപദേശക സമിതി പ്രസിഡന്റ് കെ.പി അജിതകുമാർ,സെക്രട്ടറി കേരള ശശികുമാർ എന്നിവർ പറഞ്ഞു.രണ്ടു ദിവസത്തെ അവധിയുടെ മറവിലാണ് നിയമലംഘനത്തിന് മുതിർന്നതെന്നാണ് വിവരം. മുമ്പും ഇയാളും സംഘവും ഇത്തരത്തില്‍ ഭൂമി കയ്യേറിയിട്ടുണ്ട്. നിയമത്തിന്‍റെ പഴുതുകള്‍ ഉപയോഗിച്ച് സഹായം ചെയ്തുകൊടുക്കുന്ന ഒരു സംഘം ഉദ്യോഗസ്ഥരും ഈ കയ്യേറ്റത്തിന് പിന്നിലുണ്ട്. എണ്‍പതുകളില്‍ ഒരു സ്വകാര്യഭൂമിപോലുമില്ലാതിരുന്ന മേഖലയില്‍ പട്ടയങ്ങളുടെ മറവില്‍ നിരവധികയ്യേറ്റങ്ങളാണ് നടന്നത്.

അതിനിടെ ദേവസ്വം വസ്തു അളന്നു തിട്ടപ്പെടുത്തണമെന്ന് ആവശ്യപ്പെട്ട് കേരള ഹൈക്കോടതിയിൽ കേസ് നിലനിൽക്കുന്നതും,ദേവസ്വം ഓംബുഡ്സ്മാന്റെ നിർദ്ദേശപ്രകാരം ബോർഡിന്റെയും ശാസ്താംകോട്ട താലൂക്ക് ഓഫീസറുടെയും നേതൃത്വത്തിൽ ജോയിന്റ് സർവ്വേ നടത്തുന്നതിന് മുമ്പായിട്ടാണ് അലക്സാണ്ടർ ഇത്തരത്തിൽ കയ്യെറ്റത്തിന് ശ്രമം നടത്തിയതെന്നും ആക്ഷേപമുണ്ട്