സോഷ്യൽ മീഡിയ കണ്ടന്റ് ക്രിയേറ്റേഴ്സായ ഹാഷിറേ ഗ്യാങ്ങിനെ പ്രധാന കഥാപാത്രങ്ങളാക്കി സവിൻ എസ് എ സംവിധാനം ചെയ്ത വാഴ 2 ബോക്സ് ഓഫീസിൽ വൻ നേട്ടം ആണ് നേടിയത്. വിപിൻ ദാസ് രചനയും നിർമാണവും നിർവഹിച്ച ചിത്രം 200 കോടിക്ക് മുകളിൽ ആണ് ആഗോള തലത്തിൽ നിന്ന് വാരിക്കൂട്ടിയത്. മോഹൻലാലിന്റെ തുടരും കേരളത്തില് നിന്ന് നേടിയ ലൈഫ്ടൈം കളക്ഷനായ 118.90 കോടി രൂപയെ അടക്കം വാഴ 2 മറികടന്നിരുന്നു. വാഴ 2 90 കളിൽ ആണ് പുറത്തിറങ്ങിയിരുന്നതെങ്കിൽ ആരൊക്കെ ആകുമായിരുന്നു കാസ്റ്റ്?. ഇത്തരത്തിൽ ഒരു എഐ വീഡിയോ ആണ് വൈറലാകുന്നത്.
മമ്മൂട്ടി, മോഹൻലാൽ, മുകേഷ്, ശ്രീനിവാസൻ, റഹ്മാൻ, ബാബു ആന്റണി, ശോഭന, നെടുമുടി വേണു, തിലകൻ ഇങ്ങനെ പോകുന്നു വാഴ 2 വിന്റെ 90s എഡിഷൻ കാസ്റ്റിംഗ്. മികച്ച പ്രതികരണം ആണ് ഈ എഐ വീഡിയോയ്ക്ക് ലഭിക്കുന്നത്. ഈ കാസ്റ്റിൽ ഒരു പടം 90 കളിൽ വന്നിരുന്നെങ്കിൽ അടിപൊളി ആയേനെ എന്നാണ് കമന്റുകൾ. കൂട്ടുകാരൻ റോളിൽ ബാബു ആന്റണി കലക്കുമെന്നും കമന്റുകൾ ഉണ്ട്. അശ്വതി അച്ചു എഐ എന്ന ഇൻസ്റ്റഗ്രാം പേജിലാണ് ഈ എഐ വീഡിയോ പുറത്തുവന്നത്. നിമിഷനേരം കൊണ്ടാണ് ഈ വീഡിയോ വൈറലായത്. മെയ് എട്ട് മുതൽ വാഴ 2 സ്ട്രീമിങ് ആരംഭിക്കും. ജിയോ ഹോട്ട്സ്റ്റാറിലൂടെയാണ് സിനിമ സ്ട്രീം ചെയ്യാൻ ഒരുകുന്നത്. തിയേറ്ററിലെ വിജയം സിനിമയ്ക്ക് ഒടിടിയിലും ആവർത്തിക്കാനാകുമോ എന്നാണ് ഏവരും ഉറ്റുനോക്കുന്നത്. ചിത്രത്തിന് ആദ്യ ദിവസം മുതൽ മികച്ച പ്രതികരണമാണ് ലഭിച്ചത്.
