തിരുവനന്തപുരം:
സ്റ്റുഡന്റസ് നഴ്സിംഗ് അസോസിയേഷൻ സൗത്ത് സോണിന്റെ ആഭിമുഖ്യത്തിൽ നടന്ന ധ്വനിക-2K26 കലാ സാഹിത്യ മേളയിൽ കിംസ് കോളേജ് ഓഫ് നഴ്സിംഗ് ചാമ്പ്യൻമാരായി. സൗത്ത് സോണിലെ 32-ലധികം നഴ്സിംഗ് വിദ്യാഭ്യാസ സ്ഥാപനങ്ങളിൽ നിന്നായി രണ്ടായിരത്തിലധികം വിദ്യാർത്ഥികൾ കലാ-സാഹിത്യ മത്സരങ്ങളിൽ പങ്കെടുത്തു.
കലാ-സാഹിത്യ മത്സരങ്ങളിൽ 74 പോയിന്റോടെ കിംസ് കോളേജ് ഓഫ് നഴ്സിംഗ്, തിരുവനന്തപുരം ഓവറോൾ കിരീടം സ്വന്തമാക്കി. തുടർച്ചയായ അഞ്ചാം തവണയാണ് കിംസ് കോളേജ് ഈ നേട്ടം കൈവരിക്കുന്നത്. 71 പോയിന്റോടെ തിരുവനന്തപുരം ഗവൺമെന്റ് നഴ്സിംഗ് കോളേജ് രണ്ടാം സ്ഥാനവും 39 പോയിന്റോടെ കോ-ഓപ്പറേറ്റീവ് കോളേജ് ഓഫ് നഴ്സിംഗ് മൂന്നാം സ്ഥാനവും കരസ്ഥമാക്കി.
