ദക്ഷിണകൊറിയയെ കീഴടക്കി ജൂനിയര്‍ പെണ്‍കുട്ടികളുടെ ഏഷ്യാകപ്പ് ഹോക്കിയില്‍ ഇന്ത്യ ഫൈനലില്‍. ദക്ഷിണകൊറിയയെ 3-1ന് ആണ് ഇന്ത്യ കീഴടക്കിയത്. സുപ്രിയ ഹാട്രിക് പ്രകടനമാണ് ഇന്ത്യയ്ക്ക് കരുത്തായത്. മധു സിദാര്‍, സുഖ്വീര്‍ കൗര്‍ എന്നിര്‍ ഓരോ ഗോളും നേടി. ചൈനയും ജപ്പാനും തമ്മിലുള്ള രണ്ടാം സെമിഫൈനലിലെ വിജയികളെ ഇന്ത്യ ഫൈനലില്‍ നേരിടും. തുടര്‍ച്ചയായ മൂന്നാം കിരീടമാണ് ഇന്ത്യയുടെ ലക്ഷ്യം.
ആദ്യ ക്വാര്‍ട്ടറില്‍ 13-ാം മിനിറ്റില്‍ മധു സിദാറിലൂടെ ഇന്ത്യ ലീഡ് നേടി തുറന്നു. തുടര്‍ന്ന് 17-ാം മിനിറ്റില്‍ സുപ്രിയ ഇന്ത്യയുടെ ലീഡ് ഇരട്ടിയാക്കി. തുടര്‍ന്ന് 33, 56 മിനിറ്റുകളില്‍ കൂടി ഗോള്‍ നേടിയ സുപ്രിയ ഹാട്രിക് പൂര്‍ത്തിയാക്കി. 21-ാം മിനിറ്റില്‍ സുഖ്വീര്‍ കൗര്‍ ഇന്ത്യയ്ക്കായി ഗോള്‍ നേടിയപ്പോള്‍ 41-ാം മിനിറ്റില്‍ ജിയോങ് യൂറിയിലൂടെ ദക്ഷിണ കൊറിയ ആശ്വാസ ഗോള്‍ മടക്കി.
ജൂനിയര്‍ ആണ്‍കുട്ടികളുടെ ഏഷ്യാകപ്പ് ഹോക്കിയിലും ഇന്ത്യ ഫൈനലില്‍ കടന്നിരുന്നു. മലേഷ്യയെ 31ന് കീഴടക്കി. ക്യാപ്റ്റന്‍ അന്‍മോല്‍ എക്ക രണ്ട് ഗോളടിച്ചു. സുഖ്വീന്ദര്‍ പട്ടിക പൂര്‍ത്തിയാക്കി.