ശാസ്താംകോട്ട. ബ്ലോക്ക് പഞ്ചായത്തിന്റെ പരിധിയിൽ വരുന്ന സർക്കാർ സ്കൂളുകളിലെ സഹായം ആവശ്യമുള്ള വിദ്യാർത്ഥികൾക്ക് സമ്മാനിക്കാന് ശാസ്താംകോട്ട രാജഗിരി ബ്രൂക്ക് ഇന്റർനാഷണൽ സ്കൂളിൽ പുസ്തക ശേഖരണം നടത്തി.
സ്കൂൾ ഡയറക്ടർ ഫാദർ ഡോ. ജി.ഏബ്രഹാം തലോത്തിൽ നേതൃത്വം നൽകിയ ഈ പ്രവർത്തനത്തിലൂടെ പങ്കുവയ്ക്കലിന്റെ മഹത്വം കുട്ടികളിലേക്ക് പകർന്നുനൽകാൻ സാധിച്ചു. ശേഖരിച്ച പുസ്തകങ്ങൾ ബ്ലോക്ക് പഞ്ചായത്ത് പ്രതിനിധികളും സ്റ്റാൻഡിങ് കമ്മിറ്റി അംഗങ്ങളും ചേർന്ന് ഏറ്റുവാങ്ങി. സ്കൂൾ പ്രിൻസിപ്പൽ ബോണിഫേഷ്യ , സ്കൂൾ കോഡിനേറ്റർ കൊച്ചുമോൾ സാമുവൽ, ജോജി ടി കോശി, വൈസ് പ്രിൻസിപ്പൽ മാരായ ടെസ്സി, ബിജിലി സഖ്യം കോഡിനേറ്റർ സുനി ജോസഫ് , രജനി എസ് ബി, കൃഷ്ണപ്രിയഎന്നിവരും ചടങ്ങിൽപങ്കെടുത്തു
