ന്യൂഡല്ഹി: കേരളത്തില് 11 ദിവസം ബാങ്കുകള് പ്രവര്ത്തിക്കില്ല. റിസര്വ് ബാങ്ക് ഓഫ് ഇന്ത്യ (ആര്ബിഐ) പുറത്തിറക്കിയ അവധിക്കലണ്ടര് പ്രകാരം രാജ്യത്ത് ഓഗസ്റ്റില് വിവിധ സംസ്ഥാനങ്ങളിലായി മൊത്തം 14 ദിവസമാണ് ബാങ്കുകള് പ്രവര്ത്തിക്കാത്തത്. പ്രാദേശിക, ദേശീയ അവധികള്ക്ക് പുറമേ എല്ലാ ഞായറാഴ്ചകളും രണ്ടാമത്തെയും നാലാമത്തെയും ശനിയാഴ്ചകളും ഇതില് ഉള്പ്പെടുന്നു.
സംസ്ഥാനങ്ങള്ക്കനുസരിച്ച് ബാങ്ക് അവധികളില് വ്യത്യാസമുണ്ടാകും. കേരളത്തില് ഓഗസ്റ്റില് ആകെ 11 ദിവസമാണ് ബാങ്കുകള്ക്ക് അവധി. ഞായറാഴ്ചകള്, രണ്ടാമത്തെയും നാലാമത്തെയും ശനിയാഴ്ചകള്, സ്വാതന്ത്ര്യദിനം, ഒന്നാം ഓണം, തിരുവോണം, ശ്രീനാരായണ ഗുരു ജയന്തി എന്നിവയാണ് കേരളത്തിലെ പ്രധാന അവധി ദിനങ്ങള്.
അവധി ദിവസങ്ങളിലും ഇന്റര്നെറ്റ് ബാങ്കിങ്, മൊബൈല് ബാങ്കിങ്, എടിഎം സേവനങ്ങള് എന്നിവ സാധാരണപോലെ ലഭ്യമാകുന്നതിനാല് ഉപഭോക്താക്കള്ക്ക് ഓണ്ലൈന് ഇടപാടുകള് നടത്താന് തടസ്സമുണ്ടാകില്ല.
ഓഗസ്റ്റിലെ പ്രധാന ബാങ്ക് അവധികള്
ഓഗസ്റ്റ് 2 – ഞായറാഴ്ച
ഓഗസ്റ്റ് 4 – ത്രിപുരയില് പ്രാദേശിക അവധി
ഓഗസ്റ്റ് 8 – രണ്ടാം ശനിയാഴ്ച
ഓഗസ്റ്റ് 9 – ഞായറാഴ്ച
ഓഗസ്റ്റ് 13 – മണിപ്പൂരില് പ്രാദേശിക അവധി
ഓഗസ്റ്റ് 15 – സ്വാതന്ത്ര്യദിനം (രാജ്യവ്യാപക അവധി)
ഓഗസ്റ്റ് 16 – ഞായറാഴ്ച
ഓഗസ്റ്റ് 19 – ത്രിപുരയില് പ്രാദേശിക അവധി
ഓഗസ്റ്റ് 22 – നാലാം ശനിയാഴ്ച
ഓഗസ്റ്റ് 23 – ഞായറാഴ്ച
ഓഗസ്റ്റ് 25 – ഒന്നാം ഓണം (കേരളം)
ഓഗസ്റ്റ് 26 – തിരുവോണം (കേരളം)
ഓഗസ്റ്റ് 28 – ശ്രീനാരായണ ഗുരു ജയന്തി (കേരളം)
ഓഗസ്റ്റ് 30 – ഞായറാഴ്ച
ബാങ്ക് ശാഖകളില് നേരിട്ട് ഇടപാടുകള് നടത്തേണ്ടവര് അവധി ദിവസങ്ങള് കണക്കിലെടുത്ത് മുന്കൂട്ടി പദ്ധതി തയ്യാറാക്കണമെന്ന് ബാങ്കിങ് വിദഗ്ധര് നിര്ദേശിക്കുന്നു.