കോഴിക്കോട്. വട്ടക്കിണർ പീഡനശ്രമക്കേസ്,പോലീസിന് ഗുരുതര വീഴ്ച. പീഡനശ്രമ വിവരം അറിഞ്ഞ് പൊലീസ് വീട്ടിലെത്തിയിട്ടും കേസ് രജിസ്റ്റർ ചെയ്തില്ല.രാത്രി 2 മണിക്ക് കുടുംബം സ്റ്റേഷനിലെത്തിയിട്ടും പരാതി സ്വീകരിച്ച് കേസെടുത്തില്ല
“നാളെ രാവിലെ വരൂ” എന്നായിരുന്നു പോലീസിന്റെ മറുപടിയെന്ന് കുടുംബം.പ്രതിയെ നാട്ടുകാർ ചൂണ്ടിക്കാണിച്ചിട്ടും രാത്രി കസ്റ്റഡിയിലെടുക്കാൻ പൊലീസ് തയ്യാറായില്ല. സ്റ്റേഷനിൽ കുത്തിയിരുന്ന് കുടുംബം പ്രതിഷേധം ആരംഭിച്ച ശേഷമാണ് പ്രതിക്കായി പൊലീസ് തിരച്ചിൽ നടത്തിയത്. സി.ഐ അവധിയിലായതും സ്റ്റേഷനിൽ ആവശ്യത്തിന് ഉദ്യോഗസ്ഥരില്ലായിരുന്നതുമാണ് കാരണമെന്ന് പോലീസിന്റെ വിശദീകരണം. ചൊവ്വാഴ്ച രാത്രിയാണ് സഹോദരന്റെ വീട്ടിലെത്തിയ യുവതിയെ വീട്ടിൽ കയറി പീഡിപ്പിക്കാൻ ശ്രമം നടന്നത്
അറസ്റ്റിലായ സഫാദിനെതിരെ നേരത്തെയും നിരവധി കേസുകളുണ്ടെന്ന് പൊലീസ്
