പാലക്കാട്: പാലക്കാട് ചിറ്റൂരിൽ 14 കാരനായ വിദ്യാര്ത്ഥിയെ കണ്ടെത്തി . ബോയ്സ് ഹൈസ്കൂളിലെ വിദ്യാർത്ഥിയായ കരിഞ്ഞാലിപ്പള്ളം സ്വദേശി ഹരീഷിനെയാണ് തമിഴ്നാട് സലൂരിൽ നിന്നാണ് കണ്ടെത്തിയത്.രണ്ട് ദിവസം മുമ്പ് പുലര്ച്ചെ കുട്ടി 5.30 ന് വീട്ടില് നിന്നും സൈക്കിളിലാണ് പുറത്തേക്ക് പോയത്. സൈക്കിളിൽ പാലക്കാട് ഭാഗത്തേക്ക് പോയി. ചന്ദ്രനഗർ വഴി കഞ്ചിക്കോട്ടേക്കാണ് കുട്ടി പോയതെന്നാണ് സിസിടിവി ദൃശ്യങ്ങൾ. പൊലീസും നാട്ടുകാരും ബന്ധുക്കളും ചേർന്ന് തിരച്ചിൽ തുടർന്നു. ഇതിനിടെ കുട്ടി സൈക്കിളില് വാളയാറിന് സമീപത്ത് കൂടി സഞ്ചരിക്കുന്ന സിസിടിവി ദൃശ്യങ്ങളും പൊലീസിന് ലഭിച്ചു. ചിറ്റൂര് ബോയ്സ് സ്കൂളിലെ ഒന്പതാം ക്ലാസ് വിദ്യാര്ത്ഥിയാണ് ഹരീഷ്. പോലീസാണ് കുട്ടിയെ കണ്ടെത്തിയ വിവരം ബന്ധുക്കളെ അറിയിച്ചത് .
