കാസർകോട്. കേരള മുസ്ലിം ജമാഅത്തിന്റെ നേതൃത്വത്തിൽ നടക്കുന്ന കേരളയാത്ര ഇന്ന് കാസർകോട് ആരംഭിക്കും. മനുഷ്യർക്കൊപ്പം എന്ന പ്രമേയവുമായി കാന്തപുരം എ പി അബൂബക്കർ മുസ്ലിയാരാണ് ജാഥ നയിക്കുന്നത്. ഉള്ളാൾ സയ്യിദ് മദനി മഖാമിൽ വെച്ച് യാത്രയുടെ പതാക കാന്തപുരം എ പി അബൂബക്കർ മുസ്ലിയാർക്ക്‌ കൈമാറും. തുടർന്ന് വൈകിട്ട് അഞ്ചിന് ചെർക്കളയിൽ പൊതുസമ്മേളനം നടക്കും. വിവിധ ജില്ലകളിലെ പര്യടനം പൂർത്തിയാക്കി ഈ മാസം 16ന് തിരുവനന്തപുരത്താണ് യാത്ര സമാപിക്കുക
