വെഞ്ഞാറമൂട് .KSRTC ബസ് ഇടിച്ച് സ്കൂട്ടർ യാത്രക്കാരിക്ക് ദാരുണാന്ത്യം.കോലിയക്കോട് സ്വദേശിനി ഗംഗ ( 38) ആണ് മരിച്ചത്.അപകടം ഉണ്ടായത് വെഞ്ഞാറമൂട് കോലിയക്കോട് വെച്ച്
സ്കൂട്ടറിൽ യുവതിയോടൊപ്പം യാത്ര ചെയ്തിരുന്ന മകൻ നിസാര പരിക്കുകളോടെ രക്ഷപ്പെട്ടു.പോത്തൻകോട് ഭാഗത്തുനിന്നും വെഞ്ഞാറമൂട് ഭാഗത്തേയ്ക്ക് വരികയായിരുന്നു സ്കൂട്ടർ
കുന്നത്തൂർ:കുന്നത്തൂരിൽ യുവതിയെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി.കുന്നത്തൂർ കിഴക്ക് ഗുരുമന്ദിരം ജംഗ്ഷനു സമീപം വേടരഴികത്ത് വീട്ടിൽ വിനോദിൻ്റെ ഭാര്യ വിജി (37) ആണ് മരിച്ചത്.സംഭവവുമായി ബന്ധപ്പെട്ട് വിനോദിനെ ശാസ്താംകോട്ട പൊലീസ് കസ്റ്റഡിയിലെടുത്തു.
ഞായർ ഉച്ചയോടെയാണ് സംഭവം.ഈ സമയം മക്കളായ വൈഗയും വൈഷ്ണവും മാത്രമാണ് വീട്ടിലുണ്ടായിരുന്നത്.മാതാവിനെ അടുക്കളയിൽ തൂങ്ങി നിൽക്കുന്ന നിലയിൽ പത്താം ക്ലാസ് വിദ്യാർത്ഥിനിയായ മകൾ വൈഗയാണ് കണ്ടത്. ഉടൻ തന്നെ കുട്ടി അറുത്തിട്ടു, നിലവിളി കേട്ട് പരിസരവാസികൾ ഓടിയെത്തി ആശുപത്രിയിൽ എത്തിച്ചപ്പോഴേക്കും മരണം സംഭവിച്ചിരുന്നതായി പറയുന്നു. രാവിലെ ഭാര്യയുമായി വഴക്കിട്ട ശേഷമാണ് വിനോദ് പുറത്തേക്ക് പോയിരുന്നത്.
സ്ഥിരം മദ്യപാനിയായ ഇയ്യാൾ വഴക്കുണ്ടാക്കുന്നതും ഭാര്യയെ മർദ്ദിക്കുന്നതും പതിവായിരുന്നെന്നും,യുവതിയുടെ ശരീരത്തിൽ പല ഭാഗങ്ങളിലും മർദ്ദനത്തിൻ്റെ പാടുകൾ ഉള്ളതായും പൊലീസ് പറയുന്നു.കുന്നത്തൂർ കാഷ്യൂ കോർപ്പറേഷൻ ഫാക്ടറിയിലെ തൊഴിലാളിയാണ് മരിച്ച വിജി.മൃതദേഹം ശാസ്താംകോട്ട താലൂക്കാശുപത്രി മോർച്ചറിയിൽ.അനന്തര നടപടികൾക്കായി മൃതദേഹം കൊല്ലം ഗവ.മെഡിക്കൽ കോളേജ് ആശുപത്രിയിലേക്ക് പിന്നീട് മാറ്റും.
മൈനാഗപ്പള്ളി. ലോക വനിതാ ദിനത്തിൽ 101 വയസ്സുള്ള മുതിർന്ന അമ്മയെ ആദരിച്ചു. വടക്കൻ മൈനാഗപ്പള്ളി പുത്തൻവീട്ടിൽ ഗൗരി അമ്മയെയാണ് ആദരിച്ചത്. 100 ൽ അധികം വയസ് പ്രായമുള്ള അമ്മ ഇപ്പോഴും പൂർണ്ണ ആരോഗ്യവതിയാണ് നല്ല ഓർമ്മശക്തിയും ഉണ്ട്. .
വടക്കൻ മൈനാഗപ്പള്ളി കുടുംബശ്രീയും.ഗ്രാമ പഞ്ചായത്തും. വാർഡ് തല സമിതിയും നേതൃത്വം നൽകി. ചടങ്ങിൽ മുൻ പഞ്ചായത്ത് പ്രസിഡൻ്റ്.പി.എം സെയ്ദ് . ഗ്രാമ പഞ്ചായത്ത് അഗംഫർഹാന നസീർ. C . D.S. അംഗം ഹസീന പൊയ്കയിൽ. A D S ഭാരവാഹികളായ പ്രിയങ്ക. ബരീറാ വാർഡ് തല സമിതി അംഗങ്ങളായ സനൽ . ശിവരാജൻ . നസീർ. ദിനേഷ്. ശ്രീരശ്മി. സജീതാ. പുത്തൻവീട്ടിൽ കുടുംബാ അംഗങ്ങൾ തുടങ്ങിയവർ പങ്കെടുത്തു.
പടിഞ്ഞാറേ കല്ലട. കോൺഗ്രസ്‌ ന്റെ ആഭിമുഖ്യത്തിൽ കെപിസിസി യുടെ നിർദ്ദേശപ്രകാരം നൈറ്റ്‌ ക്യാമ്പും നോമ്പ് തുറയും സംഘടിപ്പിച്ചു.
UDF നിയോജക മണ്ഡലം ചെയർമാൻ S. സുഭാഷ് ഉദ്ഘാടനം ചെയ്തു. സുരേഷ് ചന്ദ്രൻ ആദ്യക്ഷതവഹിച്ചു
ഡിസിസി ജനറൽ സെക്രട്ടറി രവി മൈനാഗപ്പള്ളി മെമ്പർ മാർക്ക് സ്വികരണം നൽകി ഡിസിസി ജനറൽ സെക്രട്ടറി മാരായ തുണ്ടിൽ നൗഷാദ്, തോമസ് വൈദ്യൻ,ഉണ്ണികൃഷ്ണൻ ,സുബ്രഹ്മണ്യൻ കലാധരൻ പിള്ള
ഷൈലജ മുത്തലിഫ് നിയാസ് ലത്തീഫ് സെബാസ്റ്റ്യൻ, ഫിലിപ്പ് വേഴാമല ഡാർവിൻ പ്രസന്നൻ, ശിവനന്ദൻ, മോഹൻകുമാർ, വിപിൻ, പ്രീത തുടങ്ങിയവർ പ്രസംഗിച്ചു
കാരാളിജംഗ്ഷൻ : വനിതാ ദിനത്തിൽ പടിഞ്ഞാറെ കല്ലട കാരാളി ടൗൺ വാർഡിലെ എ ഡി എസിന്റെ നേതൃത്വത്തിൽ വിവിധ മേഖലകളിൽ മികവ് തെളിയിച്ചവരെയും മുതിർന്ന വനിതകളെയും ആദരിച്ചു .
ഗ്രാമ പഞ്ചായത്ത് അംഗം സുരേഷ് ചന്ദ്രൻ ഉദ്ഘാടനം ചെയ്തു എ ഡി എസ് പ്രസിഡന്റ് അമ്പിളിജയൻ അധ്യക്ഷത വഹിച്ചു സി ഡി എസ് മെമ്പർ പ്രീതശിവൻ, റജിലനൗഷാദ്, സൂര്യകൃഷ്ണ,ഷീബഷാജി, ഷീബസന്തോഷ്‌, ഹംസത്ത് തുടങ്ങിയവർ സംസാരിച്ചു
കൊല്ലം:അന്താരാഷ്ട്ര വനിതാ ദിനത്തോടനുബന്ധിച്ച് ദേശീയ അധ്യാപക പരിഷത്ത് നടത്തിയ ആദരിക്കൽ ചടങ്ങ് വേറിട്ടതും ശ്രദ്ധേയവുമായി.സ്കൂൾ പാചക തൊഴിലാളികളായ സ്ത്രീകളെയാണ് ഇക്കുറി എൻ.ടി.യു ആദരിച്ചത്.ജില്ലയിലെ 12 ഉപജില്ലകൾ കേന്ദ്രീകരിച്ച് ആണ് വനിതാ ദിനത്തിൽ ആദരിക്കൽ ചടങ്ങ് നടന്നത്.കുണ്ടറ ഉപജില്ലയിൽ നടന്ന ചടങ്ങ് ജില്ലാ പ്രസിഡൻ്റ് എസ്.കെ. ദിലീപ് കുമാർ നിർവഹിച്ചു.കാലങ്ങളായി തുച്ഛമായ വേതനത്തിന് ജോലി ചെയ്യുന്ന സ്കൂൾ പാചക തൊഴിലാളികളുടെ നിരക്ക് വർദ്ധിപ്പിക്കണമെന്ന് അദ്ദേഹം ആവശ്യപ്പെട്ടു.
500 കുട്ടികൾ വരെ പഠിക്കുന്ന സ്കൂളിൽ ഇത്രയും പേർക്ക് ഭക്ഷണം ഒരുക്കുന്ന തൊഴിലാളിക്ക് 500 രൂപയാണ് വേതനം.കാലങ്ങളായി അവഗണിക്കപ്പെട്ട് കിടക്കുന്ന ഈ സമൂഹത്തിന് പിന്തുണയുമായി എത്താൻ ഒരു സർവീസ് സംഘടനയോ തൊഴിലാളി സംഘടനയോ ഇന്നുവരെ തയ്യാറായിട്ടില്ല.വരുന്ന അധ്യയന വർഷം മുതലെങ്കിലും ഇവരുടെ വേതനം വർദ്ധിപ്പിക്കാത്ത പക്ഷം ശക്തമായ പ്രക്ഷോഭം സംഘടിപ്പിക്കുമെന്ന് അദ്ദേഹം അറിയിച്ചു.
‘ഉപജില്ല ട്രഷറർ രഞ്ജിനി ദേവി അധ്യക്ഷത വഹിച്ചു. പാർവതി എസ്, കുണ്ടറ എസ് കെ വി എൽപിഎസ് മാനേജർ ബി രമാദേവി, സംസ്ഥാന വനിതാ വിഭാഗം ജോ.കൺവീനർ ധനലക്ഷ്മി വിരിയറഴികത്ത്, ജില്ലാ വനിതാ വിഭാഗം കൺവീനർ ദിവ്യ എസ്, തുടങ്ങിയവർ സംസാരിച്ചു.ജില്ലയിലെ വിവിധ ഉപജില്ലകളിൽ നടന്ന പരിപാടികൾക്ക്, ജില്ലാ ജനറൽ സെക്രട്ടറി അർക്കന്നൂർ രാജേഷ്,ആർ ഹരികൃഷ്ണൻ ശ്രീജിത്ത് പി എസ്,എ അനിൽകുമാർ ടി ജെ ഹരികുമാർ, കെ ആർ സന്ധ്യാകുമാരി, ഷീബ ജ്യോതി,ധന്യ ടി എൻ, പ്രദീപകൃഷ്ണൻ, നിധി കൃഷ്ണൻ, കലാ ശ്രീകുമാർ എന്നിവർ നേതൃത്വം നൽകി.
ട്വന്റി20 ലോകകപ്പ് ഫൈനലില്‍ ടോസ് നേടിയ ന്യൂസീലന്‍ഡ് ഇന്ത്യയെ ബാറ്റിങ്ങിനയച്ചു. കിരീടം നേടിയാല്‍ ലോകകപ്പ് നിലനിര്‍ത്തുന്ന ആദ്യ ടീമും സ്വന്തം നാട്ടില്‍ ചാംപ്യന്‍മാരാകുന്ന ആദ്യ ടീമുമാകും ഇന്ത്യ. ബാറ്റിങ്ങ് പ്രതീക്ഷമുഴുവന്‍ ഒരു മലയാളി പയ്യനില്‍ വച്ചാണ് ഇന്ത്യ ഇറങ്ങുന്നത്. അഹമ്മദാബാദ് നരേന്ദ്രമോദി സ്റ്റേഡിയത്തിലാണ് കിരീടപ്പോരാട്ടം.
20 ടീമുകള്‍ പങ്കെടുത്ത ടൂര്‍ണമെന്റിന് അഹമ്മദാബാദിലെ കൂറ്റന്‍ വേദിയില്‍ കൊടിയിറങ്ങുമ്പോള്‍, സൂര്യകുമാര്‍ യാദവിനും സംഘത്തിനും പിന്തുണയുമായി ഗാലറി നീലക്കടലായി മാറുമെങ്കിലും സമീപകാല ലോക ഫൈനലുകളില്‍, ഈ എതിരാളികളെക്കുറിച്ചോ വേദിയെക്കുറിച്ചോ ഇന്ത്യക്ക് അത്ര നല്ല ഓര്‍മകളല്ല. സൂപ്പര്‍ എട്ടില്‍ ദക്ഷിണാഫ്രിക്കയോട് തോറ്റതിന്റെ പിന്നാലെ ശൗര്യമേറിയ ഇന്ത്യന്‍ ടീമിന് മുന്നിലേക്കാണ് കിവീസ് എത്തുന്നത്. ബാറ്റിങ്ങില്‍ സഞ്ജു സാംസണ്‍ നല്‍കുന്ന തുടക്കമാണ് കരുത്ത്. ബോളിങ്ങില്‍ ബുമ്രയുടെ നാലോവറുകള്‍ ഒരിക്കല്‍ കൂടി മല്‍സരഗതി നിശ്ചയിക്കുമെന്നാണ് പ്രതീക്ഷ.
ഖണ്ഡ്വ : മധ്യപ്രദേശില്‍ 90കാരിയെ കൂട്ടബലാത്സംഗം ചെയ്തു. മുഖംമൂടി ധരിച്ചെത്തിയ നാലംഗ സംഘമാണ് വയോധികയെ ബലാത്സംഗം ചെയ്തതെന്നാണ് വിവരം. മധ്യപ്രദേശിലെ ഖണ്ഡ്വ ജില്ലയിലാണ് ക്രൂരകൃത്യം നടന്നത്.
വ്യാഴാഴ്ച രാത്രി തന്‍റെ കൃഷിയിടത്തിലെ കുടിലില്‍ ഒറ്റയ്ക്ക് താമസിക്കുകയായിരുന്ന വയോധികയെ നാലംഗ സംഘം ആക്രമിക്കുകയായിരുന്നു. പീഡനത്തിനിരയായ വിവരം അടുത്ത ദിവസമാണ് വയോധിക, സമീപഗ്രാമത്തില്‍ താമസിക്കുന്ന മകളെ അറിയിച്ചത്. ഉടന്‍ തന്നെ മകളും ബന്ധുക്കളുമെത്തി ഇവരെ ആശുപത്രിയില്‍ പ്രവേശിപ്പിക്കുകയായിരുന്നു.
പീഡനത്തിനിരയായ വയോധിക നിലവില്‍ ജില്ലാ ആശുപത്രിയില്‍ ചികിത്സയിലാണെന്നും അപകടനില തരണം ചെയ്തുവെന്നും പൊലീസ് അറിയിച്ചു. പ്രതികള്‍ക്കായി പൊലീസിന്‍റെ പ്രത്യേക സംഘം അന്വേഷണം ആരംഭിച്ചിട്ടുണ്ട്.
ഭാരതീയ ന്യായ സംഹിത സെക്ഷന്‍ 70 പ്രകാരമാണ് പൊലീസ് കേസെടുത്തിരിക്കുന്നത്. മൂന്ന് സംഘങ്ങളായി തിരിഞ്ഞാണ് സംഭവത്തില്‍ അന്വേഷണം നടത്തുന്നതെന്ന് പൊലീസ് അറിയിച്ചു. പ്രതികളെക്കുറിച്ച് വിവരങ്ങള്‍ നല്‍കുന്നവര്‍ക്ക് 10,000 രൂപ പാരിതോഷികവും പ്രഖ്യാപിച്ചിട്ടുണ്ട്.
വിയറ്റ്‌നാം കപ്പലുമായി കൂട്ടിയിടിച്ച് മുങ്ങിയ ബോട്ടിലെ ഒന്‍പത് മത്സ്യ തൊഴിലാളികളെ വിഴിഞ്ഞം തുറമുഖത്ത് എത്തിച്ചു. അപകടത്തില്‍ ഗുരുതരമായി പരിക്കേറ്റ രണ്ട് പേരെ തിരുവനന്തപുരം മെഡിക്കല്‍ കോളേജ് അശ്രുപത്രിയിലേക്ക് മാറ്റും. കാണാതായ രണ്ട് ഇതരസംസ്ഥാന തൊഴിലാളികള്‍ക്ക് വേണ്ടിയുള്ള തിരച്ചില്‍ തുടരുകയാണ്.
കൊല്ലം ശക്തികുളങ്ങരയില്‍ നിന്ന് വെള്ളിയാഴ്ച മത്സ്യബന്ധനത്തിന് പോയ ബോട്ടിലാണ് വിയറ്റ്‌നാമിലെ നിന്നുള്ള കപ്പലിടിച്ചത്. കൊല്ലത്തുനിന്ന് 120 നോട്ടിക്കല്‍ മൈല്‍ അകലെ ഇന്നലെ പകല്‍ 11 മണിക്കാണ് സംഭവം. രാത്രിയില്‍ മത്സ്യബന്ധനത്തിന് ശേഷം രാവിലെ ബോട്ട് നിര്‍ത്തിയിട്ട് വിശ്രമിക്കുന്നതിനിടെയായിരുന്നു അപകടം. വിയറ്റ്‌നാം കപ്പലിലെ ജീവനക്കാരാണ് ബോട്ടിലെ ഒന്‍പത് പേരെയും രക്ഷപ്പെടുത്തിയത്. പിന്നീട് കോസ്റ്റ് ഗാര്‍ഡിനെ വിവരം അറിയിക്കുകയായിരുന്നു. കോസ്റ്റ് ഗാര്‍ഡ് കപ്പല്‍ എത്തിയാണ് മത്സ്യത്തൊഴിലാളികളെ വിഴിഞ്ഞത്തേക്ക് കൊണ്ടുവന്നത്.
രക്ഷപ്പെടുത്തിയ ഒന്‍പത് പേരില്‍ ബോട്ടിന്റെ സ്രാങ്ക് ബൈജു ഉള്‍പ്പെടെ രണ്ടുപേരുടെ നില ഗുരുതരമാണ്. ബൈജുവിന്റെ നട്ടെല്ലിന് പരിക്കേറ്റിട്ടുണ്ട്. കുളച്ചല്‍ സ്വദേശികളായ അച്ഛനെയും മകനെയും ആണ് കാണാതായത്. അപകടത്തില്‍പ്പെട്ട ബോട്ട് പൂര്‍ണ്ണമായും തകര്‍ന്നു. ഒരു കോടിയോളം രൂപ നഷ്ടമുണ്ടായതാണ് ബോട്ട് അധികൃതര്‍ വ്യക്തമാക്കുന്നത്.
അറ്റകുറ്റപണി ആരംഭിക്കുന്നതിനാല്‍ ആയൂര്‍-ഇത്തിക്കര റോഡില്‍ കുമ്മല്ലൂര്‍ മുതല്‍ ഇത്തിക്കര വരെ മാര്‍ച്ച് 10 മുതല്‍ ഗതാഗതം താല്‍ക്കാലികമായി നിരോധിക്കുമെന്ന് ചാത്തന്നൂര്‍ അസിസ്റ്റന്റ് എഞ്ചിനിയര്‍ അറിയിച്ചു. വാഹനങ്ങള്‍ കട്ടച്ചല്‍ ജംഗ്ഷനില്‍ നിന്നും കുമ്മല്ലൂര്‍ പാലം, ചാത്തന്നൂര്‍ വഴി ഇത്തിക്കര ഭാഗത്തേക്കും തിരിച്ചും പോകേണ്ടതാണ്.
