ജില്ലയിലെ വിവിധ സർക്കാർ-എയ്ഡഡ് ടി ടി ഐകളിലെ ഡി.എൽ.എഡ് (സയൻസ്,ഹ്യുമാനിറ്റീസ്,കോമേഴ്‌സ്) ബാച്ചുകളുടെ രണ്ടാം അലോട്ട്മെന്റ് ജൂലൈ 30 രാവിലെ 10.30നു കൊല്ലം വിദ്യാഭ്യാസ ഉപഡയറക്ടറുടെ കാര്യാലത്തിൽ നടത്തും. വിവരങ്ങൾക്ക്: ddeklm.blogspot.com

ജില്ലയിലെ ഗ്രാമീണമേഖലയില്‍ 307002 കുടിവെള്ളകണക്ഷനുകള്‍ നല്‍കിയെന്ന് ജില്ലാ കലക്ടര്‍ ആനി ജൂല തോമസ്. ജലശുചിത്വസമിതി യോഗത്തില്‍ അധ്യക്ഷത വഹിക്കവെ വിവിധയിടങ്ങളില്‍ കുടിവെള്ളവിതരണവുമായിബന്ധപ്പെട്ട നിര്‍മാണപ്രവര്‍ത്തികള്‍ സമയബന്ധിതമായി പൂര്‍ത്തിയാക്കണമെന്ന് നിര്‍ദേശിച്ചു.

പവിത്രേശ്വരം മാറനാട് ജലസംഭരണി നിര്‍മാണത്തിനുള്ള നിയമതടസം നീക്കാന്‍ നടപടി സ്വീകരിക്കും. കരീപ്ര പഞ്ചായത്തിലെ നെടുമണ്‍കാവ്-എഴുകോണ്‍ റോഡില്‍ പൈപ്പ്‌ലൈന്‍ സ്ഥാപിക്കുന്നത് വേഗത്തിലാക്കുന്നതിന് പൊതുമരാമത്ത്, ജല അതോറിറ്റി വകുപ്പ് ഉദ്യോഗസ്ഥരുടെ ഏകോപനം കൂടുതല്‍ കാര്യക്ഷമമാക്കേണ്ടതുണ്ട്.

കരീപ്ര സെനിത്ത്മുക്ക് ജലസംഭരണിയുടെ നിര്‍മാണം പൂര്‍ത്തീകരിക്കുന്നതനും നടപടി സ്വീകരിക്കണം. വവ്വാക്കാവ് ആനയടി റോഡില്‍ ജലവാഹകകുഴലുകള്‍ സ്ഥാപിക്കാന്‍ നടപടി സ്വീകരിക്കും. വെളിയം പഞ്ചായത്തിലെ ഉയര്‍ന്നപ്രദേശങ്ങളില്‍ കുടിവെള്ളം ലഭ്യമാക്കാന്‍ മുട്ടറ മരുതിമലയ്ക്ക് സമീപം ബൂസ്റ്റര്‍ പമ്പ് ഏര്‍പ്പെടുത്തും. പദ്ധതികള്‍ കൃത്യതയോടെ പൂര്‍ത്തിയാക്കുന്നതിന് ഉദ്യോഗസ്ഥ ഏകോപനം അനിവാര്യമെന്നും ഓര്‍മിപ്പിച്ചു ജലഅതോറിറ്റി എക്സിക്യൂട്ടീവ് എഞ്ചിനീയര്‍ സുനില്‍കുമാര്‍, വിവിധ വകുപ്പുകളിലെ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

മത്സ്യങ്ങള്‍ കൊണ്ടു പോകുന്ന വാഹനങ്ങളില്‍ നിന്നും ദുര്‍ഗന്ധവും രക്തവും കലര്‍ന്ന മലിന ജലം പൊതു നിരത്തില്‍ ഒഴുക്കി വിടുന്നത് നിരന്തരമുള്ള കാഴ്ചയാണ്. യാത്രക്കാര്‍ക്ക് ഇത് വലിയ ബുദ്ധിമുട്ടാണ് ഉണ്ടാക്കുന്നത്. വഴി യാത്രക്കാരുടെ ശരീരത്തിലേക്ക് ഇവ തെറിച്ച് വീഴുന്നതും പതിവാണ്. പരാതികള്‍ ഏറെ ഉണ്ടായിട്ടും ഇതുവരെ ഇതിനു പരിഹാരമോ നടപടിയോ ആരും കൈകൊണ്ടിട്ടില്ലായിരുന്നു. ഇപ്പോള്‍ പരാതികളുടെ എണ്ണം ഏറിയതോടെ പരിഹാരവുമായി കേരള മോട്ടോര്‍ വാഹനവകുപ്പ് രംഗത്തെത്തിയിരിക്കുകയാണ്.
റോഡിലൂടെ ബൈക്കിലോ നടന്നുപോകുമ്പോഴോ തൊട്ടുമുന്നിലെ മീന്‍വണ്ടിയില്‍ നിന്ന് റോഡിലേക്ക് ചീറ്റിയൊഴുകുന്ന ദുര്‍ഗന്ധം വമിക്കുന്ന വെള്ളം നിങ്ങളുടെ മേല്‍ വീഴുകയോ അല്ലെങ്കില്‍ ആ വെള്ളത്തില്‍ വണ്ടി വഴുതിവീണ് അപകടത്തില്‍പ്പെടുകയോ ചെയ്താല്‍ ഇത്തരം ജനവിരുദ്ധവും അപകടകരവുമായ പ്രവര്‍ത്തികള്‍ക്ക് ഇനി മോട്ടോര്‍ വാഹന വകുപ്പിന്റെ വക നടപടി ഉണ്ടാകുമെന്നാണ് കേരള മോട്ടോര്‍ വാഹനവകുപ്പ് ചൂണ്ടിക്കാട്ടുന്നത്.
മത്സ്യം കൊണ്ടുപോകുന്ന വാഹനങ്ങളില്‍ നിന്ന് പൈപ്പുകള്‍ വഴി പൊതുനിരത്തിലേക്ക് മലിനജലം ഒഴുക്കുന്ന പ്രവണതക്കെതിരെ കര്‍ശന നടപടി സ്വീകരിക്കാന്‍ ട്രാന്‍സ്‌പോര്‍ട്ട് കമ്മീഷണര്‍ നിര്‍ദ്ദേശം നല്‍കി കഴിഞ്ഞു. മലിന ജലം റോഡിലൂടെ ഒഴുക്കി നിയമലംഘനം നടത്തുന്ന ഡ്രൈവര്‍മാരുടെ ഡ്രൈവിംഗ് ലൈസന്‍സ് സസ്‌പെന്‍ഡ് ചെയ്യും. കൂടാതെ പിഴയും ചുമത്തും.
മീന്‍വണ്ടികളില്‍ നിന്ന് ഒഴുക്കിവിടുന്ന വെള്ളം കാരണം അപകടങ്ങള്‍ ഉണ്ടാകാനുള്ള സാധ്യത കൂടാതെ വലിയ രീതിയിലുള്ള ആരോഗ്യ-പരിസ്ഥിതി പ്രശ്‌നങ്ങള്‍ക്കും ഇത് കാരണമാകുന്നുണ്ട്. സുരക്ഷിതമായ യാത്രയും ശുചിത്വമുള്ള റോഡുകളും നമ്മുടെ അവകാശവും ഉത്തരവാദിത്വവുമാണെന്നുള്ള കാര്യമാണെന്ന് വാഹനവകുപ്പ് ഉദ്യോഗസ്ഥര്‍ പറയുന്നു. ഇത്തരം മലിനജലം വാഹനങ്ങളിലുള്ള ടാങ്കുകളില്‍ തന്നെ സൂക്ഷിച്ച് ശാസ്ത്രീയമായി സംസ്‌കരിക്കുന്ന സ്ഥലങ്ങളില്‍ മാത്രം ഒഴുക്കി വിടുക.

കൊല്ലം: കൊല്ലം കെഎസ്ആര്‍ടിസി ബസ് ഡിപ്പോ പുനര്‍നിര്‍മ്മാണം സമയബന്ധിതമായി പൂര്‍ത്തിയാക്കുമെന്ന് മന്ത്രി ബിന്ദു കൃഷ്ണ. ആശ്രാമം സര്‍ക്കാര്‍ അതിഥി മന്ദിരത്തില്‍ കെഎസ്ആര്‍ടിസി ട്രാന്‍സ്‌പോര്‍ട്ട് മാനേജ്മന്റ് കമ്മിറ്റിയുടെ യോഗത്തില്‍ അധ്യക്ഷയായി. കൊല്ലം ബസ് സ്റ്റാന്‍ഡിന്റെ പുനര്‍നിര്‍മാണത്തിനുള്ള പശ്ചാത്തലപ്രവര്‍ത്തനങ്ങള്‍ വേഗത്തിലാക്കും. ബസുകളുടെ ഷെഡ്യൂളുകള്‍ പുനഃസ്ഥാപിക്കും. പഴയ ബസ് സ്റ്റാന്‍ഡിന്റെ സ്ഥലത്ത് പുതിയത് നിര്‍മിക്കും; ടെന്‍ഡര്‍ നടപടികള്‍ പൂര്‍ത്തിയായി.
പഴയ കെട്ടിടത്തിലെ ഓഫീസുകള്‍ ഗ്യാരേജിന്റെ പരിസരത്തേക്ക് മാറ്റും. ഗ്യാരേജിന്റെ അറ്റകുറ്റപ്പണികള്‍ക്കുള്ള ടെന്‍ഡര്‍ നടപടികളും പൂര്‍ത്തീകരിച്ചു. ഭരണാനുമതി ലഭിച്ച 15 കോടി രൂപയ്ക്ക് ബസ് ടെര്‍മിനല്‍, ഓഫീസ് കെട്ടിടങ്ങള്‍ എന്നിവയുടെ നിര്‍മാണം ആദ്യഘട്ടത്തില്‍ പൂര്‍ത്തിയാക്കും. ഗ്യാരേജിന്റെ പുനര്‍നിര്‍മ്മാണം രണ്ടാംഘട്ടത്തിലാണ്.
ബസ് സ്റ്റാന്‍ഡ് മൂന്ന് നിലകളിലായി പണിയും. ഭാവിയിലെ ആവശ്യങ്ങള്‍ പരിഗണിച്ച് തുടര്‍ വികസനപ്രവര്‍ത്തനങ്ങള്‍ക്ക് സൗകര്യം ഒരുക്കുമെന്നും മന്ത്രി അറിയിച്ചു. രാഷ്ട്രീയകക്ഷി പ്രതിനിധികള്‍, അസിസ്റ്റന്റ് ട്രാന്‍സ്‌പോര്‍ട്ട് ഓഫീസര്‍ ബി. അജിത്കുമാര്‍ തുടങ്ങിയവര്‍ പങ്കെടുത്തു.