ടീ ട്രീ ഓയിൽ തലയോട്ടിയിൽ പുരട്ടി മസാജ് ചെയ്യുക
ബാക്ടീരിയ, വൈറസ്, ഫംഗസ് എന്നിവയെ ഫലപ്രദമായി നശിപ്പിക്കാൻ ടീ ട്രീ ഓയിൽ സാധിക്കും. അൽപം ടീ ട്രീ ഓയിൽ തലയോട്ടിയിൽ പുരട്ടി മസാജ് ചെയ്യുക. ഇത് പേന് ശല്യം അകറ്റും.
ബേബി ഓയിൽ തലയിൽ പുരട്ടി ഒരു രാത്രി മുഴുവൻ വയ്ക്കുക
പേൻ ശല്യം ഒഴിവാക്കാൻ മികച്ച വഴിയാണ് ബേബി ഓയിൽ. ഇതിനായി ബേബി ഓയിൽ തലയിൽ പുരട്ടി ഒരു രാത്രി മുഴുവൻ വയ്ക്കുക . രാവിലെ മുടി നന്നായി ചീകുക. അതിന് ശേഷം ഷാംപൂ ഉപയോഗിച്ച് തല കഴുകുക.
കുറച്ച് തുള്ളി വിനാഗിരി തലയോട്ടിയിൽ പുരട്ടി ഏതാനും മിനിറ്റുകൾ വയ്ക്കുക
തലയിലെ പേനിനുള്ള പ്രതിവിധിയായി വിനാഗിരി ഉപയോഗിക്കാവുന്നതാണ്. കുറച്ച് തുള്ളി വിനാഗിരി തലയോട്ടിയിൽ പുരട്ടി ഏതാനും മിനിറ്റുകൾ വയ്ക്കുക. ശേഷം മുടി നന്നായി കഴുകി വൃത്തിയാക്കാൻ ശ്രദ്ധിക്കുക.
പേന് ശല്യം കുറയാന്‍ ഏറ്റവും മികച്ച പരിഹാരമാണ് തുളസി
പേന് ശല്യം കുറയാന്‍ ഏറ്റവും മികച്ച പരിഹാരമാണ് തുളസി. ഇതിനായി ആഴ്ചയില്‍ രണ്ടോ മൂന്നോ ദിവസം തുളസി അരച്ച് മുടിയില്‍ തേച്ച് പിടിപ്പിച്ച് അല്‍പനേരത്തിനുശേഷം കഴുകിക്കളയുക, പേന്‍ശല്യം നന്നായി കുറയും.
തലയിലെ പേനുകളെ നശിപ്പിക്കാൻ ആര്യവേപ്പ് ഫലപ്രദമാണ്
തലയിലെ പേനുകളെ നശിപ്പിക്കാൻ ആര്യവേപ്പ് ഫലപ്രദമാണ്. വേപ്പിലയുടെ നീര് തലയിൽ പുരട്ടി 10-15 മിനിറ്റിനുശേഷം കഴുകി കളയുക. ആഴ്ചയിൽ രണ്ട് ദിവസം ഇത് ചെയ്യാവുന്നതാണ്.
ഉറങ്ങാൻ പോകുന്നതിനു മുൻപ് തലയോട്ടിയിൽ ഒലിവ് ഓയിൽ പുരട്ടുക
തലയിലെ പേന് ഇല്ലാതാക്കാൻ ഒലിവ് ഓയിൽ ഏറെ മികച്ചതാണ്. ഉറങ്ങാൻ പോകുന്നതിനു മുൻപ് തലയോട്ടിയിൽ ഒലിവ് ഓയിൽ പുരട്ടുക. പിറ്റേ ദിവസം രാവിലെ ഷാംപു ഉപയോഗിച്ച് തല കഴുകാം.
വെളുത്തുള്ളി അല്ലികൾ എടുത്ത് നന്നായി അരച്ച് പേസ്റ്റ് രൂപത്തിലാക്കുക
കുറച്ച് വെളുത്തുള്ളി അല്ലികൾ എടുത്ത് നന്നായി അരച്ച് പേസ്റ്റ് രൂപത്തിലാക്കുക. ഈ പേസ്റ്റിലേക്ക് അല്പം നാരങ്ങാനീര് ചേർത്ത് നന്നായി യോജിപ്പിക്കുക. ശേഷം, ഈ മിശ്രിതം മുടിയുടെ വേരുകളിൽ പുരട്ടുക. ഇത് പേനിനെ അകറ്റും.
