ഇന്ത്യൻ സ്പേസ് റിസർച്ച് ഓർഗനൈസേഷൻ ഐ.എസ്.ആർ.ഒ. സയന്റിസ്റ്റ്/എൻജിനീയർ ‘SC’ തസ്തികയിലെ 92 ഒഴിവുകളിലേക്ക് അപേക്ഷ ക്ഷണിച്ചു. വിവിധ എൻജിനീയറിങ് ശാഖകളിൽ ഒഴിവുകളുണ്ട്. ഗേറ്റ് സ്കോറുള്ള ഉദ്യോഗാർഥികൾക്ക് ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം. അവസാന തീയതി 2026 ഓഗസ്റ്റ് 17 ആണ്.
Also Read: ആർത്തവദിനങ്ങളിലെ വേദന കൂട്ടുന്ന 5 ഭക്ഷണശീലങ്ങൾ
പൊതുവിഭാഗത്തിൽപ്പെടുന്ന അപേക്ഷകർ അപേക്ഷാ ഫീസായി 250 രൂപ അടയ്ക്കണം. ഇന്റർവ്യൂവും ഗേറ്റ് സ്കോറും അടിസ്ഥാനമാക്കിയാണ് അന്തിമ റാങ്ക് പട്ടിക തയ്യാറാക്കുന്നത്.
ആർക്കൊക്കെ അപേക്ഷിക്കാം? (യോഗ്യതകൾ)
വിദ്യാഭ്യാസ യോഗ്യത: ബന്ധപ്പെട്ട എൻജിനീയറിങ് ശാഖയിൽ കുറഞ്ഞത് 65% മാർക്കോടെയോ 6.84 സി.ജി.പി.എ.-യോടെയോ ഉള്ള BE/B.Tech അല്ലെങ്കിൽ തത്തുല്യ ബിരുദം.
GATE സ്കോർ: GATE 2025 അല്ലെങ്കിൽ GATE 2026ൽ ബന്ധപ്പെട്ട വിഷയത്തിൽ സാധുവായ സ്കോർ ഉണ്ടായിരിക്കണം.
പ്രായപരിധി: 2026 ഓഗസ്റ്റ് 17 ലെ കണക്കനുസരിച്ച് അപേക്ഷകരുടെ പ്രായം 28 വയസ്സിൽ കവിയരുത്.
ഒഴിവുകളുടെ വിവരങ്ങൾ
വിഷയം ഒഴിവുകൾ
ഇലക്ട്രോണിക്സ് 34
മെക്കാനിക്കൽ 26
കമ്പ്യൂട്ടർ സയൻസ് 13
സിവിൽ 10
ഇലക്ട്രിക്കൽ 4
റെഫ്രിജറേഷൻ & എയർ കണ്ടീഷനിങ് 2
ആർക്കിടെക്ചർ 2
സിവിൽ (PRL – ഓട്ടോണമസ് ബോഡി) 1
ആകെ 92
അപേക്ഷിക്കേണ്ടത് എങ്ങനെ?
isro.gov.in എന്ന ഔദ്യോഗിക വെബ്സൈറ്റ് സന്ദർശിക്കുക.
Careers പേജിൽ നിന്ന് സയന്റിസ്റ്റ്/എൻജിനീയർ വിജ്ഞാപനം തുറക്കുക.
Apply ലിങ്കിൽ ക്ലിക്ക് ചെയ്ത് ഇമെയിൽ ഐഡിയും മൊബൈൽ നമ്പറും ഉപയോഗിച്ച് രജിസ്റ്റർ ചെയ്യുക.
ആവശ്യമായ വിവരങ്ങൾ നൽകി ആവശ്യമായ രേഖകൾ അപ്ലോഡ് ചെയ്യുക.
അപേക്ഷാ ഫീസ് (ബാധകമെങ്കിൽ) അടച്ച് ഫോം സമർപ്പിക്കുക.
അപേക്ഷാ ഫോമിന്റെ പകർപ്പ് ഭാവി ആവശ്യങ്ങൾക്കായി ഡൗൺലോഡ് ചെയ്ത് സൂക്ഷിക്കുക.
ശ്രദ്ധിക്കുക: ഇന്റർവ്യൂവിന് തിരഞ്ഞെടുക്കപ്പെടുന്ന ഉദ്യോഗാർഥികൾക്ക് യാത്ര ചെയ്യുന്നതിനായി ഏറ്റവും കുറഞ്ഞ ദൂരത്തിന്റെ സ്ലീപ്പർ ക്ലാസ് ട്രെയിൻ യാത്രാബത്ത ഐഎസ്ആർഒ ചട്ടങ്ങൾ അനുസരിച്ച് അനുവദിക്കുന്നതാണ്.