ലോകമെമ്പാടുമുള്ള ദശലക്ഷക്കണക്കിന് ആളുകളെ ബാധിക്കുന്ന വർധിച്ചുവരുന്ന ഒരു ആരോഗ്യപ്രശ്നമാണ് തൈറോയ്ഡ് അസന്തുലിതാവസ്ഥ. മനുഷ്യശരീരത്തിലെ കഴുത്തിന്റെ ഭാഗത്ത് ചിത്രശലഭത്തിന്റെ ആകൃതിയിലുള്ള ഒരു ഗ്രന്ഥിയാണ് തൈറോയ്ഡ്.
ശരീരം ഊർജ്ജം എങ്ങനെ ഉപയോഗിക്കുന്നു എന്ന് നിയന്ത്രിക്കുന്ന ഹോർമോണുകൾ ഉൽപ്പാദിപ്പിക്കുകയും പുറത്തുവിടുകയും ചെയ്യുന്ന എൻഡോക്രൈൻ വ്യവസ്ഥയുടെ ഒരു സുപ്രധാന ഭാഗമാണിത്.
തൈറോയിഡിന്റെ പ്രധാന ജോലി മെറ്റബോളിസത്തെ നിയന്ത്രിക്കുക എന്നതാണ്
തൈറോയിഡിന്റെ പ്രധാന ജോലി മെറ്റബോളിസത്തെ നിയന്ത്രിക്കുക എന്നതാണ്. ഹോർമോണിന്റെ ഉത്പാദനം ശരീരത്തിന് ആവശ്യമുള്ളതിനേക്കാൾ കുറവോ കൂടുതലോ ആകുമ്പോഴാണ് തൈറോയ്ഡ് തകരാറുകൾ സാധാരണയായി ഉണ്ടാകുന്നത്. തൈറോയ്ഡ് പ്രവർത്തനം തകരാറിലാണെന്നതിന്റെ ലക്ഷണങ്ങൾ.
തൈറോയ്ഡ് പ്രശ്നങ്ങളുള്ളവർക്ക് പലപ്പോഴും അമിതമായ തണുപ്പ് അനുഭവപ്പെടാം
ശരീരതാപനില സ്ഥിരമായി 36.5°C-ൽ താഴെയാണെങ്കിൽ അത് തൈറോയ്ഡ് ഗ്രന്ഥിയുടെ പ്രവർത്തനം മന്ദഗതിയിലാണെന്നതിന്റെ (underactive thyroid) സൂചനയാകാം. കോശതലത്തിൽ താപവും ഊർജ്ജവും ഉൽപ്പാദിപ്പിക്കാനുള്ള ശരീരത്തിന്റെ ശേഷി കുറയുന്നു എന്നാണ് ഇതിനർത്ഥം. അതുകൊണ്ടാണ് തൈറോയ്ഡ് പ്രശ്നങ്ങളുള്ളവർക്ക് പലപ്പോഴും അമിതമായ തണുപ്പ് അനുഭവപ്പെടുകയോ മറ്റുള്ളവരെ അപേക്ഷിച്ച് അവർക്ക് പെട്ടെന്ന് തണുപ്പ് അനുഭവപ്പെടുകയോ ചെയ്യുന്നത്.
തൈറോയ്ഡ് അമിതമായി പ്രവർത്തിക്കുന്നത് കൊളസ്ട്രോൾ അളവ് കുറയാൻ കാരണമായേക്കാം
കൊളസ്ട്രോളിനെ നിയന്ത്രിക്കുന്നതിലും തൈറോയ്ഡ് ഗ്രന്ഥിക്ക് പങ്കുണ്ട്. തൈറോയ്ഡ് പ്രവർത്തനം കുറയുകയോ ഹൈപ്പോതൈറോയിഡിസം ഉണ്ടാവുകയോ ചെയ്താൽ കൊളസ്ട്രോൾ അളവ് കൂടാൻ സാധ്യതയുണ്ട്. അതേസമയം, തൈറോയ്ഡ് അമിതമായി പ്രവർത്തിക്കുന്നത് കൊളസ്ട്രോൾ അളവ് കുറയാൻ കാരണമായേക്കാം.
നഖങ്ങൾ പെട്ടെന്ന് പൊട്ടുന്നതിന് ഇടയാക്കും
ചർമ്മത്തിന്റെ ഉപരിതലത്തിൽ തൈറോയ്ഡ് ഹോർമോൺ അളവിനെ നേരിട്ട് പ്രതിഫലിപ്പിക്കുന്ന റിസപ്റ്ററുകൾ (receptors) ഉണ്ട്. T3, T4 എന്നിവയുടെ അളവ് കുറയുന്നത് കെരാറ്റിൻ ഉൽപ്പാദനം കുറയുന്നതിലേക്ക് നയിക്കുന്നു. ഇത് നഖങ്ങൾ പെട്ടെന്ന് പൊട്ടുന്നതിന് ഇടയാക്കും.
ഹൈപ്പർ തൈറോയിഡിസത്തിൽ കനത്ത മുടി കൊഴിച്ചിലുണ്ടാകുന്നു
മുടിയുടെയും ചർമ്മത്തിന്റെയും സ്വാഭാവിക ആരോഗ്യത്തിന് തൈറോയ്ഡ് ഹോർമോൺ ആവശ്യമാണ്. ചർമ്മം കട്ടിയുള്ളതും വരണ്ടതുമാകുന്നു. ഹൈപ്പർ തൈറോയിഡിസത്തിൽ കനത്ത മുടി കൊഴിച്ചിലുണ്ടാകുന്നു. ചർമ്മം നേർത്തു ദുർബലമാകുന്നു.
ഹൈപ്പോതൈറോയിഡിസം കൂടുതലും കണ്ടു വരുന്നത് പ്രായമേറിയ സ്ത്രീകളിലാണ്
തൈറോയ്ഡ് ഗ്രന്ഥി ആവശ്യത്തിലധികം ഹോർമോണുകൾ പുറത്തുവിടുന്ന അവസ്ഥയാണ് ഹൈപ്പർതൈറോയിഡിസം. തൈറോയ്ഡ് ഗ്രന്ഥി ആവശ്യത്തിന് ഹോർമോണുകൾ ഉത്പാദിപ്പിക്കാതെ വരുന്ന അവസ്ഥയാണ് ഹൈപ്പോതൈറോയിഡിസം. ഹൈപ്പോതൈറോയിഡിസം കൂടുതലും കണ്ടു വരുന്നത് പ്രായമേറിയ സ്ത്രീകളിലാണ്. ധാതുരൂപത്തിലുള്ള അയഡിന്റെ അഭാവം. ഒരു ട്യൂമറിന്റെ സാന്നിധ്യം കൊണ്ടു പിറ്റ്യൂട്ടറി ഗ്രന്ഥിക്കു ക്ഷതമുണ്ടാകുന്നത് എന്നിവയും അപൂർവ്വമായി കാരണമാകാറുണ്ട്. തെെറോയ്ഡ് രോഗം ആദ്യമേ തിരിച്ചറിഞ്ഞാല് എളുപ്പം മാറ്റാനാകും.
