പതാരം:കാട്ടുപന്നി ശല്യം അതിരൂക്ഷമായ ശൂരനാട് തെക്ക് ഗ്രാമപഞ്ചായത്തിൽ പന്നികളെ തുരത്താൻ നടപടിയുമായി പഞ്ചായത്ത്.കൃഷി നാശം വ്യാപകമായ എലാകൾ കേന്ദ്രീകരിച്ചാണ് ആദ്യഘട്ടത്തിൽ പന്നികളെ നശിപ്പിക്കാൻ നടപടി എടുത്തിരിക്കുന്നത്.ഇതിനായി പന്നികളെ വേട്ടയാടുന്നതിൽ വൈദഗ്ധ്യം ലഭിച്ച അഞ്ച് ഷൂട്ടർമാരെ നിയമിച്ചിട്ടുണ്ട്.രാത്രി കാലങ്ങളിൽ കാട്ടുപന്നികൾ എത്തുന്ന മേഖലകളിൽ തമ്പടിച്ചാണ് ഇവർ പന്നികളെ നേരിടുന്നത്.ഇതിനോടകം പത്തോളം പന്നികളെ വെടിവച്ച് കൊല്ലുകയുണ്ടായി.പഞ്ചായത്ത് പ്രസിഡൻ്റ് ആശാ രമേശ്,അംഗങ്ങളായ അഖിൽ നാഥ് ഐക്കര,പതാരം കലേഷ്,ശ്രീകുമാർ,ഇഞ്ചക്കാട് രാജൻ എന്നിവരുടെ നേതൃത്വത്തിലാണ് പന്നി വേട്ട നടക്കുന്നത്.വരും ദിവസങ്ങളിലും നടപടി തുടരുമെന്ന് പഞ്ചായത്ത് പ്രസിഡൻ്റ് ആശാ രമേശ് പറഞ്ഞു.