ശാസ്താംകോട്ട: ശാസ്താംകോട്ട ഹിൽടോപ്പ് ലയൺസ് ക്ലബ്ബിന്റെ 2026–27 വർഷത്തേക്കുള്ള പുതിയ ഭാരവാഹികൾ ചുമതലയേറ്റു. ജ്യോതിനാഥൻ എ. പ്രസിഡന്റായും, സുനിൽകുമാർ കെ. സെക്രട്ടറിയായും, അജയകുമാർ ബി. ട്രഷററായും, ശ്രീജിത്ത് ആർ. പിള്ള അഡ്മിനിസ്ട്രേറ്ററായും സ്ഥാനമേറ്റു.
ഇലഞ്ഞിവേലി പ്ലാസയിലെ ലയൺസ് ഹാളിൽ നടന്ന സ്ഥാനാരോഹണ സമ്മേളനം ലയൺസ് മൾട്ടിപ്പിൾ കൗൺസിൽ വൈസ് ചെയർപേഴ്സൺ പി.എം.ജെ.എഫ്. ജെയിംസ് ജോബ് ഉദ്ഘാടനം ചെയ്തു.
പരിസ്ഥിതി സംരക്ഷണ പദ്ധതിയുടെ ഭാഗമായി ചെയർമാൻ എം.ജെ.എഫ്. ലയൺ ജി. പ്രഭാകരക്കുറുപ്പ് ലയൺ കേരള ശശികുമാറിന് വൃക്ഷത്തൈ കൈമാറി. റിലീവിംഗ് ഹംഗർ പ്രോജക്റ്റിനായുള്ള ധനസഹായം ലയൺ ശ്രീജിത്ത് ആർ. പിള്ളയിൽ നിന്ന് സോൺ ചെയർമാൻ ലയൺ ജി. മധുസൂദനൻ ഏറ്റുവാങ്ങി.
പ്രസിഡന്റ് ജ്യോതിനാഥൻ എ. ചൈൽഡ്ഹുഡ് കാൻസർ ചികിത്സയ്ക്കും വൃദ്ധസദനത്തിനുമായി ധനസഹായം വിതരണം ചെയ്തു. കൂടാതെ, അഞ്ച് ലക്ഷം രൂപയുടെ വിവിധ സേവന പദ്ധതികൾക്ക് സമ്മേളനത്തിൽ തുടക്കമായി.
S S LC പ്ലസ് ടു പരീക്ഷകളിൽ ഉന്നത വിജയം നേടിയ ആദിത്യൻ ജെ.ആർ., ഭവാനി ശ്രീജിത്ത്, ദേവദത്ത് ബി. എന്നിവരെ ചടങ്ങിൽ ആദരിച്ചു.
ജി. സോമരാജൻ പിള്ള, കെ. ഹരികുമാർ, രാജേഷ് കണ്ണങ്കര, ബാബു മംഗലത്ത്, സുരേഷ് കുമാർ ബി., സാബു ജി., വിദ്യാധരൻ പിള്ള, രാജേന്ദ്രൻ പിള്ള എന്നിവർ ആശംസകൾ നേർന്നു. കേരള ശശികുമാർ, രാജേഷ് ഡി.ആർ., കെ. മധുസൂദനൻ പിള്ള, ഡോ. മുഹമ്മദ് നാസ്, ഡോ. സനൽ ഭാസ്കർ, റിയാസ് ആർ., ജി. ഗോപാലകൃഷ്ണപിള്ള എന്നിവർ ചടങ്ങിൽ സന്നിഹിതരായി. ക്ലബ് സെക്രട്ടറി നന്ദി രേഖപ്പെടുത്തി
