ശൂരനാട്:ശൂരനാട് നോർത്ത് ഗ്രാമപഞ്ചായത്തിന്റെയും ശൂരനാട് സാമൂഹിക ആരോഗ്യ കേന്ദ്രത്തിന്റെയും സംയുക്താഭിമുഖ്യത്തിൽ സ്ത്രീകൾക്കായി ക്യാൻസർ നിർണയ ക്യാമ്പുകൾ സംഘടിപ്പിക്കുന്നു ഗർഭാശയ ക്യാൻസർ,വായിലെ ക്യാൻസർ,സ്തനാർബുദം എന്നീ വിഭാഗങ്ങളിലാണ് പരിശോധന നടത്തുന്നത് തിരുവനന്തപുരം ആർസിസിയുടെ മേൽനോട്ടത്തിൽ വിവിധ സ്പെഷ്യലിസ്റ്റ് ഡോക്ടർമാരെ ഉൾപ്പെടുത്തിയാണ് ക്യാമ്പ് നടക്കുന്നത്.
പഞ്ചായത്തിലെ ഓരോ വാർഡുകളിൽ നിന്നും ഹൈ റിസ്ക് വിഭാഗത്തിലുള്ളവരെയും,ശൈലി സർവ്വേ വഴി സ്കോർ നാലിന് മുകളിലുള്ളവരെയുമാണ് പരിശോധന നടത്തുന്നത്.രാവിലെ 9 മുതൽ ഉച്ചയ്ക്ക് 1 വരെയാണ് ക്യാമ്പ് നടക്കുന്നത്.13,14,15,16,17 വാർഡുകളിൽ നടന്ന ആദ്യ ക്യാമ്പിൻ്റെ
ഉദ്ഘാടനം ഗ്രാമപഞ്ചായത്ത് പ്രസിഡന്റ് ലക്ഷ്മി ബിജു നിർവഹിച്ചു.ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ഷീജ ഷാജി,മെഡിക്കൽ ഓഫീസർ ഡോ.ബിന്ദു അനിൽകുമാർ എന്നിവർ പ്രസംഗിച്ചു.
